Спорт
Арсенал на ПГМОЛ им испрати листа со натпревари на кои клубот бил оштетен
Арсенал испрати список со натпревари на кои се оштетени на адресата на судиската организација во Премиер лигата (ПГМОЛ).
По поразот од 1:0 во Њукасл, кога во вториот Ентони Гордон постигна контроверзен гол, челниците на Арсенал решија дека треба да го кренат гласот, откако веднаш по натпреварот менаџерот Микел Артета се жалеше на судењето.
Како што објави „Дејли Мејл“, во меморандумот се наведува дека „играчите, тренерите и навивачите заслужуваат подобро судење“, и дека „ПГМОЛ итно треба да ги среди судиските стандарди“.
Покрај тоа што се жалеа на одлуката на судиите на мечот во Њукасл, тие наведоа и други примери каде биле оштетени.
Во февруари годинава на мечот со Брентфорд (1:1), судиите не ги извлекоа офсајд линиите за израмнувачкиот гол на Иван Тони.
Друг пример е поништениот гол на Габриел Мартинели во септември 2022 година на „Олд Трафорд“, во поразот од Манчестер Јунајтед со 3:1.
Тие наведуваат и дека оваа сезона Матео Ковачиќ од Манчестер сити не бил исклучен по стартот на Мартин Едеггард, додека воопшто не бил санкциониран ниту еден старт врз Деклан Рајс.
Арсенал во сабота го пречекува Барнли, а се уште не е познато кој ќе го води натпреварот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Мурињо побарал да му го донесат Бензема во Бенфика

Карим Бензема (37) би можел да дојде во Бенфика, пишува „Гол Франс“. Францускиот напаѓач е на радарот на Бенфика, на чија клупа минатата недела седна Жозе Мурињо. Доколку трансферот се реализира, судбината веќе нуди филмско сценарио: дуел против неговиот поранешен клуб Реал Мадрид во Лигата на шампионите.
Португалскиот тренер знае што му е потребно за да напредува во проектот: искуство, лидерство и цели. Тука се вклопува Бензема. Мурињо не ја крие својата желба да го доведе и веќе му даде до знаење на раководството дека вреди да вложи напор. Секако, нема да биде лесно.
Французинот влегува во последната година од договорот со Ал-Итихад и заработува вистинско богатство. Доколку сака да го носи црвениот дрес на „Естадио да Луж“, ќе мора да прифати големо намалување на платата.
Саудискиот клуб, исто така, размислува за продажба за обештетување помеѓу 5 и 7 милиони евра. За Бенфика, тоа е прифатлива сума… под услов Карим да каже да.
Таквиот потпис би носел доза на романтика, но и стратегија. Мурињо го сака Карим како лидер и модел за млад и гладен тим. Тој не бара никаков напаѓач, туку роден победник. Исходот е во рацете на Бензема.
Фото/ Принтскрин
Спорт
Кристијан Хорнер дебело си го наплати отказот

Кристијан Хорнер официјално го напушти Ред Бул откако беше постигнат договор за раскинување на договорот и пакет за отпремнина во вредност од 60 милиони евра, објави Би-Би-Си.
Британецот (51) беше на чело на тимот од неговото основање во 2005 година и во тој период го водеше тимот до осум шампионски титули во конкуренција на возачи и шест во конкуренција на конструктори.
Имаше годишна плата од 12 милиони евра, а неговиот договор беше важечки до 2030 година.
На 9 јули, Ред Бул објави дека Хорнер е „ослободен од оперативни должности“, а одлуката следеше по турбулентни 18 месеци, кога вработена во Ред Бул го обвини за сексуално вознемирување.
Обвинувањата, кои станаа јавни во февруари 2024 година, беа отфрлени од Хорнер двапати – прво по внатрешна истрага, а потоа по жалба поднесена од жената.
Спорт
Милинковиќ-Савиќ ќе се врати во Италија?

Сергеј Милинквоиќ-Савиќ, поранешна ѕвезда на Лацио, би можел да се врати во Италија.
Фудбалерот од средниот ред на Ал Хилал се пресели во Саудиска Арабија пред две години, а претходно играше за Лацио осум години. Сепак, неговата дестинација нема да биде Рим, туку Торино.
Според медиумите во Италија, Игор Тудор се пожалил на недостатокот на играчи во средниот ред, а раководството на „старата дама“ го гледа Сергеј како идеално решение.
Од друга страна, постои интерес и кај поранешниот играч на Војводина и Генк да се врати во Европа. Милинковиќ-Савиќ на тој начин би станал третиот Србин во тимот на Јувентус, покрај Душан Влаховиќ и Филип Костиќ.
Ова не е прв пат Јувентус да покажува интерес за српскиот играч од средниот ред. „Старата дама“ се обиде да го доведе неколку пати додека беше играч на Лацио, но не успеа.
Во Италија, Милинковиќ-Савиќ има добри бројки. Одигра 341 натпревар, постигна 69 гола и додаде уште 58 асистенции. Во Ал Хилал, тој собра 100 натпревари за две години со 29 гола и 25 асистенции.
Foto/ X