Спорт
Алегри: Фудбалот е уметност, не збир на податоци на „Ајпад“
Поранешниот тренер на Милан и Јувентус, Макс Алегри вели дека не е задоволен од насоката во која се движи „уметноста“ на фудбалското тренирање, бидејќи со технологијата тоа се уништува: „Ако го механизирате тоа, тогаш немате фудбалери кои размислуваат“.
Во интервју за „ЕСПН“, Алегри признава дека тој дури не поседувал лаптоп и додаде дека денешните тренери премногу внимание посветуваат на електронските податоци.
„Во мојата неукост, немам ниту компјутер. Имам ’ајпед’ кој ми го дадоа во Јувентус, на него гледам натпревари и вадам некои бројки. За среќа имам добра меморија и успевам да запаметам што се случува. Тренерот треба да биде покрај аут-линијата, треба да го дише фудбалот, да разбира кога е време за замена или кога треба да го извади својот најдобар фудбалер, бидејќи му е потребен поинаков фудбалер. Сега, сакаат да направат егзактна наука од фудбалот, а ако им успее, тогаш тренерот може да си оди и да гледа филм на кино“, вели Алегри.
Тој исто така бурно реагираше на фактот што италијанската Серија А на сите клубови им дава „Ајпед“ со апликацијата „Виртуелен тренер“.
„Сега сме готови. го механизирате тоа, тогаш немате фудбалери кои размислуваат. Ако фудбалерите можат да размислуваат со своја глава ќе најдат решение. Мојот син има осум години и заедно на Јутјуб ги гледаме големите фудбалери, неверојатните работи кои ги прават во нападот и одбраната, бидејќи на крајот, фудбалот е уметност. Во Италија има тактики, шеми, тоа се глупости. Фудбалот е уметност и уметниците се врвните фудбалери, на нив не треба да им објаснуваш ништо, туку само да им се восхитуваш“, објаснува Алегри.
Алегри: Дваесет години „слепо“ го следевме Гвардиола и „тики-така“ и грешевме
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Сити за полувреме го реши Брајтон
Фудбалерите на Манчестер Сити убедливo славеа на гостувањето кај Брајтон со 4:0 (3:0) во натпревар од 29. коло на англиската Премиер лига.
Актуелните шампиони сите дилеми околу победникот ги решија во првото полувреме и тоа во интервал од 17 минути кога постигнаа три гола.
Кевин де Брујне го постигна првиот гол во кариерата со глава во 17. минута, по центаршутот на Кајл Вокер.
Потоа два гола постигна Фил Фоден во 26. и 34. минута, првиот од слободен удар со малку среќа, а вториот по груба грешка на одбраната на домаќините.
Хулијан Алварез во 62. минута ги постави конечните 4:0.
Избраниците на Пеп Гвардиола се втори на табелата, го прескокнаа Ливерпул, а имаа бод и натпревар помалку од лидерот Арсенал.
Спорт
(Видео) Димитријевиќ МВП на ВТБ лигата
Кошаркарот на Уникс, Ненад Димитријевиќ е прогласен за најкорисен играч на регуларниот дел сезоната на руската ВТБ лига.
Уникс прв заврши во лигата, првпат во историјата, а Македонецот беше еден од најзаслужните за ваков успех.
Сезонава Димитријевиќ имаше просек од 19 поени по натпревар со 6,6 асистенции, 3,6 скока и 1,3 украдени топки.
Во минатогодишното финале на ВТБ лигата неговиот тим ја совлада Локомотива (4:1), а Димитиријевиќ беше прогласен за МВП на финалната серија.
Сезонава во решавачкиот меч за првото место во регуларниот дел против ЦСКА Москва забележа рекордни 40 поени со девет асистенции.
„За мене е голема чест да ја добијам наградата МВП за регуларниот дел од сезоната на ВТБ лигата 2023/24“, изјави Димитријевиќ и додаде:
„Оваа година победивме во многу возбудливи натпревари и славевме во регуларниот дел од сезоната. Мислам дека ова е резултат на напорната работа на целиот тим. Би сакал да им се заблагодарам на ВТБ лигата, на мојот тим Уникс, на стручниот штаб на чело од Велимир Перасовиќ, медицинскиот штаб и нашите верни навивачи. Најголема благодарност до моите соиграчи, кои ми помогнаа да станам подобар играч.“
Спорт
Адријан Њуи ќе го напушти Ред Бул
Главниот директор за дизајн на Ред Бул, Адријан Њуи, треба да го напушти тимот по контроверзата, која вклучува обвинувања против шефот на тимот Кристијан Хорнер.
Њуи, кој важи за најдобар дизајнер во историјата на Формула 1, одлуката да го напушти тимот им ја сооптшил челниците на Ред Бул, објави денеска Би-би-си.
Адријан Њуи е вознемирен од ситуацијата во Ред Бул, откако Хорнер беше обвинет за сексуално вознемирување и насилно однесување кон колешка. Хорнер ги негираше обвинувањата, а тимот по спроведена интерна истрага ги отфрли обвинувањата против Хорнер и жената ја суспендираше од работа.
Тој има договор со Ред Бул до крајот на следната сезона, а претходно беше поврзуван со преселба во Ферари.