Џефри Џордан, најстариот син на НБА легендата Мајкл Џордан, е уапсен поради напад во една болница во Скотсдејл, Аризона, откако се повредил при пад во една кафеана.

32-годишниот Џефри, кој е поранешен колеџ-кошаркар, а сега работи како шеф за дигитални иновации за брендот „Џордан“, наводно паднал од маса во мексикански ресторан во Скотсдејл, по што бил однесен во локалната болница за повреда на главата, каде што бил уапсен за напад на медицинско лице. Тој подоцна

32-годишниот Џордан Јуниор доби спортска стипендија на Универзитетот на Илиноис во 2007 година, пред да замине во Универзитетот во Централна Флорида и да си замине од кошарката кога дипломираше психологија во 2012 година.

Поранешната ѕвезда на Манчестер сити, Самир Насри објави дека става крај на својата кариера, откако беше без клуб по заминувањето од Андерлехт на крајот на минатата сезона.

Фудбалерот од средниот ред, кој играше и за Вест хем, претходно доби шестмесечна суспензија во 2018 поради допинг, откако доби трансфузија на крв во клиника во Лос Анџелес, а имаше и 41 настап за француската репрезентација, постигнувајќи 5 гола, последен пат во 2013 година.

34-годишниот Насри, кој работи како коментатор за „Канал плус“, вели дека нема предизвик кој го возбудува по краткото обединување со Винсен Компани во Андерлехт, а опција за враќање во клубот од детството, Олимпик Марсеј, засега нема.

„Сега имам некоја емоционална реакција, но има идеја да се биде и играч и тренер. Си кажав дека ќе одам со Винсен во Андерлехт, но работите не испаднаа како што треба. Нема друг предизвик. Ако се вратев во Франција, тоа не беше во Олимпик Марсеј“, вели Насри.

Милан вчера успеа да стигне до својата петта победа оваа сезона, триумфирајќи над Специја со 2:1, во меч во кој сите очи беа вперени кон Даниел Малдини, кој покрај тоа што првпат во кариерата беше стартер во лигашки меч, постигна и убав гол со глава.

Трите поени беа слатки, но фокусот на бројот 27 и семејството Малдини беше главна тема на италијанските спортски весници. Младиот Малдини со голот го наследи својот татко Паоло (сега спортски директор на клубот кој се радуваше на трибините) и својот дедо, легендарниот Чезаре.

„Малдини засекогаш. Даниел постигна гол, по Чезаре и Паоло, третиот од династијата кој има гол за росонерите. Таткото прославува на трибините“, стоеше на насловната страница на „Ла газета дело спорт“.

И „Тутоспорт“, спортскиот весник од Торино беше импресиониран: „Династија на Милан. Прв гол во Серија А за Даниел Малдини, кој ги следи таткото Паоло и дедото Чезаре“. На „Кориере дело спорт“ кратко пишуваше: „Внукот на ѓаволот. Од Чезаре до Даниел, преку Паоло – ова е династијата на Милан“.

Paolo Maldini's reaction to his son, Daniel, scoring on his first start for AC Milan is EVERYTHING. ❤️ pic.twitter.com/vZourSAW7i

— CBS Sports Golazo ⚽️ (@CBSSportsGolazo) September 25, 2021