Спорт
Ањели и Јуве се дистанцираат од Роналдо за прекршувањето на правилата

Првиот човек на Јувентус, Андреа Ањели целосно се дистанцираше околу наводниот скандал со прекршувањето на правилата на Кристијано Роналдо, кој продолжи да се расправа со италијанскиот министер за спорт, Винченцо Спадафора.
Се верува дека Роналдо го прекршил „меурот“, односно добротворната изолација со Јувентус, кога реши да замине за настапи со португалската репрезентација, каде што по мечот со Франција беше позитивен на КОВИД-19. Роналдо веднаш се врати во Торино и повторно беше обвинет за ново прекршување на правилата со враќањето во Италија.
Спадафора денеска јавно го повика Роналдо да ја преземе одговорноста и да намали со својата арогантност, но Ањели, веднаш се дистанцираше лично и Јувентус.
„Кога фудбалерот ќе замине од тренинг-центарот, тогаш станува слободен човек. Ако вози 150 км/ч и биде фатен, јас нема да бидам тој што ќе ви каже што се случило“, вели Ањели.
Самиот Спадафора потврди дека Јувентус ги почитувале сите протоколи за заштита од корона вирусот и дека клубот не е вклучен во целата истрага.
„Јувентус го применуваат федералниот протокол. Јас сум спортски менаџер и не знам кој прекршил закон. Ние влеговме во ‘меурот’ во саботата и излеговме од изолација без натпреварување. Им кажав на фудбалерите кои сакаа дома дека треба да се во самоизолација. Кога ќе заминат од тука, тие се слободни граѓани“, додава Ањели.
Италијанскиот министер кон Роналдо: Престани со ароганцијата!
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Падна договор меѓу Арсенал и Ѓекереш

Арсенал е на добар пат да го потпише Виктор Ѓекереш, еден од најбараните напаѓачи во Европа во моментов.
Како што објави „Атлетик“, преговорите меѓу „Топџиите“ и играчот на Спортинг напредуваат добро и веќе се зборува за петгодишен договор за 27-годишниот Швеѓанец.
Во претходната сезона, со 54 гола на 52 натпревари, Ѓекереш му помогна на Спортинг да стигне до двојната круна.
Долго време неговото име се поврзува со Арсенал, и не е тајна дека преселбата во лондонскиот клуб е негова голема желба, сега наводно сите услови се веќе договорени.
Со доаѓањето на Андреа Берта како спортски директор на „Топџиите“, доведувањето на Ѓекереш беше поставено како еден од приоритетите на клубот.
Се шпекулира дека фиксниот дел од трансферот ќе изнесува 65 милиони евра, а уште 15 милиони Спортинг ќе може да заработи преку бонусите.
Спорт
Пјастри: Нема да зборувам многу, би можел да се најдам во неволја

Трката за Големата награда на Велика Британија во Силверстоун донесе ново намалување на разликата меѓу асовите на Мекларен, Оскар Пјастри и Ландо Норис. А тоа значи и зголемување на тензиите, а дека се оди во тој правец може да се насети и по изјавата на Австралиецот по завршувањето на трката.
Лидерот во генералниот пласман ги имаше сите адути во свои раце – водечка позиција, контрола на трката. Но, една кардинална грешка и казна од 10 секунди практично го чинеше победа, па наместо да се оддалечи од тимскиот колега за уште осум поени и да стигне до разлика од 23 бода, ситуацијата се сврте – Норис ја намали разликата на само осум поени на половина од сезоната.
Самиот Пјастри не е задоволен од казната, смета дека е неправедна. Кога отиде да ја одработи казната и дојде до предавање на позицијата на Норис, побара од тимот да му наложат на Норис да ја врати позицијата и да се тркаат, но Мекларен тоа го одби.
„Нема да зборувам многу, за да не западнам во неволја. Но изгледа дека повеќе не смее да се кочи зад безбедносното возило – изјави Пјастри.
Фото: ЕПА
Спорт
Пјастри му ја подари победата на Норис, Хулкенберг е херојот во Британија

Ландо Норис го искористи подароот од тимскиот колега Оскар Пјастри и победи на трката за Големата награда на Велика Британија. Тркањето на култната патека во Силверстоун ја обележа безбедносното возило, кое шест пати излезе на патеката и брилијантниот Нико Хулкенберг кој го комплетираше подиумот.
Трката која се возеше по тешки услови, требаше, но не ја доби Пјастри. Австраиецот направи глупава греша додека безбедносното возило беше на патеката, поради што доби казна од 10 секунди, што му овозможи на Норис да ја забележи осмата победа во кариерата.
Херој на денот е Хулкенберг од Заубер, во 239 настап во Ф1 трка прв пат се искачи на подиумот. Германецот трката ја започна од 19. позиција.
Бодови во Британија освоија Хамилтон, Ферстапен, Гасли, Строл, Алонсо, Албон и Расел.
Во првенството сега следува пауза од три недели. Следната трка ќе се вози во Белгија на Спа Франкошамп.
Foto/ EPA/PETER POWELL