Спорт
Анчелоти: Модриќ го смени текот на натпреварот, Чави: Поразот не го заслуживме
Реал Мадрид ја победи Барселона со 2:1 во првото сезонско Ел Класико. Кралевите славеа со пресврт и голот на Белингем во 92.минута. По 11 одиграни натпревари Реал се врати на првото место во Примера со 28 поени колку што има и Џирона.
Карло Анчелоти ја критикуваше играта на неговиот тим видена во првото полувреме, но е презадоволен од второто полувреме.
„Клучно беше да се смени ставот на паузата. Во првото полувреме бевме бавни, мрзеливи, воопшто не бевме агресивни. Во вториот – сè беше спротивно. Не бевме на нашето ниво, може да се случи. Првото полувреме навистина се заборава, за среќа победивме.
Италијанецот го подвлече името на Лука Модриќ. кој влезе наместо Тони Крос во 62. минута, како играч кој позитивно влијаеше на текот на натпреварот.
„Лука ја промени динамиката, почнавме повеќе да ја држиме топката во нашите нозе. Белингем? Првиот гол е одличен, а за вториот никогаш не пропушта таква шанса. Изненаден сум од неговата ефикасност, тој е млад, но игра како искусен ветеран. На кое место ќе биде во поредокот за Златната топка? Не ни знаев дека наградата се доделува во понеделник, не ми е гајле. Белингем оваа сезона може да постигне над 20 гола“, рече Анчелоти.
Потоа откри што им кажал на играчите на полувремето.
„Им кажав дека можеме да го загубиме овој натпревар, но не на овој начин. Барав повеќе мотивација и енергија. Судијата? Еден од најпочитуваните во Европа, добро се однесуваше и добро си ја заврши работата“.
Чави Ернандез, за разлика од Анчелоти, не беше расположен за разговор.
„Доминиравме 60 минути, но ова е фудбал. Ни требаат пет-шест шута за да постигнеме гол, а потоа тие од три шута постигнаа два гола. Ни недостигаше ефикасност, но пристапот беше добар. Можеби претерувам, но искрено, ако некој победил ако се гледа само играта, тогаш тоа сме ние“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Палмер најдобар млад играч во Премиер лигата
Фудбалерот на Челзи Кол Палмер е најдобриот млад играч во Премиер лигата оваа сезона.
Палмер, кој летово пристигна во Челси од Манчестер сити, постигна 22 гола на 33 натпревари и забележа десет асистенции.
Тој е водечка сила на сините оваа сезона, а на последните три натпревари постигна по два гола.
Тој победи во конкуренција на Александер Исак (Њукасл), Коби Мајно (Манчестер јунајтед), Букајо Сака и Вилијам Салиба (Арсенал) и Дестини Удоги (Тотенхем).
Траката за Златната копачка во Премиер лигата, Палмер ќе ја заврши на второто место зад Ерлинг Халанд од Манчестер сити, кој постигна 27 гола.
И не само тоа, 22-годишниот Палмер е номиниран и за најомилен играч на гласањето на навивачите во Премиер лигата.
Офанзивниот играч за врска на Челзи неодамна беше прогласен и за играч на месец април во Премиер лигата, откако постигна седум гола на четири натпревари.
Треба да се додаде дека тој со огромно мнозинство ја освои наградата за најдобар играч на Челзи оваа сезона.
Спорт
Салфетката на која Меси потпиша за Барселона продадена за 760.000 фунти
Салфетата на која Лионел Меси ја потпиша согласноста дека ќе и се приклучи на Барселона во 2000 година е продадена за 760.000 фунти (околу 888.000 евра), објави во петокот британската аукциска куќа Бонамс.
Бонамс првично очекуваше продажната цена да биде во опсег од 300.000 фунти до 500.000 фунти. Онлајн аукцијата траеше од 8 до 17 мај.
„Салфетката ја промени судбината и на клубот и на Меси, кој стана еден од најголемите играчи на сите времиња“, објави Бонамс.
Овој фудбалски сувенири бил внимателно чуван во сеф од Хорасио Гаџиоли, тогашниот менаџер на Меси. На салфетката не е само потписот на Меси, туку и потписите на Карлес Рексач, тогашниот спортски директор на Барселона и Хосеп Марија Мингела, скаутот за таленти кој го препозна потенцијалот на Меси.
Салфетката, која беше потпишана за време на ручекот во „La Reial Societat de Tennis Pompeia“ во Монжуик, содржи писмена обврска од Рексач.
„Во Барселона, на 14 декември 2000 година, во присуство на господата Мингела и Хорасио, Карлес Рексач, спортски директор на ФК Барселона со ова се согласува, под негова одговорност и без разлика на какви било спротивни мислења, да потпише договор со играчот Лионел Меси под услов да се држиме до договорените суми“, пишува на салфетката.
Меси, кој оттогаш освои голем број големи титули, вклучувајќи ја Лигата на шампионите и Светското првенство, имаше само 13 години кога се приклучи на академијата на Барселона, откако дојде од аргентинскиот клуб Њуелс Олд Бојс.
Спорт
Алкалоид го победи Вардар 1961, ќе се бори за трофејот во Купот
Фото/ facebook.com/rkalkaloid
Алкалоид ќе му се спротивстави на Еурофарм Пелистер во борбата за трофејот во Купот на Македонија. Вечерва, Алкалоид славеше победа над бранителот на пехарот, Вардар 1961 со 25:24 (15:13).
Со исклучок на почетните минути кога црвено-црните поведоа со 4:0, натпреварот беше изедначен, а во финишот крајно драматичен.
Во последните осум минути Алкалоид влезе со предност 24:22. Во последната минута екипата на Кире Лазаров влезе со 25:24, не го искорсит последниот напад, а Вардар 1961 во последната секунда избори седмерец.
Голамнот Галевски го одбрани ударот на Срдановиќ. Најдобар стрелец на мечот беше Мартин Серафимов со седум гола, пред Арно Бинго со шест гола.
Финалниот натпревар во СЦ „Борис Трајковски“ ќе се одигра в недела од 19:30 часот.