Спорт
Анонимниот Гастон го „суреди“ Вавринка, Надал како „воз“ преку Траваља

Иго Гастон, 239-рангираниот тенисер на светот, успеа да го елиминира шампионот од 2015 година, Стен Вавринка во третото коло на Ролан Гарос, додека „кралот“ на земја, Рафа Надал немаше мака против Италијанецот Стефано Траваља.
20-годишниот Французин Гастон, пред овој меч немаше ниту одиграно тениски дуел со топ 50 тенисер, но по 3 часа и 14 минути успеа да го победи швајцарскиот ветеран со 2:6/6:3/6:3/4:6/6:0. За него сега следува уште потежок предизвик – пресметка со шампионот од САД опен и еден од фаворитите за титулата во Париз, Австриецот Доминик Тим.
Со неговиот пласман, необичниот Ролан Гарос стана уште понеобичен – двајца тенисери надвор од топ 200 се во четвртото коло – Американецот Себастијан Корда (213) и Гастон (239).
You go, Hugo!
World No. 239 wildcard Hugo Gaston stuns No. 16 Stan Wawrinka 2-6 6-3 6-3 4-6 6-0 to push into the sweet 16.#RolandGarros pic.twitter.com/aU1tmBFOjT
— Roland-Garros (@rolandgarros) October 2, 2020
Рафаел Надал, пак, немаше никаков проблем против 74-рангираниот Траваља, победувајќи со 6:1/6:4/6:0 за само час и 34 минути – првиот сет траеше само 25 минути, а третиот 26 минути! Надал во следното коло игра токму со Американецот Корда.
? Jumpin' Jumpin' ?
Rafael Nadal is through in straights and sets a R16 date with Korda.#RolandGarros pic.twitter.com/EpK19FKoqp
— Roland-Garros (@rolandgarros) October 2, 2020
Кај дамите, домашните фанови имаат на што да се надеваат, откако Каролине Гарсија ја доби тесната битка со Елизе Мертенс со 1:6/6:4/7:5 за да обезбеди меч во четвртото коло со третата носителка, Украинката Елина Свитолина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Пешиќ: Ова е кошарка не е фудбал, нема да поднесам оставка

Српската кошаркарска репрезентација се врати во Белград, откако во саботата доживеа сензационална елиминација од Европското првенство. Финска ја победи Србија во осминафиналето со 92:86.
Српската јавност по елиминацијата бара оставка од селекторот Светислав Пешиќ, тој на новинарите на аеродромот „Никола Тесла“ им кажа дека нема намера да го направи тоа.
„Јас никогаш не поднесувам оставка. Зошто оставки? Дојдов тука да го средам она што требаше да се среди. По Олимписките игри, никој не сакаше, јас прифатив пред сè од одговорност кон играчите. Имаме таков договор до крајот на септември. Ќе седнеме, ќе разговараме, јас сум секогаш тука, достапен сум за секаков вид помош и ангажман. Ова не е фудбал туку кошарка, оставки не се даваат и нема причина да се прави тоа“, рече Пешиќ.
Фото/ Принтскрин
Спорт
(Видео) Катастрофа на Турција во Коња, прими шест гола од Шпанија

Најдобрите шпански фудбалери со стил ги започнаа квалификациите за Светското првенство во 2026 година. За само неколку дена, тие гостуваа двапати и остварија две победи со гол-разлика од 9:0.
По гостувањето во Софија на 4 септември и убедливата победа од 3:0 над Бугарија, шпанската репрезентација гостуваше во Коња и ја победија Турција со 6:0 (3:0).
Пред натпреварот, турските медиуми најавија спектакуларен дуел помеѓу двајца левоноги момци од Реал Мадрид и Барселона, Арда Гулер и Ламин Џамал, но на теренот играа само гостите.
Танцуваа на теренот избраниците на Луис де ла Фуенте. Играчот на Арсенал, Микел Мерино, се истакна со три гола. За Мерино ва е прв хет-трик во кариерата.
Покрај Мерино, Педри постигна два гола, првиот и шестиот гол, а Феран Торес ја затресе мрежата на Угурџан Чакир. Голманот на Турција, и покрај тоа што прими шест гола, беше еден од подобрите играчи во домашната селекција, предводена од Италијанецот Винченцо Монтела.
Единственото нешто што може да го загрижи селекторот на Шпанија е повредата на Нико Вилијамс, кој беше заменет од Феран Торес на крајот од првото полувреме.
Foto/ EPA
Спорт
Алкараз го освои Ју-ес опен и повторно е број 1 во светот

Карлос Алкараз е шампион на Отвореното првенство на САД. Во пресметката меѓу двајцата најдобри играчи во светот, Шпанецот го победи Јаник Синер со 6:2, 3:6, 6:1, 6:4 и го презеде првото место на АТП листата од Италијанецот. Ова е шеста Гренд Слем титула на Карлитос во неговата кариера.
Како и во претходната сезона, Италијанецот и Шпанецот ги поделија Гренд Слем турнирите меѓу себе. Алкараз ги освои Ролан Гарос и Отвореното првенство на САД, а Синер славеше на Отвореното првенство на Австралија и Вимблдон.
Финалето не донесе спектакуларно ниво на тенис, а Алкараз беше многу подобар играч, ако не се смета малиот пад во вториот сет.
Синер направи необични грешки за неговите стандарди и тоа го чинеше брејкови во раните фази од сетовите, а на крајот и одбраната на тронот.
Foto/ EPA