Премиерлигашот Вотфорд го потврдија именувањето на 74-годишниот Рој Хоџсон како нов менаџер, откако во понеделникот го отпуштија Клаудио Раниери по девет натпревари без победа и во ситуација во која им се заканува испаѓање од лигата.

Поранешниот англиски селектор Хоџсон си замина од Кристал палас на крајот на минатата сезона, објавувајќи дека се пензионира од фудбалот, меѓутоа сега пристигнува како трет менаџер во Вотфорд оваа сезона, откако Чиско Муњоз ја почна годината на клупата на клубот од предградијата на Лондон.

Хоџсон претходно беше селектор на Англија и Финска, додека во Англија работеше со Ливерпул, Фулам, Вест Бромвич Албион, Блекбурн и Бристол, а работеше и под газдите на Вотфорд накратко во Италија во Удинезе во 2001 година.

Вотфорд се на два поени од безбедната зона во Премиерлигата, но имаат два меча помалку од Норич, кои се на 17. место.

We are delighted to confirm the appointment of Roy Hodgson as the club's manager.

Welcome to Watford, Roy!

— Watford Football Club (@WatfordFC) January 25, 2022

Русија се врати во второто полувреме, но повторно потфрли во финишот на мечот за да загуби со 30:29 (16:12) од Германија во меч за престиж на Европското првенство во Унгарија и Словачка, откако двете репрезентации одамна ги загубија шансите за полуфинале.

Германците беа убедливи во првото полувреме правејќи предност од четири гола на полувремето, но тимот на Велимир Петковиќ успеа да се врати и да дојде до водство со 26:25 пред во последниот германски напад Патрик Цикер да постигне прекрасен гол со цепелин за 30:29. Русија го имаше последниот напад, но не успеа да избори реми.

Цикер, Јоханес Битер и Тобијас Рајхман имаа по пет гола за Германија, а Сергеј Косоротов со осум гола беше најдобар во рускиот тим.

Сенегал стигна до 2:0 победа над аутсајдерите Кабо Верде (Зелено’ртски Острови) за да се пласира во четврт-финалето на Африканскиот куп на нации во уште еден контроверзен меч на континенталното натпреварување.

Кабо Верде останаа со играч помалку по само 21. минута игра, кога Андраде доби црвен картон, но фаворизираните Сенегалци не успеаја да дојдат во предност. Клучниот и најконтроверзниот момент се случи во 67. минута, кога Садио Мане беше во шанса пред голот на противниците, а голманот Жозе Возиња излезе од шестнаесетникот и следуваше страшен удар со главите меѓу двајцата фудбалери.

Возиња беше очигледно дезориентиран од ударот, и се расправаше со своите соиграчи и со лекарскиот тим, но алжирскиот судија Бенбрахам Лалу, реши да му додели црвен картон, оставајќи ги Кабо Верде со девет играчи на теренот. Мане, и покрај ударот, остана на теренот и во 63. минута го постигна водечкиот гол за Сенегал, но очигледно не можеше да продолжи и седум минути подоцна беше повлечен од игра. Младиот напаѓач на Олимпик Марсеј, Бамба Диенг во 92. минута ја искористи предноста на Сенегал да постигне уште еден гол за сигурен пат во четврт-финале.

ОСМИНАФИНАЛЕ, АФЦОН 2022

Сенегал – Кабо Верде 2:0

ЧЕТВРТ-ФИНАЛЕ, АФЦОН 2022

Буркина Фасо – Тунис

Гамбија – Камерун

Сенегал – Мали/Екваторска Гвинеја

Брег на Слонова Коска/Египет – Мароко/Малави

Sadio Mane mister bevisstheten der noen sekunder. Ikke bra han fortsetter å spille. Håper dette går bra og at han får hvile. Må jo være en hjernerystelse her. #AFCON pic.twitter.com/sb0UkxagX6

— Mads Kalvik Hegstad (@KalvikMads) January 25, 2022

Deuxième but de Sadio Mane dans la #TotalEnergiesAFCON2021 #TeamSenegal 1-0 #TeamCapeVerde #SENCPV pic.twitter.com/2PgmEjTTwt

— Galsenfoot.com 🦁🇸🇳 (@Galsenfootsn) January 25, 2022

Страшен судир со глави на Садио Мане со голманот Возиња!