Лондонското дерби помеѓу Челси и Тотенхем кое го отвори 27 коло во Премиер лигата им припадна на „сините“ со 2:1 (1:0).

Избраниците на Френк Лампард, кој и во третиот меч против Жозе Мурињо излезе како победник, одиграа одличен натпревар и заслужено ги освоија бодовите.

Сенка на нивната победа фрла авто-голот што си го постигнаа во 89 минута. По овој дуел во Англија повторно ќе се отвори дебата за начинот на кој се употребува ВАР-технологијата.

Нејасно е како Аргентинецот од Тотенхем, Џовани Ло Селсо, не доби црвен картон за бруталниот старт врз капитенот на Челси Цесар Аспиликуета.

Мечот започна со шансите на Лукас Моура во деветта минута за Тотенхем и Мејсон Маунт за Челси две минути подоцна.

Челси до првиот гол дојдоа преку Оливие Жиру кој по три месеци доби шанса да биде старетер кај Лампард.

На голот му претходеше одличната одбрана на Љорис против Жиру, потоа дирекот што го погоди Маунт, а Жиру од третиот обид го погоди голот.

Домашните играчи предноста ја зголемија на самиот страт на вториот дел. Во 48 минута една добра тимска акција со прецизен удар ја заврши, уште еден играч кој подолг период не добиваше шанси од Лампард, Маркос Алонсо.

Шпанецот можеше да постигне уште еден гол, но обидот што го имаше од слободен удар заврши во дирекот. Во вториот дел шанси за Челси промашуваа и Маунт, односно Абрхам.

Тотенхем намалија во претпоследната минута од акција која не требаше да претставува опасност за Кабалјеро. Ламела се обиде да нафрли топката ја допре ногата на Ридигер и заврши во голот.

Челси по оваа рунда ќе остане на четвртото место сега со 44 поени, четири повеќе од Тотенхем.

Еден од најдобрите напаѓачи во светот Роберт Левандовски, во кариерата има можност да работи си Јирген Клоп и со Пеп Гвардиола.

Полјакот во Борусија Дортмунд во 2010 година го донесе токму Клоп, а подоцна тој беше во Баерн кога Баварците го ангажираа Гвардиола. Поради тоа Левандовски смета дека совршен тренер треба да биде комбинација на Клоп и Гвардиола.

„Кога бев во Дортмунд со Клоп се обложив дека ќе ми дава по 50 евра ако на тренинг постигнам 10 гола. На првиот постигнав три или четири. Потоа седум или осум. Три месеци подоцна можев на секој тренинг да постигнам по десет гола. Клоп ми кажа дека тоа е премногу за него и дека не сака повеќе да учествува во играта. Клоп ми помогна да се сменам, да напредувам. Тој е неверојатен. Мора да верувате во се што зборува“, рекол полскиот напаѓач.

Тој признава дека целосно созреал како фудбалер кога ја започнал соработката со Гвардиола.

„Многу научив и од него. Често разговаравме за тактиката, тоа за мене беше нешто ново. Знаев дека тоа ќе биде добро за мене. Тие двајца многу се разликуваат. Со нивна комбинација би добиле совршенство“, заклучил Левандовски.

Роберт Левандовски оваа сезона на 32 натпревари има постигнато 38 голови.

Помошникот на Раул Гонзалес од шампионкските години на Вардар, Давид Дејвис Камара, речиси сигурно ќе биде новиот селектор на ракометната репрезентација на Србија, тврдат медиумите во оваа земја.

Србите на почетокот на неделтата останаа без селектор откако по дебаклот на Европското првенство од функцијата се повлече Ненад Перуничиќ.

Дејвис бил фаворит кај челниците на Ракометниот сојуз на Србија Божидар Ѓурковиќ и Драган Шкрбиќ.

Дејвис самостојната тренерска кариера ја започна по заминувањето од Вардар, најпрвин како селектор на Русија, а потоа работеше и во Египет.

Шпанецот е актуелен тренер на Веспрем во чии редови играат Петар Ненадиќ и голманот Владимир Цупара.

Помали шанси од Дејвис, според српските медиуми имале неговите сонародници Антонио Карлос Ортега кој е тренер на Хановер и неговиот долгогодишен помошник Чави Сабате.

Србите шпекулираат со уште едно име она на Раул Гонзалес, но са него потенцираат дека како тренер на ПСЖ е „невозможна мисија“.

Доколку Србите се договорат со Дејвис, тој е биде првиот селектор-странец на кормилото на националниот тим.