Спорт
Алфонсо Рејес: Мозокот ми беше со 1.000 вртежи, 16 дена се борев со короната
Поранешниот шпански кошаркарски репрезентативец, Алфонсо Рејес, постариот брат на актуелниот играч на Реал Мадрид, Фелипе Рејес првпат се огласи за шпанските медиуми откако на средината на март беше потврдено дека е позитивен на коронавирусот.
„Тој ѕверски мамурлук кој не ми даваше да спијам и да размислувам, ми го стави мозокот на 1.000 вртежи. Со денови немав никакви симптоми. Немам грозница, само малку кашлам, што е знак дека оздравувам. Потоа ќе морам уште 14 дена да сум во карантин за вирусот потполно да исчезне“ изјави 48-годишниот Рејес за „Марка“.
Тој беше еден од првите заразени во Шпанија.
„Кога е во прашање здравјето, ова ме исплаши. Не се сеќавам дека некогаш сум бил настинат. Пред 2 години имав грозница, но тоа траеше само еден ден. Сега сум подобар, но 16 дена бев болен, од кои 12 со температура, што никогаш досега не сум имал. Имав и проблеми со грбот, но знаев дека ќе се опоравам. Ова не е обичен вирус и не ги напаѓа само постарите. Ако мене ме покоси, што сум во добра физичка кондиција, замислете што може да му направи на некој кој од претходно си има проблеми“ – смета Рејес.
Шпанија е една од најзагрозените земји од коронавирусот, заразени се над 90.000 луѓе, а досега починаа околу 8.000.
. @alfreyes14: "Ha sido el susto de mi vida" https://t.co/ajRmJplGTR vía @MarcaBasket El presidente de la @abpinfo atiende a @Marca tras superar el coronavirus pic.twitter.com/QdvlIy0htx
— Enrique Corbella ? (@ecorbella) March 31, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Јувентус постигнал договор со новиот голман, Монца бара оштета од 20.000.000 евра
Реконструкција му престои на Јувентус во летниот преоден рок. Извесно е дека тренерот Макс Алегри ќе о напушти клубот, клупските челници се во потрага по засилувања во сите линии. Италијанските медиуми тврдат дека од наредната сезона Јувентус ќе има нов голман.
Спортскиот сектор на Јувентус ги завршил преговорите со голманот на Монца, Микеле Ди Грегорио. Наводно, Ди Грегорио и Јувентус договориле петгодишна соработка, за годишна плата од 2.000.000 евра.
Сега Јувентус треба да се договори со Монца. Првиот човек на клубот, Адријано Галијани за голманот бара оштета од 20.000.000 евра.
За да го намали обештетувањето, Јувентус ќе го понуди вториот голман Матија Перин, или пак некој друг фудбалер.
Ди Грегорио е „дете“ на Интер, но никогаш не доби шанса во клубот. Интер го испраќаше на позајмици во разни пониски лиги и на крај тој заврши во Монца кога тимот играше во Серија Б го купи за 4.400.000 евра. Интер ќе добие 10 отсто од следниот трансфер на Ди Грегорио.
Спорт
Гасе нема да остане на клупата на Марсеј
Фудбалскиот клуб Олимпик Марсеј нема намера да го задржи актуелниот тренер Жан-Луј Гасе следната сезона.
Гасе беше донесен за да ја спаси сезоната, откако клубот го отпушти Џенаро Гатузо. Тоа му успеа до одреден степен, но како што стојат работите во клубот не се сигурни дека ќе го задржат следната сезона.
Како што пренесува „Лекип“, претседателот на Марсеј, Пабло Лонгорија тргнал по Паоло Фонсека, кој е прва желба на клубот.
Договорот на Фонсека со Лил истекува на крајот од сезоната, а клубот има намера да му понуди нов.
Марсеј веќе се обиде да го доведе во своите редови минатата сезона, но во последен момент трансферот го спречи претседателот на Лил, Оливие Летанг.
Спорт
Барселона се распрашува за Лирој Сане
Поради тешката финансиска состојба, Барселона летово ќе биде принудена да продава играчи, особено ако сака да донесе звучни имиња од други клубови.
Шпанските медиуми објавија дека Барселона веќе стапила во контакт со Баерн во врска со Лирој Сане.
28-годишен крилен напаѓач е под договор со Баерн и за следната сезона, а „Трансфермаркт“ неговата вредност ја проценува на 70 милиони евра. Шпанските медиуми пишуваат и дека Барселона би можела да испрати еден од своите играчи во Баерн и со тоа да ја намали цената на германскиот репрезентативец.
Сане пристигна во Баерн во 2020 година од Манчестер Сити.