Спорт
Адвокатка од Саудиска Арабија: Уапсете го и депортирајте го Роналдо
Кристијано Роналдо со примитивно однесување се истакна во дербито од 25. коло на саудискиот шампионат и поразот на Ал Наср кај Ал Хилал (2:0). Овој пораз на Ал Наср му го отвори патот кон шампионската титула на водечкиот Ал Итихад.
Однесувањето на Португалецот на теренот, експресно го обиколи светот. Најпрво во 11. минута шокираше со неверојатно бездушна реакција во момент кога противнички играч се онесвести на теренот.
Потоа во 57. минута се „истакна“ со неверојатно груб, вистински ММА потег, за што англискиот судија Мајкл Оливер му додели само жолт картон. Потоа, напуштајќи го теренот, реагираше на провокативното скандирање „Меси, Меси“. Тој погледна кон противничките навивачи и се фати за гениталиите.
Овој потег на Роналдо ги згрози Саудијците, кои бараат против него да бидат преземени конкретни мерки. Нуф бин Ахмед, еминентен адвокат со светско реноме, професорка на Универзитетот во Женева, консултант за меѓународни спорови и арбитар во служба на ОН, на „Твитер“, објави дека ќе поднесе кривична пријава до Јавното обвинителство на Саудиска Арабија. Поточно таа ќе побара Роналдо да биде уапсен и потоа да биде депортиран од земјата.
„Чинот кога тој се фати за гениталиите е кривично дело на јавна непристојност, кое доколку го изврши странски државјанин, ќе резултира со апсење и депортација“, напиша таа и додаде: „Воопшто не следам спорт. Дури и ако навивачите на Ал Хилал го испровоцира Кристијано, тој не требаше така да реагира. Неговата постапка е кривично дело“.
Адвокатката се осврна и на неверојатно грубиот напад на Роналдо на противникот: „Тоа е напад на противнички играч кој нема никакво оправдување и нема врска со фудбалот. Кристијано Роналдо направи толку агресивен чин што е и казнив”.
Роналдо (38) на почетокот на годината потпиша договор до 2025 година со Ал Наср. Тој ја доби највисоката плата во историјата на фудбалот, половина милијарда евра за две години.
يرددون ميسي ويسوي قدامهم هالحركة؟
ننتظر لجنة الانضباط واتحدى لو سوتله شيء pic.twitter.com/NjbcaKYIkd
— تارقو (@wtrx5) April 18, 2023
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Васкес ќе го продолжи договорот со Реал
Реал Мадрид речиси сигурно ќе го продолжи договорот со Лукас Васкез.
Реал ги прекина преговорите за нови договори до крајот на сезоната, бидејќи се очекува тимот да играа во финалето на Лигата на шампионите. Тимот оваа сезона ја освои титулата во Примера и игра во полуфиналето на Лигата на шампионите.
На многу играчи им истекуваат договори на крајот од сезоната и тренерот Карло Анчелоти треба да донесе одлука за составот за следната сезона, а како што пренесоа денеска шпанските медиуми, тренерот сака Васкез да остане уште една година.
Фудбалерот и управата сакаат соработката да продолжи, а Васкез се истакна со своите настапи во претходните недели.
Васкез ќе наполни 33 години во јули и е подготвен за 10-та сезона во Реал Мадрид, а двете страни се блиску до договор.
Се очекува Начо Фернандез и Лука Модриќ да го напуштат Сантијаго Бернабеу.
Спорт
Јунајтед три недели ќе биде без Мегваер
Фудбалерот на Манчестер Јунајтед, Хари Мегваер ќе отсуствува три недели поради повреда на мускулот.
Мегваер се повреди на тренинг, има шанса да игра во финалето на ФА Купот, а како што денеска објави „Скај Спортс“, се очекува да биде подготвен за Европското првенство.
Финалето на ФА Купот меѓу бранителот на титулата Манчестер Сити и Манчестер Јунајтед ќе се одигра на 25 мај во Лондон.
Европското првенство е закажано од 14 јуни до 14 јули во Германија.
Тренерот на Јунајтед, Ерик тен Хаг има големи проблеми во последната линија на тимот, бидејќи се повредени Рафаел Варан, Лисандро Мартинес и Виктор Линделоф.
Дефанзивецот Џони Еванс се врати на тренинзите но неизвесно е дали ќе биде во составот за натпреварот вечерашниот напревар Кристал Палас.
Спорт
Тони Надал: Рафа живеe нормално, а Ѓоковиќ е најдобар во историјата затоа што не живее нормален живот
Тони Надал, поранешниот тренер на Рафаел Надал, крена голема прашина со изјави за трката за најдобриот тенисер на сите времиња. Најчесто вујкото на Надал ги омаловажува успесите на Новак Ѓоковиќ.
Искусниот стручњак, кој ја прекина соработката со Надал во 2017 година, изјави дека Новак Ѓоковиќ постигнал се што имал, пред се затоа што за разлика од неговите ривали „не живее нормален живот“.
„Мислам дека Новак Ѓоковиќ беше мотивиран од желбата да напише приказна, да стане најдобар играч во историјата, додека Рафа, од друга страна, секогаш живеел сосема нормален живот. Рафа игра тенис, но живее нормално, јаде, игра фудбал и се занимава со други активности Се сеќавам на еден тренинг кога неговиот менаџер ни кажа дека Рафа не е професионален, а мојот одговор беше дека не ни сакам да биде, туку дека е доволно што дава се од себе кога е на теренот и дека во слободното време може да живее како и секој друг маж“, вели Тони.
Според него, Новак бил далеку повеќе фокусиран на деталите, поради што толку долго е во самиот врв на светскиот тенис.
„За разлика од Рафа, Новак е многу внимателен што јаде, како го поминува слободното време и има сосема поинаква визија од Рафа и Роџер. На крајот, сите тројца сакаа да бидат најдобри досега, а најважното нешто во тоа приказната беше колку се спремни да се жртвуваат“, заклучи искусниот тренер.