Спорт
Агуеро му одговори на Златан: Ти најде да зборуваш за добро однесување
Серхио „Кун“ Агуеро, иако веќе не е активен фудбалер, повторно застана во одбрана на честа на светските шампиони Аргентина, откако Златан Ибрахимовиќ во интервју изјави дека е среќен што Лео Меси ја освоил светската титула, но дека Аргентина со такво однесување веќе нема да освои ништо. Популарниот Кун вели дека Ибрахимовиќ не е некој кој може да дава одговор на такви прашања, откако неговата Шведска воопшто не се квалификуваше на СП во Катар.
„Дали да кажам што мислам или не? Златан. Ибрахимовиќ. Ибра-химовиќ. Тоа е тешко име, подобро е да се каже Златан. Златан, пред да го кажеше тоа подобро беше да кажеш дека сакаше Франција да победи, наместо да критикуваш нечие однесување. Ако се однесувале лошо, тоа го кажуваш ти, како голем професионалец. Ти играше на високо ниво, но да се посетиме на твоето однесување. Нели? Со други зборови, не фрлаш со камења кон некого, бидејќи тие камења ќе ти се вратат. Во Аргентина велиме: Не плукај нагоре ако паѓаш. Да се потсетиме. Ананас. В Галакси некого удри со ананас, нели? Многу е непристојно да велиш дека веќе нема да победуваме. Пред да се грижиш за Аргентина, грижи се за својата земја, за твоите играчи, кои не беа на последното Светско првенство. Не се квалификуваа. И Меси победи. Можеби тоа е те лути и те боли што мораш да признаеш дека Меси е најдобар играч на светот. Тоа е фудбалот. Се сеќавам кога се тепаше со Отаменди на меч помеѓу Сити и Јунајтед. Исто така се караше со Пеп, Пеп Гвардиола. Тој сакаше да те продаде од Барселона, така што е подобро да си ја погледнеш својата кариера и да видиш како си се однесувал. Ние сме светски шампиони, а ти Златан сакаш да се убиеш поради тоа. И Меси е најдобриот на светот. Го кренавме трофејот, ти гледаше“, вели Агуеро.
"Messi on se souviendra de lui, mais les autres…"
Pour @Ibra_official, les Argentins "se sont mal comportés" après leur victoire à la Coupe du monde, face à la France. "Ils ont gagné une fois, mais ils ne gagneront plus. Parce qu'on ne gagne pas comme ça." #le7930inter pic.twitter.com/gNdagWNmPP
— France Inter (@franceinter) January 25, 2023
Златан: Аргентина со такво однесување веќе нема да освои ништо
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Официјално – Лучано Спалети го презеде Јувентус
Поранешниот селектор на Италија, Лучано Спалети, официјално стана нов тренер на Јувентус.
Харизматичниот тренер дополнително го збогати богатото портфолио кога станува збор за големи тренерски работни места.
Претходно ги водеше Интер, Рома, Наполи и италијанската репрезентација, а во Јувентус доаѓа откако Игор Тудор беше отпуштен бидејќи „Старата Дама“ не постигна гол во лигата повеќе од еден месец и имаше серија од осум натпревари без победа.
Спалети го постигна својот најголем успех како тренер на Наполи кога го освои Скудетото во 2023 година. Со Рома освои два италијански купа и еден италијански Суперкуп, а трофеи освои само со Зенит, со кого беше двократен шампион на Русија и еднаш го освои Купот и Ссуперкупот на таа земја.
Тој беше селектор на Италија од 1 септември 2023 година до 9 јуни 2025 година и беше елиминиран во осминафиналето на ЕУРО 2024.
Спорт
Талески си заминал од Вардар 1961
Поранешниот македонски репрезентативец, Филип Талески, си замина од Вардар 1961.
Левиот бек, минатото лето се врати во Вардар 1961, но овој пат неговиот престој заврши по само неколку месеци.
Талески побарал од клубот договорот спогодбено да му биде раскинат и веќе се поздравил со соиграчите. Не бил задоволен од минутажата и улогата што ја има во тимот.
Левиот бек имал намера да остане во Македонија, но не успеал да се договорои со ГРК Охрид. Сега опција за Талески е преселба во Кувајт.
Foto/ facebook.com/rkvardar
Спорт
На Никола Топиќ му е дијагностициран рак
Никола Топиќ, плејмејкерот на српската репрезентација, се лекува од рак на тестисите со хемотерапија.
Информацијата ја презентираше Сем Прести, генерален менаџер на Оклахома Сити Тандер.
Важно е што лекарите се „исклучително позитивни“ за закрепнувањето на 20-годишниот кошаркар.
На 6 октомври, Топиќ бил подложен на операција на тестисите, но до оваа изјава на Прести, причината за оваа хируршка процедура не беше позната. Во меѓувреме, Тандер го продолжи договорот со српскиот кошаркар.
Прести потврди дека интервенцијата е извршена во Хјустон.
„Онколозите се многу позитивни во врска со неговата ситуација“, рече Прести.
Прести рече дека ракот на тестисите е најлечивиот облик на рак кај мажите, но за Топиќ е препорачана хемотерапија.
„Топиќ не сакаше да ги објави овие информации сè додека не ги започна третманите, што и го направи. Тој е тука, тренира, вежба, во текот на целиот овој процес“, додаде Прести.
Во моментов, не е познато кога Топиќ би можел да се врати на теренот, а тимот го става на прво место неговото здравје.
Засега, третманот ќе трае четири до шест недели.
„Топиќ е навистина извонреден млад човек. Мислам дека сите го знаат тоа. Тој е зрел, смирен, издржлив. Има сè што е потребно за некој што се справува со ваква ситуација и ќе ја надмине“, додаде Прести.
Да ве потсетиме дека Топиќ беше драфтуван како 12-ти пик во 2024 година, но ја пропушти целата сезона поради повреда на коленото.

