Спорт
Артета демантира дека е заинтересиран за Ајван Тони
Менаџерот на Арсенал, Микел Артета изјави дека тимот не игра според очекувањата пред противничкиот гол, но дека клубот не планира да донесе напаѓач во јануарскиот преоден рок.
„Постојат различни начини за постигнување голови и постигнуваме голови. Но, требаше да постигнеме многу повеќе од шансите што ги создадовме“, изјави Артета, а пренесува „Скај спорт“.
Арсенал оваа сезона постигна 11 гола на шест натпревари во Премиер лигата и се наоѓа на петтото место на табелата со 14 бодови, четири помалку од лидерот Манчестер сити.
Се шпекулираше дека Артета е заинтересиран да го доведе Ајван Тони во зимскиот преоден рок, кога на играчот од Брентфорд ќе му истече суспензијата.
„Воопшто не размислуваме за тоа. Имаме навистина добри играчи во нападот. Вистина е дека сега имаме проблеми со повреди. Ќе продолжиме со играчите кои ги имаме“.
Foto/ EPA
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Димитирјевиќ замина од УНИКС, следна станица Милано
Македонскиот кошаркар Ненад Димитријевиќ по две години го напушти УНИКС, соопшти рускиот клуб.
Како што соопшти клубот од Казан, 26-годишниот репрезентативец на Македонија е слободен да избере каде ќе ја продолжи кариерата.
Во претходните две сезони Димитријевиќ беше најдобар играч на клубот и во ВТБ лигата. Тој одигра вкупно 50 натпревари во ВТБ лигата со просек од 18,6 поени, 3,6 скока и 1,2 украдени топки на 30 минути игра.
Италијанските медиуми објавија дека Димитријевиќ веќе има договор со челниците на Олимпија и дека до крајот на неделата ќе стане член на клубот од Милано.
Спорт
(Видео) Австрија пресилна за Полска – Прв триумф за Австрија, втор пораз за Полска на ЕП
Австрија ја победи Полска со 3:1, во Д групата на Европското првенство во Германија. Австријците со оваа победа се доближија до осминафиналето, додека на Полска ќе и треба чудо во последното коло за да избори место во нокаут фазата.
Австрија во овој момент е посилна селекција од Полска и тоа го покажа на терент на Олимпискиот стадион во Берлин.
Траунер го постигна првиот гол во деветтата минута, но Полјаците успеаја да изедначат преку Пјонтек по половина час игра.
Конечниот удар Австријците го зададоа во втората половина од второто полувреме. Баумгартнер во 66.минута со гол ја заврши одличната тимска акција,а 12 минути подоцна Сабицер избори пенал. Сигурен реализитор беше Арнаутовиќ.
Во последното коло Австрија ќе игра против Холандија, а Полска против Франција.
Спорт
Легендарниот фудбалер Фалкао има нов клуб
Иако е во доцните играчки години, Радамел Фалкао не планира да застане.
Откако му истече договорот со Рајо Валјекано, се огласи и неговиот нов клуб.
Тоа е – Милионариос.
И сето тоа 23 години откако го напушти овој клуб како 15-годишник.
Фалкао зад себе има импресивна кариера, играше за Ривер, Порто, Атлетико Мадрид, Монако, Манчестер Јунајтед, Челзи, Галатасарај и Рајо.
За Колумбија, за која уште настапува, одигра 104 натпревари и постигна 36 голови.