Спорт
Адеми: Видов неверување на лицата на соиграчите. Победивме среде Германија

Аријан Адеми, еден од хероите во победата над Германија, за „24 сата“ раскажал што се случувало во Дисбург. Открил дека победата над Германија е една од најголемите во неговата кариера.
Македонија во првите три квалификациски натпревари забележа пораз од Романија и две победи над Лихтенштајн и Германија. Адеми беше асистент за победничкиот гол, што го постигна Елмаз во 85. минута.
„Таков е фудбалот. Поради тоа, ова е најдобрата работа во светот. Патуваш во Германија и сите ти даваат еден промил шанса, а ти се враќаш со три бода. Сепак, оваа победа ќе значи нешто, само доколку ја оствариме конечната цел. Нема да вредат овие три бода доколку не победуваме таму каде што треба да победиме“, рекол Адеми.
Македонија е тема во Европа и два дена по натпреварот во Дисбург. Поради поразот, германските медиуми бараат оставка од селекторот Јоаким Лев.
„Немојте сега да велите дека ги надигравме. Имаше Германија свои шанси, не беше лесно како што се прикажува. Тоа се топ-играчи, фаворити на секое натпреварување, но не се вонземјани“, рекол капитенот на Динамо Загреб и открил што засекогаш ќе му стане врежано во меморијата.
„Неверувањето на лицата на соиграчите кога судијата означи крај на натпреварот. Како да се прашувавме самите дали е можно дека ги победивме Германците на нивен терен. Тие беа многу коректни. Сите се врвни професионалци, кои се однесуваат како им наложува нивната репутација. Сите ни честитаа“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Макс бил лут дека во Лондон го пречекале со свирежи, бара подобар третман

Минатата недела беше најавена новата сезона во Формула 1, 75 по ред, со спектакл во „О2“ арената во Лондон, а неколку дена подоцна Формула 1 реагираше на начинот на кој беа пречекани светскиот шампион Макс Ферстапен и шефот на Ред Бул, Кристијан Хорнер. Наводно, Ферстапен се заканил дека ќе ги бојкотира идните настани во Англија.
Ферстапен и Хорнер беа пречекани со свирежи во арената во Лондон, а медиумите тврдат дека Холанѓанецот бил особено бесен поради тоа.
„Нема да ме видат повеќе овде доколку ова се повтори. Јас се согласувам со него“, изјави таткото на Ферстапен за „Рејс експрес“.
„Доаѓаш да го промовираш спортот, а тие те пречекуваат со свирежи. Мислам дека тоа е неприфатливо. Разбирам дека Макс е единствениот кој врши притисок врз англиските возачи, кој кажува што мисли и се однесува во согласност со тоа што е, но мислам дека ова е неприфатливо и разочарувачки“, додаде тој. :
„Она што го краси спортот на сите нивоа е култура на почит. Беше многу разочарувачки да се слушне реакцијата на публиката кон светскиот шампион Макс Ферстапен и првиот човек на Ред Бул, Кристијан Хорнер. Макс и Кристијан придонесоа неизмерно за спортот што го сакаме. Не треба да гледаме вакви работи кога ќе започне сезоната“.
Сезоната започнува на 14. март викендот за Големата награда на Австралија.
Спорт
Артета: Не сме на нивото што е потребно да се освои Премиер лигата

Арсенал доживеа неочекуван пораз од Вест Хем на „Емирати“, а Микел Артета со право по мечот им беше лут на своите играчи.
Титулата сега е само мислена именка за „тобџиите“, за ова е свесен тренерот на Арсенал:
„Тоа веќе не зависи од нас. Навистина, навистина сум лут во моментов поради она што зависи од нас, а тоа се нашите перформанси и резултати, а ние не го направивме она што можеме“, рече Артета.
Арсенал статистички беше подоминантен ривал од Вест Хем, но тие изгледаа многу лошо на теренот.
„Многу сум разочаран. Иако имавме 20 шута, не чувствував дека сме на нивото на кое требаше да бидеме. Ова не е ни блиску до нивото што треба да го достигнеме за да имаме шанса да ја освоиме Премиер лигата“, заклучи Артета.
На табелата во Премиер лигата, Ливерпул е на чело со осум поени повеќе од Арсенал.
Спорт
Поповиќ нема да се врати оваа сезона, неизвесна е неговата иднина

Легендарниот тренер Грег Поповиќ нема да се врати на клупата на Сан Антонио оваа сеозна. Оваа информација ја пренесе новинарот на ЕСПН, Шамс Чаранија. За потсетување, Поповиќ се опоравува од мозочниот удар што го доживеа во ноември.
Иднината на славниот тренер останува неизвесна, а информациите за неговата состојба се многу ограничени. Последната информација за тренерот се појави во декември, тогаш Спарс објавија дека Поповиќ работи на неговата рехабилитација.
Ова е уште еден тежок удар за Спарс оваа недела, бидејќи тие веќе го загубија суперталентираниот центар Виктор Вембањама до крајот на сезоната поради длабока венска тромбоза на десното рамо.
Со 76 години и во својата 29. сезона како тренер на Спарс, Поповиќ најстариот и тренер со најдолг стаж во НБА.
Поповиќ е петкратен шампион во НБА, го држи рекордот за најмногу победи во историјата на лигата, три пати беше прогласен за тренер на годината и беше примен во Куќата на славните во 2023 година.
Сан Антонио моментално има скор од 24-30 и мали шанси да се бори за место во плејофот.