Роман Грожан е среќен човек. Среќен што е жив по неверојатниот судир во Бахреин минатиот викенд, и сега во интервју со Мартин Брандл, францускиот возач на Хас објасни што точно му поминуваше низ глава во тие 28 секунди кои ги помина во огнот на Сакир.

„Искрено, не мислев дека ќе завршам вака. Размислував за Ники Лауда и за тоа што тој го преживеа пред толку години“, вели Грожан.

Тој остана во автомобилот по страшниот судар и признава дека во два обиди не успеал да излеззе од болидот и признава дека мислел дека неговата смрт е многу блиску.

„Одеднаш се почувствував опуштено и мислев дека сега ќе умрам. Тогаш помислив дали ќе боли и што ќе се случи прво. Тоа беше страшно чувство. Помислив на моите деца и знаев дека не смеам да умрам. Излегов од болидот, но видов дека ракавиците ми горат. Потоа го почувствував докторот Јан до мене и знаев дека уште сум жив“, открива Грожан.

Very powerful words from @RGrosjean as he re-lives his escape from the inferno on Sunday, with @MBrundleF1 and @SkySportsF1#HaasF1 pic.twitter.com/yrEZZCtkLf

— Haas F1 Team (@HaasF1Team) December 4, 2020

Formula 1 driver @RGrosjean crashes in Bahrain.

And survives.

Most unbelievable thing I’ve seen in awhile…pic.twitter.com/ButvMYkh76

— Rex Chapman🏇🏼 (@RexChapman) November 29, 2020

Италијанските власти потврдија дека ќе отворат истрага за тестот за државјанство на Луис Суарез во септември, со сомнежи дека се работи за нелегална процедура помогната од најмоќните луѓе на шампионот Јувентус.

Суарез беше на тест за италијански јазик на Универзитетот во Перуџа по шпекулациите дека Јувентус сака да го откупи од Барселона, а веќе ја има пополнето квотата на играчи надвор од ЕУ. Овој трансфер не се случи и Суарез на крајот замина во Атлетико Мадрид.

Обвинителството во Перуџа потврди дека ректорот на Универзитетот, Џулијана Греко, директорот на Универзитетот, Симоне Оливиери, и професорите Стефанија Спина и Лоренцо Рока се суспендирани на осум месеци поради објавување професионални тајни.

„Соддржината на тестот предвреме му била дадена на фудбалерот за тој да може да ги исполни условите по барањето на Јувентус за подобрување на личниот имиџ и оној на Универзитетот. На почетокот на септември менаџерскиот тим на Јувентус на највисоко ниво сакал да го забрза доделувањето државјанство на Суарез“, се вели во одлуката на Обвинителството.

Роналд Куман им порача на претседателските кандидати, кои се подготвуваат за изборите во јануари, да престанат со коментарите за иднината на Лионел Меси по последните шпекулации кои велат дека Пари-Сен Жермен смета оти веќе го убедил Аргентинецот да се пресели во Лига 1.

Тренерот на Барса зборуваше откако преодниот претседател на клубот, Карлос Тускетс, изјави дека клубот требало да го продаде Меси во текот на летото кога легендата на клубот се обиде да издејствува трансфер со слободен премин. И кандидатите за претседател се јавија со свое мислење за 33-годишниот Меси – некои од нив со ветувања дека ќе го задржат. Куман вели дека тоа мора да сопре.

„Сите ја знаеме ситуацијата со Лео. Ако има некој нешто што треба да го каже, тоа е самиот Лео, а другите коментари се неважни и не ме интересираат. Нека си ги даваат коментарите внатре во клубот и нека нè остават да си ја завршуваме работата. Неколкупати кажав дека не се мешам во работата на претседателските кандидати и дека не знам што ќе се случи по изборите. Сега фокусот мора да е на натпреварите“, вели Куман.