Спорт
Ванкувер резултати шести ден

Уметничко лизгање, официјална програма (мажи): Еван Лисачек од САД го освои златниот медал пред фаворитот и повратник Евгениј Плушенко од Русија кој мораше да се задоволи само со среброто а бронзата ја освои Даисуке Такахаши од Јапонија.
Уметничко лизгање, официјална програма (мажи): Еван Лисачек од САД го освои златниот медал пред фаворитот и повратник Евгениј Плушенко од Русија кој мораше да се задоволи само со среброто а бронзата ја освои Даисуке Такахаши од Јапонија.
Биатлон 15 километри индивидуално (жени): Тора Бергер од Норвешка го освои златото со време од 40.52.08, пред Елена Крусталева од Казахстан која освои сребро а бронзата ја освои Дарија Домрачева од Белорусија.
Алпско скијање слалом (жени): Марија Рајх од Германија освои злато со време од 2.09.12 пред Џулија Манкузо од САД која освои сребро, Ања Персон од Шведска освои бронза.
Брзо лизгање 1000 метри (жени): Кристи Незбит од Канада освои злато со време од 1.16.56, Анет Геритсен од Холандија го освои сребрениот медал, а Лорин вон Рејсен од Холандија освои бронза.
Биатлон 20 километри индивидуално (мажи): Емил Сведсен од Норвешка освои златен медал со време од 48.22.05 пред Сергеј Новиков од Белорусија, а Оле Ејнар Бјорендален од Норвешка освои бронза.
Сноуборд (жени): Тора Брајт од Австралија освои злато пред Хана Тетер од САД која освои сребро а Кели Кларк од САД освои бронза.
Карлинг (мажи): Данска- САД 7:6, Германија- Норвешка 4:7, Канада- Шведска 7:3, Велика Британија- Швајцарија 3:4, Шведска- Кина 6:5, Велика Британија- Данска 9:6, Норвешка- Швајцарија 7:4, Франција- Канада 5:12.
Карлинг (жени): Канада- Германија 6:5, Кина- Јапонија 9:5, Русија- Велика Британија 3:10, Данска- САД 7:6.Хокеј група А (мажи): САД- Норвешка 6:1, Швајцарија- Канада 2:3.
Хокеј Група Б (жени): САД- Финска 6:0, Кина- Русија 1:2./крај/ванк/сл
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Ги елиминира Фенербахче од Лигата на шампионите, па потпиша договор со нив

Во денот кога Фенербахче му врачи отказ на тренерот Жозе Мурињо, турските медиуми објавија дека клубот го договорил трансферот на поранешниот играч на Галатасарај, Керем Актуркоглу.
Бенфика ќе добие фиксни 22.500.000 и низ бонусите уште 2.500.000 евра.
Интересно, Актуркоглу на некој начин му го потпиша отказот на Жозе Мурињо.
Во средата, тој го постигна единствениот гол во плејоф двомечот меѓу Бенфика и Фенербахче. Овој гол и овозможи на Бенфика да игра во Лигата на шампионите, а Фенербахче го испрати во Лига Европа.
Актуркоглу од семејни причини инсистираше да трансферот.
Foto/ EPA/ERDEM SAHIN
Спорт
Миовски се враќа во Шкотска, ќе потпише за Глазгов Ренџерс

Македонскиот репрезентативец Бојан Миовски се враќа во Шкотска. Џирона и Глазгов Ренџерс го договориле трансферот. Миовски ќе гоо стави потписот на договорот со „полицајците“ кога ќе ги мине лекарските прегледи, кои се најавени до крајот на денот.
Бојан Миовски две сезони блескаше во дресот на Абердин, во кои постигна 44 гола. Минатото лето реши да се пресели во Шпанија, за да игра во Лигата на шампионите. Џирона за него на Абердин му плати 8.500.000 евра.
Во Каталонија немаше добра сезона, постигна четири гола во 25 натпревари во сите натпреварувања, но речиси не играше во вториот дел од сезоната, поради повредите, но и поради одлука на тренерот.
Неговиот статус не се смени ниту во новата сезона и покрај тоа што беше стартер во првото коло против Рајо Ваљекано (0:2). Миовски одигра 45 минути, а потоа беше заменет кога голманот Газанига доби црвен картон.
Во второто коло и убедливиот пораз од Виљареал, Миовски воопшто не беше во составот на Џирона и тогаш беше јасно дека во клубот повеќе не сметаат на него.
Џирона реши да го продаде напаѓачот и покрај тоа што имаше до јуни 2028 година.
Глазгов Ренџерс за Миовски на Џирона ќе и плати 5.000.000 евра.
Foto/ EPA
Спорт
Челниците закажале состанок со Аморим

Манчестер јунајтед, во средата доживеа шокантна елиминација од Лига купот од членот на Четвртата лига Гримзби.
Поразот во медиумите беше означен како најголем срам во клупската историја. Логично е дека елиминацијата предизвика потреси во клубот.
Рубен Аморим не успева да ги спроведе своите идеи, а за време на репрезентативната пауза се очекува да разговара со клупските челници, објавува „Дејли меил“.
Португалецот истакна дека нешто мора да се промени, но да се сменат 22 играчи е невозможно. Медиумите оваа изјава ја протолкуваа како знак на заминување.
Сепак, во клубот не размислува за такво сценарио, иако Аморим нема победа во првите две кола од Премиер лигата. Ќе видиме дали оваа шлаканица во Купот ќе ги раздвижи „црвените ѓаволи“, кои потрошија повеќе од 200.000.000 евра во овој преоден рок.
Фото/ Принтскрин