Спорт
Алонсо: Хамилтон е лицемер со пораките за „спасете ја планетата“
Фернандо Алонсо го критикуваше својот поранешен клупски колега, Луис Хамилтон за неговите последни постови на социјалните мрежи кои се однесуваат на екологијата и неговото веганство.
Иако веќе овој викенд може да ја освои светската титула број 6 во Мексико Сити, Хамилтон минатата недела предизвика мала бура на реакции откако изјави дека е подготвен „да се откаже од сè“ бидејќи на луѓето едноставно не им е грижа за околината. Тој додаде дека станувањето веган е „единствен начин за вистински да се спаси планетата“.
Ова не наиде на добра реакција на пензионираниот двократен светски шампион Алонсо, кој му беше колега на Хамилтон во една бурна сезона во Мекларен.
„Јас мислам дека моите навики за јадење ќе си ги заддржам за себе. Никогаш не би поставил порака како Луис. Не можеш еден ден да кажуваш такво нешто, а следниот да правиш нешто сосема спротивно. Сите го знаеме животниот стил на Луис и фактот дека Ф1 возач годишно се вози со над 200 авиони. Не можеш да го правиш тоа, а потоа да велиш: ’Не јадете месо!’“, вели Алонсо.
Шпанецот сакаше да покаже дека треба да се работи со факти, откако зборуваше на презентацијата на новата едиција на неговата модна линија „Кимоа“, од која цел профит ќе оди во добротворна организација за помош за загадувањето на океаните.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Шкендија и покрај поразот во Ларнака се пласира во плејофот
Шампионот на Македонија, Шкендија, избори пласман во плејофот, во Конференциската лига. Вечерва Шкендија, доживеа минимален пораз во Ларнака, од АЕК (1:0), но некои од резултатите на останатите дуели беа во полза на екипата од Тетово, па на табелата го освои 22-то место.
Шкендија одигра добро прво полувреме во Ларнака, во кое во финишот, по интервенцијата од ВАР собата, му беше поништен гол на АЕК. Проблемите за Шкендија започнаа во 50-та минута кога Латифи доби директен црвен картон.
Со играч помалку, одбраната на Шкендија капитулираше во 82-та минута, кога единствениот гол го постигна Ангиелски.
Шкендија првата фаза ја заврпи со две победи, три порази и еден нерешен дуел и гол разлика 4:5.
Токму поради гол разликата зад Шкендија, со ист број на бодови Зрињски, Сигма Оломуц, Универзитатеа Крајова и Линколн.
Foto/ EPA/GEORGI LICOVSKI
Спорт
Аморим побарал да му донесет еден играч во Манчестер Јунајтед
Фудбалерот на Ал Хилал, Рубен Невеш, повторно е во центарот на вниманието, откако Рубен Аморим побара од Манчестер Јунајтед да го реализира неговиот трансфер во јануарскиот преоден рок.
Португалскиот тренер сака да го засили средниот ред со играч што добро го познава и го смета за клучен за неговиот проект.
Невеш моментално игра за Ал-Хилал. Желбата на играчот е да се врати во една од врвните европски лиги. На „Олд Трафорд“, веќе почнале да ги разработуваат сите можни сценарија.
Аморим и Невеш добро се познаваат и имаат одличен однос, што би можело да го олесни трансферот.
Исто така, самиот играч има желба да се врати во Европа, па сè укажува на тоа дека ќе се пресели на „Олд Трафорд“ оваа зима.
Foto/ depositphotos
Спорт
(Видео) Хојлунд го однесе Наполи во финалето на Суперкупот
Актуелниот италијански шампион Наполи, со победата 2:0, над бранителот на трофејот во Супер купот, Милан, избори пласман во финалето на ова натпреварување. Данскиот репрезентативец, Расмус Хојлунд го обележа првото полуфинале, на турнирот чии домаќин е Ријад.
Наполи не блескаше, но и тоа беше доволно да забележи сигурна победа над индиспонираниот Милан. Македонскиот репрезентативец Елиф Елмас, повторно беше стартер за тимот на Наполи, одигра солиден натпревар. На теренот беше до 77-та минута, кога на теренот влезе Ноа Ланг.
Инаку, првиот гол во 39-та минута го постигна Давид Нерез, по додавањето од Хојлунд. Брилијантната партија Данецот ја круниса со гол во 63-та минута.
Наполи в финалето го чека победникот од утрешното полуфинале меѓу Интер и Болоња.
Foto/ depositphotos

