Спорт
„Аѕурите“ ја поминаа и Белгија, во полуфиналето на опасните Шпанци

Во првото големо полуфинале на ЕУРО 2020 ќе се судрат два европски фудбалски гиганти, Италија и Шпанија, откако тимот на Роберто Манчини ја исполни улогата на фаворит на турнирот, откако во интересен, интензивен и напорен меч со 2:1 ја совладаа Белгија.
Против тимот кој многумина го сметаа за еден од најдобрите европски тимови во историјата, Италијанците играа храбро во првото полувреме, и тактички во второто за да стигнат до импресивна победа, за да се на два триумфи од европската титула. За Белгија, полна со ѕвезди како Кевин де Брујне и Ромелу Лукаку.
Италијанците прво сметаа дека имаат водство уште во 13. минута, кога по едно нафрлање, Леонардо Бонучи го совлада Тибо Куртоа, но по прегледувањето на ВАР-снимките беше утврдено дека е офсајд. Израмнетиот меч се „отвори“ во 31. минута, кога Николо Барела доби одлична топка во шестнаесетникот од Марко Верати, за убаво да ја помине белгиската одбрана и да постигне прекрасен гол за водство.
Во 44. минута, сол на белгиската рана, постави и Лоренцо Инсиње со неверојатен втор гол од далечина. Сепак, надеж за Белгијците да направат камбек во второто полувреме донесе Ромелу Лукаку, кој во 47. минута од полувремето беше прецизен од белата точка за 2:1.
Во второто полувреме, Белгијците, нормално тргнаа во напад, и Лукаку веднаш имаше фантастична шанса, но Спинацола спаси сигурен гол. И покрај оваа иницијатива, Белгија не успеа да стигне до голот, а Манчини реши да воведе дефанзивни фудбалери, во стандардната италијанска традиција на „катеначо“ во финишот на мечот.
Графика: Sofascore за Топспорт.мк
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Фокс потпиша нов договор со Спарс – ќе заработува повеќе од Дончиќ

Кошаркарот на Сан Антонио Спарс, Диерон Фокс, потпиша нов, максимален договор со НБА франшизата од Тексас. За четири години ќе заработи 229 милиони долари.
Фокс ќе заработува 57,5 милиони долари годишно во следните четири години.
За споредба, Лука Дончиќ потпиша тригодишен договор со Лос Анџелес Лејкерс, според кој ќе заработува 165 милиони долари во текот на три години, или 55 милиони долари годишно.
Фокс беше разменет во февруари 2025 година, во трејдот учествуваа три франшизи: Сакраменто Кингс, Сан Антонио Спарс и Чикаго Булс.
Тој имаше просек од 19,7 поени, 6,8 асистенции, 4,3 скока и 1,5 украдени топки по натпревар во 17 натпревари минатата сезона за Сан Антонио Спарс.
Во својата кариера, претходно играше за Сакраменто Кингс, кои го избраа како петти пик на НБА драфтот во 2017 година.
Спорт
Њукасл испрати нова понуда за Шешко

Англискиот фудбалски клуб Њукасл испрати втора, подобрена понуда за напаѓачот на РБ Лајпциг, Бенјамин Шешко.
Германски „Скај Спортс“ тврди дека Њукасл нуди 69,7 милиони фунти (80 милиони евра) фиксна компензација, со дополнителни бонуси. „Страчките“ првично понудија 65,3 милиони фунти плус 4,36 милиони фунти (75 милиони евра + 5 милиони евра) бонуси.
На Њукасл очајно му се потребни засилувања во нападот.
Тренерот Еди Хау ги има на располагање само Вилијам Осула и Александар Исак, кој неодамна му соопшти на клубот дека сака да го напушти клубот.
Ливерпул испрати понуда за Швеѓанецот, но Њукасл ја одби, а судбината на Исак е неизвесна.
Шешко, заедно со Лоис Опенда, беше главен столб на клубот од „Ред Бул Арена“ и минатата сезона. Словенецот постигна 21 гол во сите натпреварувања и запиша уште шест асистенции.
Спорт
Роналдо покажа со прстот кон Гринвуд

Кристијано Роналдо продолжува да го обликува тимот според своите желби, а сега е пронајдено ново име кое би сакал да го види во тимот.
Според „Марка“, португалскиот фудбалер побарал од раководството на клубот да го доведе Мејсон Гринвуд.
Англискиот офанзивен играч се прероди и е најдобриот играч на Марсеј. Тој веќе имаше покани од Саудиска Арабија минатата сезона, но тогаш не сакаше да го промени средниот ред.
Не е лесно да останеш имун кога ќе те повика Кристијано Роналдо, иако медиумите тврдат дека Гринвуд не размислува за заминување, иако и Интер го има на својот радар.
Жоао Феликс неодамна пристигна во Ал Наср, а Роналдо сака по секоја цена да го освои првиот трофеј на Блискиот Исток.
Фото: ЕПА