Спорт
Алаба си оди од Баерн: Не знам многу шпански, но ќе се разбереме на терен

Давид Алаба потврди дека ова лето ќе си замине од Баерн Минхен, прекинувајќи ја 13-годишната кариера на „Алијанц арената“ кога ќе му заврши договорот на 30 јуни, по шпекулациите дека веќе е договорен со Реал Мадрид.
На 28-годишниот австриски репрезентативец неколку пати му беше понудено да го продолжи договорот со Баварците по низа обвинувања дека бара премногу пари, по што тој реши да побара нов предизвик.
„Одлуката не беше лесна. Тука сум 13 години и поврзаноста со клубот е голема. Благодарен сум за сите работи кои ги направија за мене. Ми требаше време да ја донесам оваа одлука, и на крајот се решив на нов предизвик. Уште не сум го одлучил мојот нов клуб, иако не е тајна дека моите агенти се во контакти со повеќе клубови. Парите никогаш не беа фактор во мојата одлука“, изјави Алаба.
Реал Мадрид се први фаворити за неговиот потпис, иако во последните месеци неколку големи клубови покажаа интерес за него, вклучувајќи ги и Челси, Манчестер јунајтед, Манчестер сити и Ливерпул, Пари Сенермен и Јувентус.
„Познавањето на шпанскиот јазик не ми е силна страна, но за разбирање на терен знам доволно“, изјави Алаба на прес-конференцијата.
🗣️ @David_Alaba: "I have made the decision to leave #FCBayern at the end of this season and try something new. It obviously wasn't an easy decision – I've been here for 13 years and the club means a lot to me."#MiaSanMia pic.twitter.com/XJXIkSvYzb
— 🏆🏆🏆FC Bayern English🏆🏆🏆 (@FCBayernEN) February 16, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Го нема Роналдо тука е Мората – Јувентус го победи Лацио

Јувентус, со пресврт, го доби дербито против Лацио со 3:1. На Лацио им пресуди Алваро Мората кој за три минути постигна два гола.
Играчите на Лацио, подобро влегоа во натпреварот, го имаа поседот, ја контролираа играта, а откако слободниот удар на Милинковиќ-Савиќ заврши крај голот, во 14.минута Хоакин Кореа го совлада Шчешни.
По примениот гол, Андреа Пирло, ја смени формацијата и Јувентус заиграа подобро. Во финишот на првоот полувреме Рабио го израмни резултатот.
Во второто полувреме се случи во периодот од 56 до 60 минута.
Милинковиќ-Савиќ во 56.минута од тешка позиција ја погоди гредата, а во наредниот напад Мората го совлада сонародникот Реина.
Три минути подоцна Милинковиќ-Савиќ без потреба напраи фаул врз Рамзи пред својот гол. Пеналот го реализираше Мората.
Кристијано Роналдо натпреварот го започна од клупата за резерви, на теренот влезе во 65.минута.
Спорт
Баерн моќен во дербито – Левандовски со хет-трик ги поништи головите на Халанд
Фудбалерите на Баерн Минхен се вратија на челната позиција во Бундес лигата. Баварците, во дербито, со пресврт ја победија Борусија Дортмунд со 4:2. Дуелот го обележаа најдобрите стрелци на двата тима Роберт Левандовски и Ерлинг Халанд. Полјакот постигна три, а Норвежанецот два гола.
Борусија го шокираше Баерн на стартот од натпреварот. Халанд постигна два гола во првите девет минути. Норвежанецот погоди во втората и деветтата минута.
Баерн се вратија во натпреварот со голот на Левендовски во 27.минута, а потоа истиот играч во 42. од пенал го израмни резултатот.
Отпорот на противникот Баерн го скриши во самиот финиш. За водствот на Баварците погоди Леон Горецка во 88. минута, а конечните 4:2 во 90.минута ги постави Левандовски.
Баерн на врвот има 55 бода, два повеќе од Лајпциг, додека Дортмунд се на шесттото место со само 39 бода.
Спорт
Одложени квалификациските натпревари во Јужна Америка

Фудбалската федерација на Јужна Америка (КОНМЕБОЛ) ги откажа квалификациските натпревари, кои според распоредот требаа да се одиграат на крајот на месецов. КОНМЕБОЛ реши да донесе ваква одлука, откако речиси сите европски клубови одбија да ги пуштат фудбалерите да играат за своите репрезентации. Причината за ваквата одлука на клубовите е влошената епидемиолошка ситуација со коронавирусот.
КОНМЕБОЛ заедно со ФИФА ќе ги одреди термините кога ќе се одиграат одложените натпревари, а некои медиуми во Јужна Америка, не ја исклучуваат можоста да има промени и во системот на квалификациите.
Јужноамериканските квалификации за пласман на Светското првенство во Катар започнаа во октомври, досега се одиграни четири кола.
- Книги3 месеци
Македонски лекар ја објави последната исповед на Јосип Броз Тито
- Македонија3 месеци
(Видео) Отстранети два нелегално изградени објекта во општина Центар
- Македонија2 месеци
Возачот на „бентлито“ што „влета“ на плоштад казнет со 45 евра, објавена фотографија од записникот
- Регион2 месеци
(Видео) Прекината прес-конференција на градоначалникот на Бања Лука: „Луѓе ова е сериозен земјотрес“
- Регион2 месеци
(Видео) Снимен моментот на потресот во Петриња – луѓе не можат да се задржат на земјата
- Европа2 недели
Планот за отклучување на Германија протече во медиумите, Меркел: Имаме трет бран
- Свет1 месец
Поради примање мито во Кина погубен поранешен државен функционер
- Економија3 недели
Сите брендови на Индитекс доаѓаат во „Ист гејт мол“