Сенегал го освои Африканскиот куп на нации. Во финалето, го победија домаќинот на натпреварувањето, Мароко, со 1:0 по неверојатна драма обележана со контроверзни судиски одлуки, а голот за освојување на африканската титула го постигна Папе Геје во 94-та минута. Кон крајот на регуларното време, натпреварот беше прекинат во целосен хаос откако селекторот на Сенегал, Папе Тиау, ги повлече своите играчи од теренот.

Одлуката дојде откако на Мароко му беше досуден контроверзен пенал во 97-та минута, кој го промаши Брахим Дијаз. Потоа Сенегал постигна гол во првото продолжение што му ја донесе титулата.

Пред тоа, Сенегалците мислеа дека го постигнале гол за победа во 93-та минута. Откако ударот со глава на Сек ја погоди стативата, Исмаила Сар ја смести одбиената топка во голот.

Сепак, судијата Жан-Жак Ндала од ДР Конго веќе го прекина натпреварот, досудувајќи му прекршок на Сек врз Хакими. Клупата на Сенегал реагираше бурно. Бидејќи судијата го означи прекршокот пред топката да влезе во голот. Во таква ситуација ВАР не може да се вклучи.

Само неколку моменти подоцна, судијата беше повикан од ВАР судијата, да прегледа ситуација во шестаесетникот на Сенегал. Во 99-тата минута, откако ја прегледа снимката, досуди пенал за Мароко за држењето на Сек врз Брахим Дијаз. После тоа, Сенегалеците го напуштија теренот.

По речиси 20 минути прекин, Сенегалеците се вратија на теренот. Брахим Дијаз ја зеде топката изведе „паненка“, но Едуар Менди го прочита и ја фати топката во рацете. Тоа беше последниот удар од регуларниот дел од играта.

CHAOS AT AFCON🤯

Senegal have a goal disallowed in injury time.

Minutes later Morocco are awarded a penalty.
Senegal players walk off in protest😡

Brahim Diaz decides this is the best moment for a Panenka😬

Senegal now lead 1-0 in extra-time

pic.twitter.com/q2roHi10Ja

— Balls.ie (@ballsdotie) January 18, 2026

Инцидентите од натпреварот се пренесоа и на прес-конференцијата. Иако помина повеќе од еден час од крајот на финалето и церемонијата на доделување на трофејот и почетокот на прес-конференцијата, тензиите не стивнаа.

Кога Папе Тиау влезе во прес-салата за да одржи прес-конференција, мароканските новинари го поздравија со свирежи и скандирања и му порачаа да замине.

Ugly scenes in the press conference room, as journalists from #Morocco boo Pape Thiaw, #Senegal’s #AFCON2025 trophy 🏆 winning coach. This is shameful. Very shameful. This should not happen, no matter what happened on the field. Thiaw walked out. We don’t know what happens now. pic.twitter.com/22J8DpWJIJ

— Osasu Obayiuwana (@osasuo) January 18, 2026

Тие се осврнуваа на она што им го наредил на играчите пред да го напуштат теренот. Сенегалските новинари одговорија на ова со аплаузи и гласна поддршка за селекторот.

Набрзо новинарите вербално се пресметаа, а потоа мароканските новинари објавија дека ќе ја бојкотираат прес-конференцијата на сенегалскиот тренер и се упатија кон излезот од салата. Тиау реагираше и неа збор замина од прес салата.

Тренерот на Барселона, Ханси Флик, беше разочаран по поразот во неделата од Реал Сосиедад (2:1) на „Реале арена“, истакнувајќи дека резултатот не ја одразува играта на неговиот тим, кој создаде многу шанси. Тој, исто така, се согласи со изјавите на капитенот Френки де Јонг за судијата Хесус Хил Манзано, наведувајќи дека комуникацијата со него била невозможна.

Тимот од Сан Себастијан славеше со головите на Микел Ојарзабал и Гонзало Гуедес, додека единствениот гол за Барселона го постигна Маркус Рашфорд.

По поразот во натпреварот, во кој на Барселона им беа поништени три гола и еден пенал, Каталонците остана водечки тим во шпанското првенство со 49 бода, само еден повеќе од второпласираниот Реал Мадрид.

„Не сум среќен. Разочаран сум, имавме многу чисти шанси, а резултатот не го одразува она што се случуваше на теренот. Но, ми се допаѓа како игравме“, рече тренерот на Барселона.

Тој, исто така, призна слабости во играта на својот тим: „Направивме грешки во одбраната, мора да се браниме подобро. Немавме среќа ниту во нападот. Вториот гол на Реал Сосиедад нè уништи.“

И покрај поразот, Флик верува дека тимот треба да продолжи во иста насока.

„Нашата игра беше добра. Можеби можевме подобро да се браниме во неколку акции, но генерално сум задоволен. Игравме многу добро во последните две недели и мора да продолжиме така. Мора да се фокусираме на следниот натпревар, што е многу важно“, рече Флик.

Тој истакна дека ова бил „најнесреќниот натпревар во неговата кариера“, во која ги водеше Барселона (90 натпревари), Германија (25 натпревари) и Баерн (86 натпревари).

Foto/ depositphotos

Кошаркарите на Денвер Нагетс запишаа убедлив пораз на домашен терен, а ЛА Лејкерс славеа против еден од најдобрите тмови во Источната конференција.

Денвер загубија од Шарлот Хорнетс со 87:110. Поразот е очекуван, бидејќи Нагетс покрај повредениот Јокиќ на овој меч беа и без Арон Гордон, Кем Џонсон, Кристијан Браун и Јонас Валанчунас.

Хорнетс победата ја најавија во првиот период кога стекнаа предност од 18:33.

Кај Денвер се истакна Џамал Мареј со 16 поени, еден скок и две асистенции, односно Џулијан Стротер со 15 поени.

Хорнетс ги предводеа Брендон Милер со 23 поени и четири скока, Рајан Калкбренер со 17 поени и шест скока.

Убедлив триумф запишаа и Лејкерси, 110:93 против Торонто Репторс.

Словенечкиот репрезентативец Лука Дончиќ постигна 25 поени со ужасна реализација (8/23) на кои додаде и седум асистенции.

Ист број на поени со 14 скокови реализираше Деандре Ајтон, додека Леброн Џејмс имаше 24 поени со четири скока и седум асистенции.

Кај Репторс се истакна Скоти Барнс со 22 поени, девет скока и три асистенции, Грузиецот Сандро Мамукелашвили забележа 20 поени и шест скока, додека Брендон Инграм имаше 19 поени со шест скока и седум асистенции.

Резултати:

Чикаго – Бруклин 124:102
/Вајт 24 – Траоре 16/

Хјустон – Њу Орлеанс 119:110
/Смит Џуниор 32 – Марфи 21/

Сакраменто – Портланд 110:117
/Вестбрук 23 – Авдија 30/