Спорт
Јаја Туре ја почна тренерската кариера во Украина
Поранешниот ас на Манчестер јунајтед и Барселона, Јаја Туре е нов помошник тренер во украинскиот прволигаш Олимпик Доњецк, враќајќи се во градот каде што ја почна својата професионална кариера во 2003 година.
37-годишниот поранешен репрезентативец на Брегот на Слоновата Коска, живееше во Англија, каде што ги добиваше тренерските „беџови“ за сега да биде помошник-тренер во тимот кој е седми во лигата.
„Ја почнав мојата професионална кариера во Доњецк, а сега почнувам како тренер тука. Секако, сфаќам дека Олимпик не е Металург, но се сеќавам како ме пречекаа луѓето тука и уште сум импресиониран од тоа. Не е лесно да најдеш место каде што ќе можеш да учиш без непотребен притисок и каде што ќе бидеш прифатен како пријател“, вели Туре.
Туре потпиша за Металург Доњецк во декември 2003 година и помина таму една и пол година, пред да замине во 2005 за Олимпијакос. Потоа, тој беше ѕвезда во Барселона и најмногу во Манчестер сити, со кои освои три титули од Премиер лигата. Последен ангажман на Туре беше кинескиот Кингдао Хуангхаи, каде што си замина во јануари 2020 откако помогна да влезат во првата лига. Металург Доњецк, пак, сега е непостоечки клуб, бидејќи во јануари 2015 банкротираше.
It’s great to back in the Ukraine to continue by coaching journey! ??
Thank you to Olympic Donetsk for the wonderful welcome.
I’m looking forward to passing on my knowledge, helping the team and also continuing my learning here. pic.twitter.com/aLNVHZuHcL
— Yaya Touré (@YayaToure) February 10, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Сити за полувреме го реши Брајтон
Фудбалерите на Манчестер Сити убедливo славеа на гостувањето кај Брајтон со 4:0 (3:0) во натпревар од 29. коло на англиската Премиер лига.
Актуелните шампиони сите дилеми околу победникот ги решија во првото полувреме и тоа во интервал од 17 минути кога постигнаа три гола.
Кевин де Брујне го постигна првиот гол во кариерата со глава во 17. минута, по центаршутот на Кајл Вокер.
Потоа два гола постигна Фил Фоден во 26. и 34. минута, првиот од слободен удар со малку среќа, а вториот по груба грешка на одбраната на домаќините.
Хулијан Алварез во 62. минута ги постави конечните 4:0.
Избраниците на Пеп Гвардиола се втори на табелата, го прескокнаа Ливерпул, а имаа бод и натпревар помалку од лидерот Арсенал.
Спорт
(Видео) Димитријевиќ МВП на ВТБ лигата
Кошаркарот на Уникс, Ненад Димитријевиќ е прогласен за најкорисен играч на регуларниот дел сезоната на руската ВТБ лига.
Уникс прв заврши во лигата, првпат во историјата, а Македонецот беше еден од најзаслужните за ваков успех.
Сезонава Димитријевиќ имаше просек од 19 поени по натпревар со 6,6 асистенции, 3,6 скока и 1,3 украдени топки.
Во минатогодишното финале на ВТБ лигата неговиот тим ја совлада Локомотива (4:1), а Димитиријевиќ беше прогласен за МВП на финалната серија.
Сезонава во решавачкиот меч за првото место во регуларниот дел против ЦСКА Москва забележа рекордни 40 поени со девет асистенции.
„За мене е голема чест да ја добијам наградата МВП за регуларниот дел од сезоната на ВТБ лигата 2023/24“, изјави Димитријевиќ и додаде:
„Оваа година победивме во многу возбудливи натпревари и славевме во регуларниот дел од сезоната. Мислам дека ова е резултат на напорната работа на целиот тим. Би сакал да им се заблагодарам на ВТБ лигата, на мојот тим Уникс, на стручниот штаб на чело од Велимир Перасовиќ, медицинскиот штаб и нашите верни навивачи. Најголема благодарност до моите соиграчи, кои ми помогнаа да станам подобар играч.“
Спорт
Адријан Њуи ќе го напушти Ред Бул
Главниот директор за дизајн на Ред Бул, Адријан Њуи, треба да го напушти тимот по контроверзата, која вклучува обвинувања против шефот на тимот Кристијан Хорнер.
Њуи, кој важи за најдобар дизајнер во историјата на Формула 1, одлуката да го напушти тимот им ја сооптшил челниците на Ред Бул, објави денеска Би-би-си.
Адријан Њуи е вознемирен од ситуацијата во Ред Бул, откако Хорнер беше обвинет за сексуално вознемирување и насилно однесување кон колешка. Хорнер ги негираше обвинувањата, а тимот по спроведена интерна истрага ги отфрли обвинувањата против Хорнер и жената ја суспендираше од работа.
Тој има договор со Ред Бул до крајот на следната сезона, а претходно беше поврзуван со преселба во Ферари.