AKK RENAULT SPORT како организатор на RENAULT TWINGO CUP и официјалните претставници на LEMA Racing најавуваат уште еден интернационален настап за TWINGO CUP натпреварувачите и тоа на тркачката патека во Серес, Грција викендов на 26 и 27 јуни.

Во Серес ќе се возат петтата и шестата трка од Twingo Eurocup, бодувани согласно регулативите и признанија на FIA CEZ, a истата трка ќе се бодува и за првенството на Македонија.

Пријавени се вкупно 23 возила од: Словенија, Унгарија, Србија и 10 македонски натпревaрувачи: Ненад Костовски, Иван Стефановски, Слободан Трајковски, Давид Малинковски, Мартин Костовски, Зоран Миракоски, Емил Нацка, Ангелче Стојковски, Владимир Тренески и Милан Ѓорѓевиќ.

Во продолжение е стартната листа:

Официјалната програма на натпреварите е следна:

26 јуни (сабота)

08:00-10:00 Верификација и технички преглед
10:00-12:00 Слободен тренинг
12:00-13:00 Квалификации
13:00-15:00 Пауза за ручек
15:00-17:00 Прва трка
17:00-18:00 Церемонија на доделување на награди

27 јуни (недела)

10:00-12:00 Слободен тренинг
12:00 – 13:00 Пауза за ручек
13:00- 15:00 Втора трка
15:30 Церемонија на доделување на награди

По четири извозени трки во генералниот пласман во првенството на Македонија првото место го делат Давид Малинковски и Ангелче Стојковски кои имаат по 52 бода, додека пак на третото место е Мартин Костовски со 42 бода.

Следниот меѓународен натпревар каде нашите возачи ќе бидат бодувани согласно регулативите и признанија на FIA CEZ е закажан во Гробник – Хрватска од 23 – 25.07.2021 додека пак финалната трка за заокружување на сезоната е закажана повторно во Серес – Грција (Ноември) CEZ во организација на АКК Рено Спорт Скопје.

Голема благодарност до нашите поддржувачи: Аутомотив Груп, RENAULT, Триглав Осигурување, Power Sport System (PSS) и Шпаркасе Лизинг кои овозможуваат да трките се организираат на високо ниво како на домашните така и на меѓународните автомобилски стази.

Алекс Карузо од Лос Анџелес лејкерс бил упасен во Тексас поради поседување на марихуана при обид да влезе во авион на аеродромот во Колеџ Стејшн.

Во неговата торба биле пронајдени околу 50 грама марихуана, по што тој бил уапсен, а потоа пуштен со кауција. Карузо играше кошарка за Тексас А&M колеџот, а ова лето стана слободен агент.

27-годишниот Карузо пристигна во Лејкерси во 2017 година, и во четири години беше редовна замена во тимот со просек од 6.4 поени, 2.9 скока и 2.8 асистенции во 58 меча минатата сезона.

Трикратниот олимписки шампион во пливање, Сун Јанг нема да може да настапи на Олимпијадата во Токио и покрај тоа што Судот за арбитража во спортот (ЦАС) му ја намали осумгодишната суспензија на четири години и 3 месеци.

Сун Јанг освои две златни медали во Лондон во 2012 и победи на 200 метри слободно во Рио во 2016 година, и иако немаше позитивен тест, доби осумгодишна суспензија за пропуштен допинг-тест во 2018 година. Ова беше втор прекршок, откако во 2014 година, тој отслужи тримесечна суспензија поради позитивен тест на стимулантот триметазидин.

Светската пливачка федерација (ФИНА) прво го ослободи Кинезот од обвинувањата, но Светската анти-допинг агенција (ВАДА) се жалеше и му ја потврди суспензијата. Сун тврдеше дека го пропуштил допинг-тестот бидејќи тестерите не можеле да го потврдат својот идентитет кога се појавиле во неговиот дом. Неговиот адвокат, Жанг Кихуаи вели дека се работи за политичка одлука против кинескиот спортист.

„Сун Јанг не ги прекрши правилата и немаше позитивен тест. За жал, Кина и остатокот од светот е жртва на интернационални организации кои се манипулирани во политички цели“, вели Кихуаи.