Спорт
Арсенал го освои ФА купот
Фудбалерите на Арсенал ја освоија титулата во ФА купот. „Тобџиите“ со победата над Челси од 2:1 успеаја да ја спасат лошата сезона, која ја завршија на осмото место во Премиер лигата. Победата во ФА купот на Арсенал им обезбеди место во Лига Европа наредната сезона. Тренерот на Арсенал Микел Артета го освои првиот трофеј како самостоен тренер.
Финалето на најстарото фудбалско натпреварување во светот го обележа капитенот на Арсенал Пјер-Емерик Обамејанг кој ги постигна двата гола за својот тим.
Челси подобро влегоа во натпреварот, постигнаа гол преку Кристијан Пулишиќ во петтата минута, но по 25 минута играчите на Френк Лампард ги демонстрираа слабостите во одбраната што на најдобар начин го искористи Обамејанг.
Раритет на овој натпревар е што Челси поради повреди остана без тројца играчи Аспиликуета, Пулишиќ и Педро, а на спротивната страна поради повреда мечот пред време го заврши Давид Луиз.
Габнецот во 28 минута избори пенал кој самиот го реализираше, во 67 минута со соло-акција најпрвин лесно го исфрли од игра Курт Зума, а потоа го совлада Вили Кабаљеро.
AUBA AT THE DOUBLE! ?#HeadsUpFACupFinal #ARSCHE pic.twitter.com/UhHGwMU0rm
— The Emirates FA Cup (@EmiratesFACup) August 1, 2020
До крајот на мечот Челси остана со играч помалку на теренот. Матео Ковачиќ беше исклучен поради вториот жолт картон.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Енис Барди: Шпанците ме споредуваа со Меси
Капитенот на фудбалсата репрезентација на Македонија, Енис Барди, во интервју за „haber61.net“, зборуваше за периодот кога беше во Леванте. Потенцираше дека во еден период бил подбар изведувач на слободните удари од Лионел Меси.
„Навистина, бев подобар од Меси. Постигнав седум гола од 25 слободни удари, а Меси имаше осум од 52, имав многу подбар процент на реализација. Според процентот бев подобар. Да бидеме сериозни, прекрасно беше чувството што луѓето ме споредуваа со еден од најдобрите фудбалери на сите времиња. Се гордеев со тоа“, рече Барди.
Спорт
Клубовите се против – Шведска нема да воведе ВАР
Системот за видео анализа (ВАР) нема да биде воведен во Шведска, откако на оваа идеа се спротивтавиле фудбалските клубови, изјави во петокот претседателот на Шведската фудбалска федерација (SvFF), Фредрик Рајнфелд.
ВАР постојано беше во центарот на контроверзноста во лигите каде што беше воведен, со поплаки поврзани со неговата обемна анализа и одложувања кои често траат неколку минути.
Во јули 2023 година, Шведската професионална фудбалска лига, која ги претставува клубовите во првите две дивизии на шведскиот фудбал, соопшти дека мнозинството клубови во земјата „активно се противат“ на воведувањето на ВАР.
Рајнфелд, кој минатата година рече дека ВАР е „иднината“, беше критикуван од навивачите за неговиот став по ова прашање.
„Ако броев правилно, имаме 18 елитни клубови и два региони кои рекоа дека не сакаат да воведат ВАР. Ние тоа го почитуваме. Поради тоа не излеговме со овој предлог на претходниот состанок, а тоа нема да се случи ниту во иднина. Јас сум за почитување на демократските правила на играта“, изјави Рајнфелд, инаку поранешниот премиер на Шведска.
Спорт
Иџе во поход по нова европска титула: „Очекувам добра трка“
Трикратниот европски шампион, Игор Стефановски Иџе овој викенд со трката во Австрија започнува нова сезона во која ќе се обиде да стигне до четвртата титула во Европскиот шампионат на ридски патеки (еHC).
Летечкиот Македонец, Игор Стефановски викендов пред нов предизвик. Во Австрија, на патеката Рекбер тој ќе го започне својот најнов поход на Европскиот шампионат на ридски патеки, кој и годинава има 10 трки. Шампионатот започнува на 28.04.2024, а ќе заврши во септември со трката во Хрватска.
Стефановски и оваа сезона не ги крие своите шампионски амбиции, за кои верува дека ќе може да се реализираат, особено затоа што годинава на патеката ќе управува со новиот автомобилски ѕвер од Ферари 488 B8, специјално дизајниран за овие патеки.
„Очекувам добра трка. Посакувам да постигнеме одличен резултат. Би сакал да се заблагодарам на мојот тим, како и на тие кои го препознаа потенцијалот и ме поддржуваат за натпреварувањата во оваа сезона, особено моите спонзори кои веруваат во мојот потенцијал “- вели Стефановски.
Минатата година Иџе во текот на целата сезона беше во сигурна доминација со седум победи на 10 трки.