Спорт
Абрамович прави нов дриблинг со Челси, не сака да отпише долг од 1,6 милијарда фунти
Доколку до крајот на овој месец, поточно до 31 мај, сѐ уште актуелниот европски фудбалски шампион Челси не им биде продаден на нови сопственици, може да наиде на многу големи проблеми. Неколку дена откако американската инвестициска банка „Рајне“, посредникот за преземање на клубот, објави дека првиот избран понудувач за имотот е американскиот претприемач Тод Боели, почнаа проблемите.
Актуелниот сопственик, рускиот милијардер Роман Абрамович, според извори блиски до него, направил радикален пресврт и сега веќе не сака да отпише 1,6 милијарда фунти долг колку што има Челси како клуб кон него како физичко лице или инвеститор. Во почетните фази на руско-украинската криза, поради која беше принуден да продава, Роман Абрамович постојано нагласуваше дека ќе ги отпише тие пари, а британската влада му нареди да го стори тоа.
Премиерот Борис Џонсон експлицитно го забрани збогатувањето на Русите на територијата на таа земја и лично се залагаше тој да го надгледува процесот на продажба на Челси, во кој Абрамович не може да заработи ниту денар. Но, се чини дека работите радикално се менуваат.
Британскиот весник „Тајмс“ објави дека сегашните членови на управниот одбор на Челси минатата недела ја информирале владата дека сакаат да го реструктуираат начинот на кој се одвива процесот на продажба на клубот. Конкретно, менаџментот бара префрлање на спорните 1,6 милијарда фунти од Fordstam, сопственост на Роман Абрамович, на сметката на Camberley International Investments, чија сопственичка структура е во голема мера непозната.
За сето ова сѐ уште никој не проговорил од луѓе блиски до Абрамович, исто како и некој од врвот на британскиот политички врв, па останува да видиме кој ќе ја преземе сопственоста на клубот и како ќе функционира Челси во иднина. Британската влада му дозволи на Челси да работи под посебни услови до 31 мај оваа година кога му истекува лиценцата за работа со Англиската фудбалска асоцијација. Доколку работите дотогаш не се решат, односно ако рускиот капитал не е далеку од клубот, неговиот опстанок би можел сериозно да биде доведен во прашање.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Столе Димитриевски не дозоволи Валенсија да биде елиминирана од Купот
Столе Димитиревски од срам ја спаси Валенсија во третото коло, во Купот на Кралот. Валенсија по 120 минути борба го победи членот на третата лига, Картагена со 2:1.
Валенсија беше зрела, губеше од 21-та минута со голот на Ортун. А Картахена ја задржа таа предност до 80-та минута, кога Белтран изедначи на 1:1 и избори продолженија.
А во продолженијата се случи востонска драма. Во 112-та минута, Валенсија остана со играч помалку, поради вториот жолт картон на Сантамарија. А потоа, во 119-та минута, беше досуден пенал за домашната екипа. 20-годишниот Кевин Санчез ја презеде одговорноста. Сепак, искусниот македонски репрезентативец Столе Димитријевски го одбрани пеналот.
Хесус Васкез се погрижи трагедијата да биде поголема. Левиот бек на Валенсија, чие име во превод значи Исус, постигна гол во првата минута од судиското продолжение за пласман во 1/16-финалето.
🏆🦇 Els dos moments clau de la victòria del @valenciacf_vale a Cartagena:
🧤El penal aturat per Dimitrievski
⚽️El gol de Jesús Vázquezhttps://t.co/obYzIulMsH pic.twitter.com/fRptcEClGp
— À Punt Esports (@apuntesports) December 4, 2025
Foto/ EPA
Спорт
(Видео) Кикс на Јунајтед – Вест Хем остана непоразен на „Олд Трафорд“
Манчестер Јунајтед и Вест Хем одиграа 1:1 во последниот натпревар од 14-то коло од Премиер лигата. Јунајтед поведе преку Диого Далот, додека Вест Хем израмни преку Сунгуту Магаса. Со ова реми, тимот на Рубен Аморим скокна на осмото место на табелата со 22 бода, 11 помалку од водечкиот Арсенал, додека Вест Хем е само 18-ти со 12 бода.
Јунајтед поведе во 58-та минута. Акцијата на Јунајтед започна од левата страна и се префрли на десно. Амад Дијало додаде за Касемиро, чиј обид за шут заврши во блокот, топката дојде до Далот, кој остана сам на околу 10 метри од голот и лесно постигна гол за 1:0. Тоа беше првиот гол на Далот од 17 април, кога постигна гол во победата од 5-4 против Лион во продолженијата во четвртфиналето од Лигата на Европа.
Вест Хем израмни во 83-тата минута од натпреварот. По одбиената топка по корнерот, топката дојде до Магаса, кој исто така остана сам и го постигна својот прв гол во Премиер лигата и втор во кариерата со шут во блискиот, лев агол.
Јунајтед не успеа да ја искористи победата против Палас во минатото коло, но во последните осум кола загуби само еднаш, има скор од четири победи и три нерешени резултати. „Чеканите“ ја продолжија својата серија од три натпревари без победа по нерешениот резултат кај Борнмут и поразот кај Ливерпул.
Foto/ EPA
Спорт
(Видео) Заврши историската серија на Леброн Џејмс – Лејкерси со звукот на сирената го победија Торонто
По повеќе од 18 години и 1.297 последователни натпревари во основниот дел од НБА лигата, заврши неверојатната серија на Леброн Џејмс по број на натпревари со минимум 10 поени.
Најдобриот стрелец во историјата на НБА (42.268 поени) го заврши натпреварот со осум поени во драматичната победа на Лос Анџелес Лејкерс против Торонто Репторс од 123:120. Наместо да се обиде сам да ја продолжи серијата, тој му асистираше на Руи Хачимура за победничката тројка во последните секунди.
Џејмс имаше можност да го изведе последниот шут и да ја обезбеди победата, а со тоа и продолжувањето на серијата. Но, наместо тоа, тој се одлучи за, како што нагласуваше безброј пати во текот на својата 23-годишна кариера, „правилниот и најпаметен потег“. Тој му асистираше на Хачимура во левиот корнер.
Тројката на Хачимура помина низ мрежата со звук на сирена, а Џејмс ги крена рацете во воздух во знак на прослава на победата на тимот.
RUI HACHIMURA FROM THE CORNER FOR THE WIN OFF THE LEBRON JAMES DIME!
🚨 @TISSOT BUZZER-BEATER 🚨
Everyone Gets 24 pic.twitter.com/6J38hGVRYK— NBA (@NBA) December 5, 2025
Иако серијата сега е завршена, победата очигледно беше единственото нешто што беше важно. За Џејмс, ова беше деветтиот натпревар во неговата кариера во основниот дел од лигата во кој постигна едноцифрен број поени. Последниот пат кога се случи тоа беше на 6 јануари 2007 година.
Кога Џејмс ја започна неверојатната серија што заврши во Торонто, првиот избор на драфтот оваа година, Купер Флаг, имаше 15 дена, а најстариот син и соиграч на Леброн, Брон, имаше две години. Луѓето штотуку се запознаваа со социјалната мрежа Твитер (денес X), а претседател на САД беше Џорџ В. Буш.
Следните информации откриваат колку е моќна таа серија. Најдолгата активна низа натпревари со двоцифрен број поени сега ја држи Кевин Дурант, 37-годишниот играч на Хјустон Рокетс.
Тој има 267 последователни натпревари со 10+ поени. За да го достигне Џејмс, осмиот најдобар стрелец во историјата на НБА (30.996 поени) ќе мора да одигра 82 натпревари во следните речиси цели 13 сезони и никогаш да не заврши натпревар со едноцифрен број поени.
Најдолга серија од 10 поени во НБА
Леброн Џејмс 1297
Мајкл Џордан 866
Карим Абдул-Џабар 787
Карл Мелоун 575
Инаку мечот го пропушти Лука Дончиќ, кој отпатува во Словенија за раѓањето на своето второ дете, Остин Ривс ги предводеше Лејкерси до победа со 44 поени и 10 асистенции. Џејмс го заврши натпреварот со 8 поени, шест скока и 11 асистенции.
Foto/ EPA
Путин: Подготвен сум за војна со Европа; Америка: Ќе бидете добро со помалку наши војници
Намалувањето на бројот на американски војници во Европа нема да ја загрози одбраната на континентот, изјави во вторник врховниот командант...
Медиумите: Дронови забележани во близина на рутата на летот на Зеленски на пат кон Даблин
Ирската морнарица забележала околу пет дронови кои дејствувале во близина на рутата на летот на украинскиот претседател Володимир Зеленски за...
Трамп сакаше да отпушти 250 вработени во Стејт департментот, судот ја блокира неговата одлука
Одлуката на американското Министерство за надворешни работи за отпуштање на околу 250 вработени беше блокирана на суд во четврток, што...
(Видео) Американската војска разнесе брод во Пацификот, објавена снимка од нападот
Американската војска вчера изврши нов напад врз брод за кој тврди дека превезувал дрога во крајбрежните води на Латинска Америка,...
Медведев за контроверзниот европски план: Ова може да биде повод за војна
Шефот на рускиот Совет за безбедност и поранешен руски претседател Дмитриј Медведев вчера предупреди дека користењето на замрзнатите руски средства...
Висок функционер: Нема знаци на напредок кон прекин на огнот во Украина
Висок претставник на Обединетите нации за Украина предупреди дека војната во Украина се влече без знаци на напредок кон прекин...
„Америка може да нè предаде“: протече разговор меѓу Макрон, Мерц и Зеленски
Европските шефови на држави и влади длабоко не им веруваат на Соединетите Американски Држави кога станува збор за мировни преговори...
(Видео) Татко на една од жртвите: Загрижува што обвинетите се однесуваат како оштетени и како првпат да слушаат за дискотеката „Пулс“
Загрижува фактот што обвинетите продолжуваат да добиваат јавен простор за изјави и медиумски настапи иако се соочуваат со сериозни обвиненија...
Јас единствен барав да не му се издава лиценца на „Пулс“, би требало да седам како јавност, а не како обвинет, рече поранешниот градоначалник Ратко Димитровски
Изненаден од тоа што седи на обвинителна клупа, поранешниот градоначалник на Кочани, Ратко Димитровски, на денешното судење за трагедијата во...
„Името го сменивме двапати, Уставот седумпати“ – Николоски во Брисел побара чесен пристап и одговор дали со уставните измени завршуваат барањата
Заменик-претседателот на Владата, Александар Николоски, се обрати на форумот „Прашања на проширување: Новата геополитичка, безбедносна и економска граница на Европа“,...
Фирмата за подготовка на храната во „Димо Хаџи Димов” казнета со 900 евра, во уште едно училиште откриена ешерихија коли во намаз
Операторот за подготовка на храната во основото училиште во Влае, „Димо Хаџи Димов“, е казнета со 900 евра откога беа...
Ресторан на нива, одморалиште издавано без согласност, градинка без деца оти нема пат – ревизијата утврди серија нерегуларности во Свети Николе
Државниот завод за ревизија утврди серија нерегуларности во работењето на Општина Свети Николе за 2024 година поради што изрази неповолно...
Обвинетите за „Пулс“ утрово во „Идризoво“ ги пречекаа фотографии од сите загинати
Металните барикади пред влезот во судницата во „Идризово“, кои ги одвојуваат влезовите преку кои влегуваат обвинетите и родителите на загинатите,...
Затвореник признал дека се негови 13-те мобилни и лаптопот најдени во ќелијата на Џеваир Камбери, обвинет за „Пулс“
Тринаесетте мобилни телефони и еден лаптоп пронајдени во ќелијата на обвинетиот за трагедијата во кочанската дискотека „Пулс“, Џеваир Камбери, не...
Посетата на Путин на Индија: Нафта, оружје и геополитичка порака до светот
Рускиот претседател Владимир Путин оди во Индија во дводневна посета, каде што се очекува да се сретне со премиерот Нарендра...
(Видео) Украинците: Го нападнавме рускиот нафтовод „Дружба“
Во понеделникот, уште една експлозија го потресе рускиот нафтовод „Дружба“, потврдија извори од украинското воено разузнавање (ХУР) за „Киев пост“....
Британците и Норвежаните потпишуваат договор: заедно ќе ги следат руските подморници
Велика Британија и Норвешка денес ќе потпишат нов договор за одбранбена соработка, планирајќи заедничко управување со флота од фрегати за...
(Видео) Се урна американски „Ф-16“
Американски борбен авион F-16C Fighting Falcon на воздухопловни сили „Thunderbirds“ се урна во оддалечена пустинска област јужно од аеродромот Трона,...
Нови израелски напади врз Газа: погодени шатори за бегалци, повеќе мртви
Петмина Палестинци вчера беа убиени, а неколку други беа повредени кога израелските авиони гаѓаа шатори и импровизирани засолништа за раселени...
Мадуро потврди дека разговарал со Трамп
Венецуелскиот претседател Николас Мадуро во средата потврди дека пред околу 10 дена имал „срдечен и полн со почитување“ телефонски разговор...
