АБА лигата и наредната сезона ќе има еден претставник во Евролигата.

Информацијата ја објави „Еурохопс“, со што е ставен крај на шпекулациите дека регионалната лига, може да остане без претставник или дека покрај шампионот во Евролигата ќе игра уште еден тим со специјална покана.

Ново во целиот случај е што шампионот секако ќе игра во Евролигата, без оглед на тоа дали ги исполнува условите што ги бара Евролигата.

АБА лигата, значи добива специјална покана, а за втората конкурираат Валанесија, Виртус Болоња или Зенит.

Најголеми шанси според прогнозите има Зенит.

Еден од највлијателните менаџери во фудбалот, Мино Рајола, го посетил Торино. Италијанските медуми шпекулираат со каква цел Рајола бил во Јувентус, потенцирајќи дека негови клиенти се Матијас Де Лихт и Федерико Бернардески.

Според овиие извори, Де Лихт ќе остане во клубот, а Јувентус ќе го продаде Бернардески, во летниот преоден рок.

Јувентус со Рајола ќе работи на засилувањата. На мета на „страта дама“, се клиентите на Рајола, голманот Џиџи Донарума и Пол Погба.

Наводно, трансферот на Донарума би бил извесен доколку Милан не изборат пласман во Лигата на шампионите, што од оваа перспектива изгледа нереално.

Враќањето на Погба, бил еден од приоритетите на клубот. Погба за 105 милиони евра, од Јувентус во 2016 година се пресели во Манчестер јунајтед.

Бернердески, од друга страна, би можел да биде искористен за размена со Милан. Јувентус се заинтересирани за капитенот на Милан, Алесио Ромањоли. Рајола би требало да ја заврши работата околу размената, бидејќи покрај Бернардески и Ромањоли е негов клиент.

Светскиот првак со Италија во 2006 година, Лука Тони, е еден од оние кои најчесто го критикуваат Кристијано Роналдо.

Тони, не го намалува влијанието кое го има Роналдо врз тимот, но смета дека на теренот треба да се однесува со повеќе почит кон соиграчите.

„Постигнува многу голови, водечки е стрелец и тоа многу му значи на тимот, но не сум импресиониран од неговиот став на теренот, од тоа како се однесува кон соиграчите. И јас бев себичен додека играв, но и кога не постигнував голови, останував на теренот да ги прославам победите. Знаев да го потиснам разочарувањето“.

Лука Тони најголемите резултати ги постигна како играч на Баерн Минхен.

Кристијано Роналдо е водечки стрелец во Серија А со 25 гола. Вкупно за Јувентус постигнал 97 гола на 126 натпревари.