Спорт
Антони: Пред шест месеци побарав трансфер

Бразилскиот репрезентаивец Антони по секоја цена сака да го напушти Ајакс до крајот на преодниот рок. Манчестер јунајтед работи на овој трансфер, но Ајакс досега ги одби сите понуди. Пред неколку дена Јунајтед за Бразилецот понуди 90.000.000 евра. Во знак на револт, Антони одби да тренира.
На неколку дена пред крајот на преодниот рок, Антони ја „отвори душата“ во интервкуто коие го работеше Фабрицио Романо.
Бразилецот откри дека од февруари одбива да го продолжи договорот со Ајакс, им кажал на клупските челници дека сака да го напушти клубот.
„Од февруари, моите агенти им кажуваа на челниците на Ајакс дека сакам да одам и да барам нов предизвик во мојата кариера. Имаше одлични понуди за клубот и не разбирам зошто го прават тоа. Во јуни го прекинав одморот и дојдов лично да разговарам со нив и со новиот тренер и кажав што сакам“, вели Антони и продолжува.
„Дојдов во Ајакс и знаеја дека тоа е двегодишен проект и дека ќе заминам кога ќе дојде вистинската понуда. Ми нудат нов договор, но јас не сакам да го потпишам, само сакам да заминам од овој клуб“.
Антони изјави дека вчера имал средба со челниците на Ајакс и дека го шокирале со новите изговори.
„Шест месеци барам трансфер, а денес на состанокот ми рекоа дека не можат да ја прифатат понудата за мене бидејќи имаат само пет дена да најдат замена. Им кажувам со месеци како сакам да одам, а сега ми „продаваат“ таква приказна“, вели Бразилецот.
„Бев многу среќен во Амстердам, освоив титули со Ајакс и стекнав нови пријатели. Изградив нов чекор во кариерата, но сакам нов предизвик и да продолжам да ја пишувам мојата приказна и да ги исполнам моите соништа. Се надевам дека навивачите на Ајакс ме разбираат а некои можности едноставно не можат да се пропуштат затоа што доаѓаат еднаш во животот“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) ПСЖ се спаси од пораз против Стразбур

Фудбалерите Пари Сен Жермен и Стразбур ремизираа 3:3 во дербито на осмото коло од Лига 1.
Луд натпревар беше виден на „Паркот на принцовите“. Домаќинот трган фуриозно, а на крајот мораше да се бори за еден бод.
Сè започна со голот на Баркола во шестата минута, но гостите до полувремето направија пресврт, со головите на Паничели во 26-та и Мореира во 41-та минута.
Паничели дополнително ги загрижи „Светците“ во 49-та минута, а Рамос го врати ПСЖ во игра од пенал во 58-та минута.
Мајулу спаси бод за ПСЖ во 79-та минута.
И на овој натпревар Луис Енрике не можеше да смета на важни играчи – Дембеле, Маркињос, Невеш, Руиз, додека Кварацхеликја, Мендеш и Витиња започнаа од клупата.
ПСЖ го запиша второто последователно реми, и е на чело со 17 бода, еден повеќе од Стразбур.
Спорт
Мареска потврди дека Палмер ќе паузира уште шест недели

Фудбалерот на Челзи, Кол Палмер (23), нема да може да им се придружи на соиграчите уште шест недели поради повреда на препоните, објави тренерот Енцо Мареска.
Палмер не играл од поразот на Челзи од Манчестер Јунајтед на 20 септември.
Тој го напушти теренот во првото полувреме, а Мареска потоа објави дека ќе го одмори до октомвриската репрезентативна пауза, која сега е завршена.
„Згрешив. За жал, тој ќе биде надвор од терените веројатно шест недели“, рече Мареска, исклучувајќи ја можноста за операција.
„Се обидуваме да го заштитиме Кол колку што е можно повеќе и најважно е тој да биде целосно закрепнат кога ќе се врати“, додаде италијанскиот стручњак.
Челзи, кој моментално е седми на табелата во Премиер лигата, во сабота гостува кај Нотингем Форест, кој е 17-ти на табелата.
Спорт
Флик негира дека претседателот на клубот му се меша во работата

Ханси Флик, на прес конференцијата, пред натпреварот со Џирона, бурно реагираше на прашањето дека претседателот на Барселона барал Ламин Јамал да игра против ПСЖ во Лигата на шампионите.
Шпанските медиуми со денови шпекулираат за наводниот конфликт во врвот на каталонскиот клуб, според кој претседателот Џоан Лапорта наводно му наредил на Ханси Флик да го вклучи Ламин Јамал во почетниот состав за натпреварот против ПСЖ, иако 18-годишникот, според изворите, доцнел на задолжителниот состанок на тимот пред дуелот.
„Би сакал да знам од каде доаѓаат тие глупости. Никој во клубот никогаш не ме замолил да направам нешто слично. Тие ми веруваат целосно. Немам што да кријам, познато е дека во Барселона тренерскиот штаб носи спортски одлуки“, рече Флик.
Тој нагласи дека Ламин Јамал не бил казнет и дека неговото место во почетниот состав против ПСЖ е спортска одлука, а не резултат на каков било притисок од раководството.
Да потсетиме дека шпанските таблоиди претходно објавија дека Флик прво планирал да го казни младиот напаѓач затоа што доцнел и дека му рекол дека нема да биде во првиот состав. Сепак, според овие шпекулации, раководството на клубот наводно инсистирало Јамал да го започне натпреварот.
Инаку, Барселона во второто коло загуби од ПСЖ со 1:2.