Спорт
Аргентина и Колумбија заеднички организатори на Копа Америка 2020
ЦОНМЕБОЛ, фудбалската конфедерација на Јужна Америка потврди дека Копа Америка во 2020 ќе биде организирана од Аргентина и Колумбија, во историска одлука во проширеното натпреварување кое ќе брои 38 натпревари, 12 повеќе од сегашниот формат.
Дванаесетте репрезентациии ќе бидат поделени во две групи по шест тима, една во Јужната зона: Аргентина, Чиле, Уругвај, Парагвај, Боливија и гостувачка нација и една во Северната зона: Колумбија, Бразил, Венецуела, Еквадор, Перу и уште една гостувачка нација. Четири тима од двете групи ќе се квалификуваат во четврт-финалето.
„Целта е да се овозможи поголема пристапност до навивачите и мечевите на репрезентациите да се приближат на јужноамериканската публика. Фановите ќе можат да уживаат во барем пет меча на својата репрезентација“, вели претседателот на ЦОНМЕБОЛ, Алехандро Домингез.
И оваа година на програмата има Копа Америка, со Бразил како домаќин, четири години по турнирот во Чиле во 2015 година. Во 2016 беше оддржано посебно издание за 100-годишнината во САД. Двата турнири ги освои Чиле, и тоа двапати со победа на пенали над Аргентина.
La @CopaAmerica 2020 se disputará en dos zonas de Sudamérica para acercar los partidos de selecciones a sus aficionados.
▶ https://t.co/NHan4lVtzE pic.twitter.com/Tlyd7N3BKa
— CONMEBOL.com (@CONMEBOL) April 9, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Кристал Палс го згази Манчестер јунајтед
Фудбалерите на Кристал Палас го декласираа Манчестер јунајтед со 4:0, во последниот натпревар од 36. коло на Премиер лигата. удбалерите на Кристал Палас ја забележаа четвртата победа на последните пет натпревари во Премиер лигата.
Од првата минута забележливо беше дека играчите на Манчестер јунајтед не се „во натпреварот“. Како изгледаа на теренот можат да бида задоволни со поразот од 4:0.
Дебаклот го најави Мајкл Олисе во 12.минута. .
Истиот играч десет минути подоцна имаше уште две убави шанси, а во 40. Жан Филип Матета ја удвои предноста на домашните.
На почетокот на вториот му беше поништен гол на Јунајтед, а потоа започнаа да се редат шансите пред голот на Андре Онана.
Еберечи Езе, Тајрик Мичел и Вил Хјуз, не успеаја да реализираат, но во 58. минута споменатиот Мичел зголеми на 3:0.
Точка поразот на Јунајтед стави играчот кој ја започна серијата, Мајкл Олисе во 66. минута. До крајот на мечот Одсон Едуард ја погоди стативата.
Палас е 14. на табелата со 43 бодови, додека Јунајтед е осми со 54 бодови, исто колку и седмопласираниот Челзи.
Јунајтед во следното коло ќе го пречека Арсенал, додека Палас ќе гостува кај Вулверхемптон.
Спорт
Бјелица доби отказ
Фудбалскиот клуб Унион Берлин соопшти дека му ја врачил оставката на хрватскиот тренер Ненад Бјелица по серијата лоши резултати во Бундес лигата.
Челниците на Унион решија да го заменат Бјелица по поразот од Бохум (3:4) во 32. коло од Бундес лигата.
Хрватскиот тренер го презеде тимот од Берлин во ноември минатата година, откако беше отпуштен oд Урс Фишер.
Унион Берлин моментално е на 15. место на табелата во германскиот шампионат со 30 бодови.
Во соопштението на клубот се наведува дека тимот до крајот на сезоната ќе го води Марко Гроте.
„Со нетрпение го очекувам предизвикот и убеден сум дека ќе успееме да избегнеме испаѓање од Бундеслигата. Добро го познавам нашиот тим и знам дека сме способни за опстанок“, изјави Гроте, а пренесува официјалниот сајт на клубот.
До крајот на сезоната во Бундеслигата, Унион следната сабота му гостува на Келн, а потоа на 18 мај на домашен терен го пречекува Фрајбург.
Спорт
Баркли: Јокиќ е најдобриот странец на сите времиња во НБА
Легендата на НБА, Чарлс Баркли многу го почитува центарот на Денвер, Никола Јокиќ.
И додека се очекува српскиот кошаркар по третпат наскоро да биде прогласен за МВП во НБА караванот, Баркли го пофали Јокиќ како гостин во подкастот на Шенон Шарп.
Долго време се сметаше дека Германецот Дирк Новицки е најдобар странец во НБА, но Баркли мисли поинаку.
„До доаѓањето на Јокиќ, Дирк беше најдобриот странец во историјата на НБА“, вели Баркли.
Инаку, Новицки, кој доживеа ѕвездени моменти со Далас, има по една титула и едно МВП признание.