Спорт
АБА лига: Уште еден убедлив пораз на МЗТ
Кошаркарите на МЗТ доживеаја уште еден убедлив пораз во АБА лигата. Во Подгорица, СЦ Дреби вечерва слеваше со 103:85.
Првата четвртина покажа во која насока ќе се движи натпреварот. Во овој период МЗт постигна 28, но на домаќинот му дозволи да уфрли 36 поени. На почетокот на вториот период СЦ Дерби прв пат дојде до двоцифрена предност, а на полувреме so 62:47.
Стартот на воторото полувреме беше добар за МЗТ, со серија од осум поени се добилижија на едноцифрена разлика. Налетот го одби Мекги со пет поени. Предноста на СЦ Дерби во еден момент достигна 24 поени, во финишот МЗТ малку успеа да ја ублажи катастрофата.
МЗТ имаше дури 17 скокови помалку од СЦ Дерби чии кошаркари за два поени имаа реализиција од речиси 75 отсто.
Мичовиќ и Кефи со по 20 поени беа најефикасни кај МЗТ, во домашниот тим се истакнаа
Џексон со 20, Хаџибеговиќ со 16, односно Славковиќ и Тасиќ со по 15 поени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Алегри го напушта Јувентус на крајот од сезоната
Масимилијано Алегри ќе го напушти Јувентус на крајот од сезоната, тврдат неколку италијански медиуми. Според овие извори, Алегри ќе го напушти клубот пред истекот на договорот. Тренерот има договор со Јувентус до јуни 2025 година.
„Тутоспорт“ и „Газета дело Спорт“, објавија дека ниту Јувентус сака да му понуди нов договор, ниту Алегри сака да остане во клубот. Според овие извори проблем нема да биде ниту оштетата која треба да ја добие Алегри за предвремен раскин на договорот.
Тренерот има годишна плата од седум милиони евра, но според медиумите двете страни ќе договорат раскин на договорот за помала сума.
Јувентус, пред еден месец беше легитимен кандидат за шампионската титула, но во последните осум натпревари забележа само една победа и на табелата падна на третото место.
Спорт
Атлетико и ништо друго – Коке ќе потпише нов договор
Хорхе Ресуресион Меродио, во светот на фудбалот познат како Коке, ќе потпише нов договор со Атлетико Мадрид. Коке е продукт на фудбалската акедемија на „јорганџиите“, а за првиот тим настапува од 2011 година. Ова е само уште еден доказ за љубовта на 32-годишникот кон клубот, што во денешниот фудбал е вистинска реткост.
Атлетико и Коке ќе ја искористат репрезентативната пауза за да потпишат нов договор. Допарва ќе решат дали Коке ќе потпише на една или две сезони. Желбата на фудбалерот е да добие нов двегодишен договор.
Коке е апсолутен рекордер според бројот на одигран натпревари за Атлетико. Досега во кариерата дресот на „јорганџиите“ го носел на 625 натпревари. За Шпанија има одиграно 70 натпревари.
Спорт
Ненадејно почина момчето на Арина Сабаленка
Константин Колцов, поранешен белоруски хокеар, ненадејно почина на 43-годишна возраст. Колцов поранешен играч на НХЛ, а последните две и пол години беше во врска со Арина Сабаленко. Колцов бил пронајден мртов во Мајами. Тој ја придружувал својата девојка на американската турнеја.
„Со длабоко жалење ве известуваме дека почина тренерот на Салават Јулаев, Константин Колцов. Тој беше силна и весела личност, сакана и почитувана од играчите, соиграчите и навивачите“, соопшти Салават Јулаев, клубот во кој работеше како тренер.
Сабаленка е втората тенисерка во светот. Колцов ја бодреше од трибините во јануари кога таа ја одбрани титулата на Австралија опен.
Сабаленка последниот меч го одигра пред шест дена во Индијан Велс, кога беше поразена од Американката Ема Наваро. Оваа недела таа треба да настапи на Мастерсот во Мајами, но сигурно е дека ќе се повлече од турнирот.