Спорт
Американските штафети 4×400 метри доминантни во Доха

САД доминира на натпреварите од последниот ден на Светското првенство во Доха. Очекувано со златни медали се закитија машката и женската штафета на 4×400 метри.
Дамите во состав Филис Френсис, Сидни Меклолхлин, Далија Мухамад и Ваделин Џонатас со време 3:18.92 минути го освоија златниот медал. Голем успех забележаа штафетата на Полска која со национален рекорд (3:21.89) го освои второто место. Бронзата заврши кај репрезентативките на велика Британија.
Машката штафета на САД во состав Фред Керли, Мајкл Чери, Вилберт Лондон, Раи Бенџамин победија пред Јамајка и Белгија со време 2:56,69 минути.
Американките доминираа и на трката на 100 метри со пречки. Првото место го освои најдобрата оваа сезона Ниа Али (12.34 секунди), а нејзината сонародничка и светска рекордерка Кендра Вилијамс го освои среброто (12.46). Третото место и припадна на Даниел Вилијамс од Јамајка.
Најголемото изненадување на последниот натпреварувачки ден го направи Андерсон Питерс од Гренада кој го освои златниот медал во фрлање копје. Питерс копјето го фрли на далечина од 86.89 метри што му беше доволно да ги победи Магнус Кирт од Естонија и актуелниот првак Јоханес Фетер од Германија.
Најголемата фаворитка во скок во далечина Германката Малајка Миамбо победи во оваа дисциплина. Таа забележа скока од 7,30 метри. Марина Романчук од Украина го освои среброто (6,92), а бронзата и припадна на Нигеријката Есе Бруме (6,91).
Златото на трката на 1.500 метри му припадна на Кениецот Тимото Черјут (3.29,26 минути). Зад него завршија Алжирецот Тафук Махлуфи и Полјакот Марцин Левандовски.
Голем успех на трката на 10.000 метри забележа Џошуа Чептегеи од Уганда (26.48, 36 минути). Среброто му припадна на Келечеја од Етиопија, а бронзата на Кипруто од Кенија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Баерн во 94.минута се спаси против Слетик, Бриж ја изненади Аталанта, Бенфика го преживеа Монако

Клуб Бриж, Баерн Минхен и Бенфика се пласираа во осминафиналето во Лигата на шампионите.
По Милан, италијанскиот фудбал остана без уште еден тим во елитното натпреварување. Актуелниот освојувач на Лига Европа, Аталанта, не успеа да ја оправда фаворитдката улога против Бриж.
Шампионите на Белгија, вечерва во Бергамо победија со 3:1.
Аталанта промаши буквално се на овој натпревар, а Бриж максимално ги користиеше своите шанси. Тинејџерот Талби постигна два гола во третата и 27.минута, а Џутла зголеми на 0:3 во финишот на првиот дел . Лукнан погоди веднаш на стартото на второто полувреме, а сите надежи на Аталната дека може да се врати во натпреварот пропаднаа во 38.минута кога Мињоле му одбрани пенал на Лукман.
Баерн, во Минхен се мачеше против Слетик. Гостите од Глазгов имаа две добри шанси во првиот дел, но резултатот на семафорот не се смени се до 63.минута, кога Кун ја искористи грешката на Кин.
Баварците избегнаа продолженија, буквално во последните секунди, со среќниот гол на Дејвис.
Во Лисабон, Бенфика водеше, па два пати губеше од Монако, а во 81.минута Кокчу ги постави конечните 3:3.
Спорт
(Видео) Феенорд го елиминира Милан од Лигата на шампионите

Фудбалерите на Феенорд успеаја да се пласираат во осминафиналето на Лигата на шампионите, откако ремизираа на „Сан Сиро“ против Милан во реваншот 1.1..
Славниот италијански клуб, седумкратен европски првак, бркаше гол негатива од првиот натпревар во Ротердам кога Феенорд победи со 1:0 со голот на Бразилецот Игор Паишао во третата минута.
„Росонерите“ имаа уште подобар старт во реваншот. Мечот практично не ни започна, а Милан поведе со голот на поранешниот најдобар стрелец на Феенорд, Мексиканецот Сантијаго Хименез. Во 36.секунда Хименез постигна гол.
Во 23. минута можеше да биде 2:0, кога голманот на гостите Тимон Веленрајтер го одбрани ударот на Жоао Феликс, а потоа Тео Ернандез ја погоди стативата.
Во финишот на првото полувреме одлична шанса имаше и Рафаел Леао, но домашните на одмор заминаа со гол предност.
И второто полувреме започна со иницијатива и шанси на играчите на Милан, а потоа Тео Ернандез капутенот на Милан му направи штета на својот тим. Се обиде да избори пенал, доби втор жолт, автоматски црвен картон и ги остави соиграчите на цедило до крајот на натпреварот.
Од тој момент играчите на Феенорд ја презедоа инцијативата, која вроди со плод во 73.минута кога резервниот напаѓач Карабца, постигна убав гол по центрашутот на Буено.
Феенорд во осминафиналето ќе игра против Интер или Арсенал.
Спорт
Ѓоковиќ надвор од ритам во Доха, Беретини веднаш го елиминира

Најдобриот тенисер на сите времиња Новак Ѓоковиќ е елиминиран на стартот од турнирот во Доха.
Ѓоковиќ успеа да се опорави од повредата на бутниот мускул поради која се предаде на полуфиналниот меч на Австралија опен, но во Катар беше далеку под вообичаеното ниво.
Тоа го искористи Италијанецот Матео Беретини кој победи со 2:0, во сетови 7:6 (4), 6:2.
Натпреварот траеше час и 35 минути игра.
Противник на поранешниот финалист на Вимблдон во следната рунда ќе биде Холанѓанецот Талон Грикспор.