Мартин Брејтвајт во преодниот рок ќе ја напушти Барселона. Клубот од „Камп ноу“, по истекот на јануарскиот преоден рок, поради повредите на Усман Дембеле и Луис Суарез, ја искористи опцијата што ја нуди Ла Лига и го ангажира напаѓачот на Леганес за 18 милиони евра.

Брејтвајт (29) за Барселона во Ла Лига одигра 11 натпревари и постигна еден гол. За услугите на Брејтвајт сериозна понуда испратиле од Вест Хем.

Клубот од Премиер лигата нуди 20 милиони евра за Данецот, што значи дека Барселона ќе ги врати парите што ги потроши во февруари и уште ќе заработи два милиона евра.

Оскар Руџери, светски првак со Аргентина во 1986 година, во една изјава го нарекол Џерард Пике просечен фудбалер. Руџери дел од свoјата кариера минал во Реал Мадрид (1989-1990).

„Пике е дефанзивец од втора класа, просечен играч, каков што бев јас, како што има многу во фудбалот“, рекол Риџери за „Фокс спорт“ и дополнил.

„Добро изгледа, во врска е со пејачка… има кул брадичка, но да не игра за Валенсија, немаше да биде познат. Таков бев и јас, просечен. Добар дефанзивец, ништо повеќе од тоа. Никогаш не бил под притисок“.

Аргентинецот потоа рекол дека најдобар дефанзивец во фудбалот е капитенот на Реал Мадрид, Серхио Рамос.

Новата сезона во Серија А, 2020/2021, ќе почне на 19 септември. Италијанците традиционално последни во Европа ја почнуваат новата сезона.

Серија А, која ќе почне на 19 септември, ќе заврши на 23 мај 2021 година кога ќе се одигра последното 38. коло.

Титулата и наредната сезона ќе ја брани Јувентус, а допрва ќе биде познат и последниот тим што ќе игра во Серија А кога ќе заврши плејофот во Втората лига.

Преодниот рок ќе почне на 1 септември и ќе трае до 5 октомври.