Контроверзниот Марио Балотели сепак нема да ја продолжи кариерата во Бразил, тој како што тврди новинарот Џанлука Ди Марцио, ќе потпишр договор со Монца.

Монца е клуб чии соптвеник е поранешниот газда на Милан и поранешен премиер на Италија, Силвио Берлускони. Оваа сезона, Монца во Серија Б влезе со големи амбиции, пласман во елитната италијанска лига.

Ди Марцио објави дека Балотели, во текот на утрешниот ден, треба да ги мине лакрските прегледи, а потоа и да го потпише договорот.

Инаку, Балотели, изминатите две недели се поврзуваше со трансфер во бразилскиот великан Васко де Гама.

Фудбалерите на Шкендија, во привот натпревар од 15.коло, забележаа гостинска победа од 2:0 над Борец.

Стрелци на головите за лидерот на табелата беа Ибраими од пенал во 25. и Дориев во 84.минута.

Борец не ги искористи своите шанси и периодите на добрата игра за да остане непоразен. Од таборот на домашниот тим имаат и промедби на судењето.

Шкендија на врвот има 33 поени, пет повеќе од Шкупи, додека Борец на четвртото место има 22 бода.

Останатите од 15.коло се играат утре од 13 часот: Вардар – Работнички, Пелистер – Шкупи, Струга ТЛ – Академија Пандев, Ренова – Силекс, Беласица – Македонија ЃП.

Фото/facebook.com/fcshkendija

Менаџерот на фудбалерите на Арсенал, Микел Артета, во пресрет на утрешното дерби против Тотенхем, истакнал дека противникот заслужено го држи првото место на табелата, во Премиер лигата.

Арсенал, од 14 место на табелата, ќе влезе во дербиот на северен Лондон, кое утре ќе се одигра на стадионот на Тотенхем.

„Тотенхем се први бидејќи го заслужија тоа. подобро се пласирани од нас, бидејќи постигнуваа добри резултати. Мораме тоа да го прифатиме. Сепак наша це е да ги освоиме бодовите и да ја намалиме разликата во однос на нив“, рекол Артета.

Дербито ќе го следат 2.000 навивачи, фанови на Тотенхем.

„Секако дека е подобро да се игра пред публика, без оглед на тоа колку глеачи ќе има. Не сметам дека тоа ќе биде некоја предност за Тотенхем. Навивачи ќе има и на нашиот стадион наредната недела“.

Дербито на северен Лондон утре ќе започне во 17.30 часот.