Спорт
Анчелоти ќе ја менува формацијата – Модриќ и Крос нема да бидат стартери
Карло Анчелоти ги потврди медиумските шпекулации дека во новата сезона Реал Мадрид ќе игра во нова формација. Италијанскиот тренер реши да ја напушти формацијата 4-3-3 и да проба некои други варијанти во пресрет на новата сезона. Шпанските медиуми шпекулираат дека тоа треба да биде формација 4-4-2, во која акцентот би бил ставен на моќниот среден ред.
Анчелоти има голема ширина во средниот ред. Заедно со ветераните Лука Модриќ (38) и Тони Крос (33), тука се Федерико Валверде (24), Едуардо Камавинга (20), Аурелиен Чуамени (23), Дани Себаљос (26), Арда Ѓулер (18), Брахим Дијаз ( 23) и Џуд Белингам (20). Анчелоти планира да игра со четворица играчи од средниот ред.ж
Анчелоти ги гледа Чуамени или Камавинга пред одбраната, а Камавинга на левата страна од средниот ред. Десно може да се најде Белингем, а пред нив Валверде, според Шпанците. Тоа значи дека Модриќ и Крос би можеле да ги загубат стартните позиции.
„Мора да се обидеме да најдеме нов стил на игра. Можна е промена на формацијата“, изјави италијанскиот тренер за шпанските медиуми.
Анчелоти откри дека повеќе нема да го користи Камавинга на позицијата лев бек, туку ќе го врати во средниот ред. Покрај тоа, Реал Мадрид и Анчелоти го гледаат Чуамени како еден од клучните играчи во новата сезона, а на претстојната турнеја во САД, Реал ќе игра во нова формација.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Фоден играч на сезоната во Премиер лигата
Премиерлигашката сезона ќе заврши во недела, а во сабота премиер лигата објави дека најдобар играч на сезоната е Фил Фоден.
Фудбалерот на Манчестер сити, Фил Фоден ја доби наградата за најдобар играч на сезоната. Покрај тоа, Фоден го доби и признанието за најдобар играч на сезоната во изборот на фудбалските новинари.
На (само) 23 години, Фоден е еден од клучните играчи на Сити оваа сезона. „Граѓаните“ се на една победа до нова титула, четврта во низа. Доколку успеат, ќе станат првиот тим во историјата со четири последователни титули во Премиер лигата.
Фоден постигна 17 гола и додаде осум асистенции на 34 натпревари кои ги одигра во лигата. Играше практично на две позиции, а е втор по бројот на одиграни минути за клубот.
Спорт
Модриќ и наредната сезона ќе игра за Реал
Лука Модриќ и наредната сезона ќе го носи дресот на реал Мадрид. „Мундо Депортиво“. Овој медиум, кој е поблизок до Барселона отколку до Реал, тврди дека Модриќ и челниците на Реал постигнале вербален договор за продолжување на договорот на уште една година. Договорот е постигнат по тричасовната средба одржана вчера во Валдебебас.
Истата информација ја објавија и „Онда Мадрид“ и „Телемадрид“, два медиуми специјализирани за следење на Реал Мадрид. Според нив, Модриќ ги прифатил условите што му ги понудил клубот. Тој досега заработуваше околу 10 милиони евра нето по сезона, а сега се согласи да ја преполови платата.
Според Шпанците хрватскиот играч за врска планира да одигра уште една сезона во Реал, а потоа како 39-годишен да се збогува од фудбалот. Така Модриќ би станал најстариот фудбалер во историјата на Реал Мадрид кој се пензионирал во дресот на шпанскиот великан. Рекордот моментално го држи Пако Хенто, кој се пензионираше на 38 години.
Хрватската легенда на Реал Мадрид освои се. Меѓу другото, пет европски, четири шпански титули и два Купа на кралот и Златната топка. Тој одигра 531 натпревар, постигна 39 и постави 86 гола.
Во тековната сезона претежно беше резерва, но со значаен придонес на патот на Реал кон освојување на Ла Лига и финалето на Лигата на шампионите. Иако беше во стартниот тим на само 22 натпревари, успеа да постигне 2два гола и да забележи осум асистенции.
Спорт
Бекеле по 12 години повторно на Олимписките игри
Кенениса Бекеле, големата атлетска ѕвезда, ќе учествува на Олимписките игри во Париз, 12 години по неговиот последен настап на најголемиот светски спортски настан.
Бекеле, кој има 41 година, последен пат настапи на Олимписките игри во Лондон во 2012 година, кога заврши на четвртото место на трката на 10 километри.
Тој ги пропушти Рио де Жанеиро (2016) и Токио (2022) и сега е дел од 10-члениот атлетски тим на Етиопија за Париз.
Во главниот град на Франција ќе трча маратон на кој во последно време бележи одлични резултати. Тој во декември го освои четвртото место во Валенсија, додека неодамна беше втор во Лондон.
Бекеле освои три олимписки злата и едно сребро. Во Атина во 2004 година победи на 10 километри и беше втор на 5 километри, додека четири години подоцна во Пекинг славеше и на 5 и на 10 километри.
Олимпискиот маратон за мажи е закажан за 10 август.