Фудбалерите на Лајпциг ја декласираа Херта со 6:0, а победи во шестото коло забележаа Баер Леверкузен, Хофенхајм и Унион Берлин. Без победник заврши натпреварот Ајнтрахт-Келн.

Лајпциг, вице-шамоионот од минатата сезона, по заминувањето на тренерот Нагелсман, дефанзивецот Умапекано и капитенот Сабицер, лошо влезе во сезоната. Во првите пет кола, „биковите“ запишаа три порази.

Непланираните порази ги наплатија во саботата со убедливата победа над Херта. „Биковите“, испорачаа шест гола во мрежата на тимот од германската престолнина. Енкунку, Поулсен и Мукиеле погодија во првото, а Форсберг, Енкунку и Хаидара во вториот дел.

Баер, во Леверкузен, со 1:0 го поебди Мајнц. единствениот гол го постигна Вурц во 62.минута.

Баер се искачи на второто место на табелата, на кое до ова коло се наоѓаше Волфсбург.

„Волците“, дожовеаја пораз од Хофенхајм и покрај тоа што имаа предност со голот на Баку. Крамариќ, Баумгартнер и Кадержабек го режираа пресвртот за победа од 3.1.



Вест Хем и Евертон забележаа победи во традиционалниот саботен термин во Премиер лигата. „Чеканите“ победија во Лидс, Евертон го победи Норич, Лестер се извлече од пораз против Барнли, а без победник заврши и натпреварот Вотфорд-Њукасл.

Лидс, прв пат од сезоната 1935/1936, нема победа по првите шест кола. Екипата на Марсело Бијелса има три нерешени и три порази. Третиот пораз го доживеаја од Вест Хем.

„Чеканите“, со пресврт во вториот дел, изборија победа на „Елан роуд“. Рафиња во првиот дел погоди за Чидс, во вториот израмни Фирпо со авто-гол, а победата на Вест Хем им ја обезбеди Антонио во 90.минута.

Лестер, во финишот на натпреварот се спасија од пораз против Барнли. Мечот го обележа Џејми Варди, кој постигна три од четири гола.

Варди најпрвин си постигна авто-гол, потоа го израмни резултатот на 1:1. Барнли имаа предност по првиот дел со голот на Корне.

Лестер израмни преку Варди во 85.минута. Домашните ВАР ги псаси од пораз. Напаѓачот на Барнли, Крис Вуд, во 95.минута се најде во милиметарски офсајд.

Евертон рутински го победи Норич со 2:0. Таусенд постигна гол од пенал во првото полувреме, а триумфот го потврди Докуре во вториот дел.

Манчестер јунајтед не успа да ја победи Астон Вила. На „Олд Трафорд“, гостите ја однесоа победа (0:1). Бруно Фернандеш, во 93.минута не успеа да реалзира пенал.

Прашање на денот е зошто Кристијано Роналдо не ја зеде топката, кога беше доседен пеналот за Јунајтед.

Можеби сакаше да покаже почит кон сонародникот Бруно Фернандеш, кој од доаѓањето во клубот ги шутирз пеналите, а можеби и падна на провокациите од голманот на Вила, Емилијано Мартинез.

Аргентинецот сакаѓе Роналдо да го изведе пеналот, покажа и со прст кон него: „Ти шутирај го пеналот, ти шутирај“.

На крајот Бруно го промаши голот, а Мартинез со соиграчите ја прослави победата.

Shoutout to Bruno Fernandes for becoming the first person in recorded history to put a football on Mars.

— Tom (@tdnightingale) September 25, 2021