Секогаш кога Златан Ибрахимовиќ ќе има интервју, има мал милион на извадоци кои можат да се направат наслов. Така и последното интервју со шведската „Дискавери“, за кое зборуваше зошто (оригиналниот) Роналдо е најдобриот на сите времиња и зошто не му се допаѓа НБА „кралот“ Леброн Џејмс.

„Секогаш им велам на тие со кои играм – Роналдо е фудбал. Тој Роналдо е поим за фудбалот. Начинот на кој се движеше, на кој ја прескокнуваше топката, тие неверојатни истрчувања. Според мене, нема подобар играч во историјата. Тука нема сомнеж“, вели Ибрахимовиќ.

Но, не сите спортски херои му се по вкусот на Швеѓанецот.

„Тоа што го прави Леброн Џејмс е феноменално, но не ми се допаѓа кога луѓето со одреден ‘статус’ решаваат да зборуваат за политика. Прави го тоа во што си добар. Играм фудбал бидејќи сум најдобар во тоа. Да бев политичар, ќе терав политика. Тоа е првата грешка што ја прават славните луѓе кога ќе станат славни. Подобро е да се држиш на страна од другите работи и да го правиш тоа во што си добар“, објаснува Златан.

Арсенал на „домашен“ терен во Атина со гол во 89. минута стигна до возбудлива 3:2 победа над Бенфика за да се пласира во осминафиналето на Европа, откако на првиот меч беше 1:1. Наполи, пак, не успеа да ја елиминира предноста на Гранада и покрај 2:1 победата (на гости беше 0:2 за шпанскиот клуб).

Без проблеми во осминафиналето влегоа Ајакс, Шахтјор и Вилјареал, додека норвешкиот Молде сензационалн победи со 1:0 кај Хофенхајм и го елиминираше бундеслигашот.

Арсенал први дојдоа до посакуваната предност во 21. минута преку капитенот Пјер-Емерик Обамејанг, но Диого Гонсалвес во финишот на првото полувреме израмни со спектакуларен гол од слободен удар. Обамејанг даде уште еден гол, кој беше поништен поради офсајд, пред Дани Себалјос во 61. минута да направи катастрофална грешка и да му ја подари топката на Рафа Силва кој го совлада Лено за 1:2. Киеран Тирни во 67. минута израмни на 2:2 и кога беше најпотребно во 89. минута, Обамејанг повторно „удри“ за 3:2 победа.

На „Диего Армандо Марадона“ во Неапол, Наполи бркаше 0:2 негатива од Гранада и започна одлично, откако Пјотр Зиелински постигна гол по само три минути игра. Гранада, сепак, успеа да израмни на 1:1 по 25 минути преку Монторо, а Наполи се врати во водство преку Фабијан Руиз во 59. минута, но примениот гол значеше дека Наполи треба да даде уште два гола.

ЛИГА ЕВРОПА, 1/16 ФИНАЛЕ, 2.МЕЧ

Ајакс – Лил 2:1, прв натпревар 2:1, вкупно 4:2

Арсенал – Бенфика 3:2, прв натпревар 1:1, вкупно 4:3

Хофенхајм – Молде 0:1, прв натпревар 3:3, вкупно 3:4

Наполи – Гранада 2:1, прв натпревар 0:2, вкупно 2:3

Ренџерс – Антверпен 5:2, прв натпревар 4:3, вкупно 7:5

Шахтјор Доњецк – Макаби Тел Авив 1:0, прв натпревар 2:0, вкупно 3:0

Вилјареал – Ред Бул Салцбург 2:1, прв натпревар 2:0, вкупно 4:1

АРСЕНАЛ – БЕНФИКА

НАПОЛИ – ГРАНАДА

РЕНЏЕРС – АНТВЕРПЕН

АЈАКС – ЛИЛ

ХОФЕНХАЈМ – МОЛДЕ

ВИЛЈАРЕАЛ – САЛЦБУРГ

ШАХТЈОР – МАКАБИ

Етичкиот суд на ФИФА ја затвори истрагата за корупција против германската фудбалска легенда Франц Бекенбауер откако предметот застари, потврдија од светската куќа на фудбалот.

Бекенбауер како лидер на успешната кандидатура на Германија за СП во 2006 година уште во 2016 година беше обвинет дека му исплатиле 10 милиони швајцарски франци на Мохамед бин Хамам од Катар за гласови за изборот. Покрај Бекенбауер, ослободени од обвиненијата се и Тео Цванцигер и Хорст Шмит.

Швајцарските федерални обвинители исто така го истражуваа случајот, но судењето колабира минатиот април исто така поради застарување на делото. Бекенбауер не беше обвинет таму поради здравствени причини.

75-годишниот Бекенбауер стана првиот фудбалер што како капитен и селектор освои титула од Светското првенство предводејќи ја Западна Германија до титулата во 1974, пред во 1990 да ја освои титулата како селектор на обединета Германија.