Дербито во Евролигата, пресметката на двата претходни шампиони, ЦСКА Москва и Реал Мадрид заврши со драматична 73:71 победа на „Армејците“ за да ја забележат својата шеста победа во низа во 11-то коло од натпреварувањето.

На помалку од минута пред крајот, ЦСКА водеше со два поени, пред Треј Томпкинс да постигне тројка и да им даде водство од еден поен. Меѓутоа, Џејмс го имаше последниот збор, откако го погоди победничкиот поен на само две секунди пред крајот, по што беше успешен и од линијата за слободни фрлања.

Џејмс беше најдобриот на мечот со 28 поени, Торнике Шенгелија додаде 15 поени и 7 скока, додека Топкинс заврши со 15 поени и 6 скока за „кралевит“, а Габриел Дек додаде 14.

Рускиот тим сега има 8-3 скор, додека Реал падна на 6-5.

Winning 4-point shotpic.twitter.com/vs6IjKLWBr

— Eurohoops (@Eurohoopsnet) November 26, 2020

Диего Марадона и Лионел Меси, покрај тоа што се две фудбалски легенди, за многумина се двата најголеми фудбалери во историјата, и иако ги дели голем генерациски јаз во 2005 година двајцата одиграа еден меч заедно.

Во 2005 година, Меси имаше само 18 години и само што помогна Барса да ја освои Ла лига со седум настапи за тимот и веднаш беше споредуван со Марадона, кој тогаш имаше 45 години. Во аргентински Ол-стар меч за добротворни цели стартуваа и Серхио Агуеро и Диего Симеоне, но сите се сеќаваат на средбата на двете „десетки“.

Од видеото јасно се гледа дека двајцата се на иста „бранова долина“ со додавањата и триковите со топката, а посебно е импресивно што видеото е од време кога Марадона веќе беше далеку од своите најдобри денови, додека најдобрите денови на Меси доаѓаа.

Двајцата играа и на други добротворни мечеви заедно, од кои последниот во 2016, но првиот пат останува најимпресивен. Двајцата исто така работеа со репрезентацијата на Аргентина, кога Марадона беше селектор од 2008 до 2010.

И покрај изјавата на супер-агентот Мино Рајола дека над 300 познати фудбалери се подготвени да застанат зад Златан Ибрахимовиќ во борбата со ФИФПро и ЕА спортс околу користењето на нивните ликови во видео играта ФИФА 21, борбата за големите пари очигледно ќе продолжи.

Ибрахимовиќ оваа недела ги повика ЕА Спортс, но и синдикатот на играчи ФИФПро, тврдејќи дека тој не дал право за користење на неговото име и лик и дека некој заработува нелегално на него. Тој доби поддршка од Герет Бејл, а се верува дека има и многу фудбалери кои се незадоволни од ова.

Синдикатот ФИФПро даде кратка изјава.

„По медиумските настапи последните денови, ФИФПро сака да го разјасни начинот на кој ги добива правата за користењето на ликовите на фудбалерите и улогата која ја игра во заштита на правата на сите професионални фудбалери. Ние сме непрофитна организација, и правата се добиваат преку синдикатите во речиси 60 земји, кои потоа се достапни на ЕА спортс. Членовите на синдикатите на ФИФПро одлучуваат каде треба да се користат приходите од правата, но сите средства одат во заштита на фудбалерите“, се вели во објавата.

ЕА спортс пак, тврди дека сите права се легално обезбедени преку клубовите и ФИФПро, и во исто време посочи на соработката со Ибрахимовиќ и со Бејл.

„Мино Рајола е почитуван претставник на фудбалерите со кои имаме партнерство многу години, како оваа година со неговиот клиент Ерлинг Халанд. Имавме и одлична соработка со Златан Ибрахимовиќ, кој е дел од секоја ФИФА од 2002, додека Герет Бејл преку својата ‘Компани елевен’ ја користи нашата игра како клучна платформа. Сигурни сме дека сите ја гледаат вредноста во нашето партнерство“, велат од „ЕА спортс“.

This is how much EA Sports earn with FIFA.

Who profits and what’s the player’s part? pic.twitter.com/XiG3GAMQvs

— Mino Raiola (@MinoRaiola) November 25, 2020