Дебитантот на АТП финалето, грчката тениска сензација Стефанос Циципас го забележа вториот триумф во натпреварите во „Андре Агаси“ групата, „нокаутирајќи“ го Александер Зверев со 6:3/6:2 за да обезбеди пласман во полуфиналето на турнирот за осумте најдобри тенисери на светот.

Со втората победа, откако во првиот меч првпат во кариерата го совлада Данил Медведев, грчкиот тенисер, не само што се пласираше во полуфиналето, туку во исто време го елиминираше Медведев, кој одличната форма во вториот дел на 2019 не успеа да ја реализира во „О2 Арената“, губејќи практично добиен меч против Надал попладнето.

That semi-final feeling 🤗

Not bad for a #NittoATPFinals debut 👏@StefTsitsipas pic.twitter.com/0yxhChrsVP

— ATP Tour (@atptour) November 13, 2019

Златан Ибрахимовиќ го потврди своето заминување од МЛС лигата и Лос Анџелес галакси следниот месец, откако во негов стил на Твитер ја искористи фразата на Цезар: „Дојдов, видов, освоив!“.

„Дојдов, видов, освоив! Благодарам на Ел-Еј Галакси што ме направи да се чувствувам жив повторно. За сите фанови на Галакси – го сакавте Златан, ви го дадов Златан. Молам убаво. Приказната продолжува. Сега да продолжам да гледам безбол“, напиша 38-годишниот Швеѓанец на Твитер.

Златан не освои титула во МЛС, но си заминува со 53 постигнати голови во 58 мечеви. Сега, шпекулациите го поврзуваат со враќање во Италија, каде што за неговите услуги се заинтересирани Милан, Наполи и Болоња, но не е неверојатен и кам-бекот во Манчестер јунајтед.

I came, I saw, I conquered. Thank you @lagalaxy for making me feel alive again. To the Galaxy fans – you wanted Zlatan, I gave you Zlatan. You are welcome. The story continues…Now go back to watch baseball pic.twitter.com/kkL6B6dJBr

— Zlatan Ibrahimović (@Ibra_official) November 13, 2019

Само три дена откако во најголемото изненадување во ЕХФ Лигата на шампионите оваа сезона загубија дома од Порто, лидерите во групата Б (каде што е и Вардар), Кил стигнаа до драматичан победа од 30:29 на гостувањето кај португалскиот клуб со гол во последната секунда од мечот.

Во неделата, Порто стигна до сензационална победа во Германија со гол во последната секунда, а сега, германскиот гигант му се одмазди на Порто со сличен триумф со голот на Харалд Рајнкинд, за ТХВ да се одвои на врвот на табелата во групата Б со 13 поени, пред Монпелје и Вардар со 9 и Веспрем, Кјелце и Порто со 8 поени, најавувајќи супер-интересен финиш на натпреварувањата по групи.

ЕХФ ЛИГА НА ШАМПИОНИ, ГРУПА Б

Порто – Кил 29:30 (16:14)

Табела: 1.Кил 13, 2.Монпелје 9, 3.Вардар 9, 4.Веспрем 8, 5.Кјелце 8, 6.Порто 8, 7.Мешков 2, 8.Мотор 1

LATE DRAMA: Witness the moment that saw @thw_handball beat @FCPorto in the final seconds of their dramatic #veluxehfcl Group B encounter! 😮 pic.twitter.com/TTQ8Le3Iyi

— EHF Champions League (@ehfcl) November 13, 2019