Спорт
Адемар го декласираше Металург, Пелистер пак „потфрли“ во последните секунди
Македонските претставници ќе почекаат за прва победа во новоименуваното натпреварување на ЕХФ, Европската лига, откако Металург беше декласиран на гостувањето кај силниот Адемар во Шпанија со 41:32, а Еурофарм Пелистер пропушти водство од +6 на полувреме, да одигра 25:25 со швајцарскиот Кадетен.
Во Шпанија, Адемар направи предност од седум гола во првото полувреме, и потоа рутински го донесе мечот до финиш. Рубен Марчан даде осум гола на македонскиот клуб, Гонзало Перез додаде седум, додека Милан Поповиќ со осум гола беше најефикасен за клубот од Автокоманда.
Во Битола, Кадетен Шафхаузен успеаја да надминат негатива од шест поени, за на 10 секунди пред крајот Себастијан Фримел да постигне гол за 25:25, за вторпат во две кола Еурофарм Пелистер да пропушти водство во финишот на мечот, по 29:30 поразот од ГОГ. Фримел постигна пет гола, шест имаше Јонас Шелкер, додека за битолскиот клуб, Стипе Мандалиниќ имаше седум гола, а Томислав Кусан додаде четири.
Some super late drama involving @kadettensh yet again as Sebastian Frimmel completes a 6-goal second-half comeback against Eurofarm Pelister in the #ehfel! ? pic.twitter.com/VUFFBYqadh
— EHF European League (@ehfel_official) November 17, 2020
We’ve reached the witching hour in the #ehfel and @ADEMARLEON‘s Gonzalo Perez Arce has arrived from the realm of ridiculous reverse spin shots! ? pic.twitter.com/3SP4C3vuNd
— EHF European League (@ehfel_official) November 17, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ливременто ќе стане најскапиот бек во историјата на фудбалот
Манчестер Сити не запира со реконструкцијата, која за цел има целосно да го подмлади тимот. Англиските медиуми тврдат, дека клупските челници ќе ја исполнат желбата на Пеп Гвардиола и дека во летниот преоден рок ќе го ангажираат Тино Ливременто.
Манчестер Сити е подготвен да плати рекордна сума за Ливраменто, неговиот тековен договор со Њукасл го врзува до 2028 година.
Манчестер Сити плати 57 милиони евра за Вокер во 2017 година, а потоа рекордни 65 за Жоао Кансело од Јувентус во 2019 година.
Светскиот рекорд платен за бек е трансферот на Ашраф Хакими од Интер во ПСЖ во вредност од 70 милиони евра во 2021 година.
Њукасл бара 80 милиони евра за својот бек и тоа би бил најскапиот платен бек во историјата на фудбалот, секако доколку трансферот биде реализиран.
Ливраменто играше три пати за Англија, дебитираше во победата од 5:0 против Република Ирска во 2024 година.
Foto/ depositphotos
Спорт
(Видео) Меси спречи пораз на Интер во Орландо
Лионел Меси постигна два гола во второто полувреме и го предводеше актуелниот шампион Интер Мајами до победата против Орландо Сити – 4:2.
Интер одигра лошо прво полувреме, му дозволи на орландо до 24-та минута да води со 2:0.
Раниот гол на Силвети во второто полувреме го најави пресвртпт на Интер. Во 57-та минута, аргентинскиот маестро го израмни резултатот на 2:2 по асистенцијата на Теласко Сеговија, кој донесе целосен пресврт во 85-та минута.
Меси стави точка на натпреварот во 90-та минута со спектакуларен гол од слободен удар.
Тренерот на Мајами, Хавиер Маскерано, не ги криеше своите емоции по натпреварот:
„Победата им припаѓа исклучиво на играчите. Во второто полувреме, тие беа шампионски тим. Немаше тактика – тоа беше срце, храброст, посед, упорност и посветеност. Тие излегоа на теренот како шампиони и го покажаа тоа.“
Зборувајќи за Меси, Маскерано додаде:
„Тој е најдобриот играч во историјата на фудбалот. Тој е лидер и ги инспирира другите, но му е потребна и инспирација. Кога се движи напред и има опции во нападот, тој е способен да создаде шанси како никој друг. Тоа ни овозможи да го свртиме натпреварот.“
Аргентинецот постигна 51 гол во последните 49 настапи. Во кариерата досега постигнал 898 голови.
Foto/ depositphotos
Спорт
Капитенот на Борусија ги скина предните вкрстени лигаменти
Капитенот на Борусија Дортмунд, Емре Џан, ќе го пропушти остатокот од сезоната поради скинати предни вкрстени лигаменти на левото колено, објави германскиот тим.
Џан (32) се повреди за време на натпреварот во саботата со Баерн Минхен (2:3). Тој се обиде да продолжи со играта, но на крајот од првото полувреме мораше да го напушти теренот.
Поради сериозноста на повредата, Џан сигурно нема да биде во плановите на германскиот селектор Јулијан Нагелсман за овогодинешното Светско првенство, кое се одржува од 11 јуни до 19 јули во САД, Канада и Мексико.
Во својата репрезентативна кариера досега, Џан има одиграно 48 натпревари за Германија, вклучувајќи го и последниот во септември 2024 година.
Договорот на Џан со Борусија Дортмунд истекува на крајот од сезоната, а во текот на кариерата играше и за екипите на Баерн, Леверкузен, Ливерпул и Јувентус.
По поразот во големото дерби, Борусија Дортмунд е на второто место на табелата во Бундеслигата, 11 бода зад лидерот Баерн.
Foto/ depositphotos

