Спорт
Ако Чави добие отказ прв пик на Барса е Луис Енрике
Пристигна на „Ноу Камп“ како спасител, а според медиумите клубот веќе е во потрага по негов наследник. Чави Ернандез, легендарниот играч за врска на Барселона, се врати во својот матичен клуб од Катар за да му ја врати славата како тренер, но засега не оди според планот и покрај огромните инвестиции.
Каталонскиот гигант се задолжи за да донесе големи ѕвезди како Роберт Левандовски, Рафиња и Жил Кунде, но и со нив не успеа да ја мине групата од Лигата на шампионите во која беа Баерн, Интер и Викторија Плзен.
На Чави не му оди баш најдобро и во домашното првенство, по поразот во „Ел Класико“, јасно е дека Реал Мадрид се уште е пред Барселона и е фаворит за титулата.
Затоа Барселона веќе размислува за можните наследници на Чави. Како што изјави Жота Џорди во популарното телевизиско шоу „Ел Чирингито“, еден од кандидатите за нов тренер на Барселона е актуелниот шпански тренер Луис Енрике, кој претходно успешно ги водеше Каталонците.
Во клубот наводно биле разочарани од она што го игра Барселона под водство на Чави. Особено биле разочарани од изданието против Баерн Минхен.
Секако, 42. годишниот стручњак нема веднаш да биде отпуштен, но претседателот Жоан Лапорта и неговите колеги сакаат да бидат подготвени за едно такво сценарио.
Енрике (52) осум години ја предводеше Барселона со која како тренер освои девет трофеи.
Луис Енрике во моментов е целосно фокусиран на настапот на Шпанија на Мундијалот во Катар. Сепак, доколку Чави не успее да најде излез од темниот тунел во кој се најде неговиот тим, не е исклучено Лапорта да го сврти бројот на Енрике.
Енрике наводно не е единствениот тренер кој би можел да го наследи Чави. Според медиумите на Пиринеите, на листата на тренерски желби на Барселона се и поранешниот менаџер на ПСЖ и на Челзи, Томас Тухел и стратегот на Ривер Плата, Марсело Гаљардо.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Премиер лигата ќе гласа за укинување на ВАР од следната сезона
Преставници на клубовите од англиската Премиер лига следниот месец ќе гласаат за укинување на ВАР, пишува The Athletic. За да се укине ВАР потребно е најмалку две третини од клубовите да гласаат за таа опција. Во случајот со Премиер лигата, тоа значи 14 од 20 клубови.
ВАР (Видео помошник судија) беше воведен во Премиер лигата во 2019 година, но беше предмет на бројни контроверзии. Во кои случаи може да се вклучи и какви одлуки се носат со негово користење се постојани прашања во англискиот фудбал. Предлогот е направен на иницијатива на Вулверхемптон.
Видео проверките ја успорија играта, па често се трошеше многу време за проверка и цртање линии. Сето тоа предизвикува фрустрации кај навивачите и затоа се предлага да се укине ВАР. Исто така, ВАР не ги елиминираше судиските грешки бидејќи лошите одлуки се носат и по прегледување на видеата.
Спорт
Првиот асистент на Клоп ќе го предводи Салцбург
Тренерот на Ливерпул, Јирген Клоп заедно со своите соработници го напушта клубот. В недела последен пат Клоп со својот стручен штаб ќе ги води „црвените“.
Јирген Клоп по девет години на „Енфилд“ реши да паузаира една сезона. За разлика од него, неговиот прв асистент Пеп Лајндерс веќе знае каде ќе биде наредната сезона.
Лајндерс денеска потпиша тригодишен договор со Ред Бул Салцбург.
41-годишниот Холанѓанецот пристигна во Ливерпул во 2018 година и со клубот ги освои сите можни трофеи.
Лајндерс е четврти тренер на Салцбург за само една година. На крајот од претходниот шампионат клубот се раздели со Матијас Џејсли, диригентската палка ја презеде Герхард Штрубер, но по слабите резултати во првенството (три бода помалку од Штурм) си замина, па сезоната ќе ја заврши Онур Цинел.
Спорт
Еден од клучните играчи го напушта Баер Леверкузен
Шампионот на Германија Баер Леверкузен успеа да го задржи тренерот Чаби Алонсо, вундеркиндот Флоријан Вирц, но по се изгледа ќе остане без еден од клучените играчи.
Десниот бек Џереми Фримпонг има неверојатна сезона. На 44 натпревари постигна 13 гола и забележа 12 асистенции.
Неговата откупна клаузула е 40 милиони евра и тој автоматски ќе биде слободен доколку некој клуб ја активира.
За холандскиот репрезентативец има голем интерес. Прв во редот Манчестер јунајтед, а 40 милиони се подготвени да потрошат и Арсенал, Баерн и ПСЖ.