Спорт
Атланта го прекина победничкиот чекор на Денвер, ЛА Лејкерс подобар од Милвоки
Кошаркарите на Атланта Хокс го совладаа Денвер Нагетс со 117:109 и го прекинаа победничкиот чекор на гостите. На Денвер не му помогна ниту добрата игра на Никола Јокиќ со 24 поени (10/15 од поле, 3/6 за тројки, 1/4 слободни фрлања), 10 скока и осум асистенции. Тој беше блиску до нов трипл-дабл ефект но неговата игра не беше доволна за Нагетс да ја забележат петтата последовна победа во НБА лигата.
Во редовите на победничкиот тим најдобар беше Дижонте Мареј со 34 поени и осум асистенции или Еј Џеј Грифин со 24 поени. Клинт Капела забележа дабл-дабл, 12 поени и 11 асистенции.
Лос Анџелес Лејкерс го победи Милвоки на гости со 129:133. Блескаше Ентони Дејвис со 44 поени и 10 скока, а Јанис Адетокумбо кај Милвоки постигна 40 кошеви.
Мајами Хит по продолжение во „ТД Гарден“ го совлада Бостон Селтикс со 116:120. Бем Адебајо со 28 поени и Тајлер Хироу со 26 поени беа најзаслужни за триумфот на „жешките“. Џејлен Браун од Бостон со 37 поени беше најефикасен на мечот.
Феникс, кој е првопласиран на Западот, загуби дома од Хјустон со 121:122. Џелен Грин уфрли 30 поени за победничкиот тим, а на Феникс не му помогна ниту Девин Букер кој беше расположен и постигна 41 поен.
НБА, резултати: Шарлот – Вашингтон 117:116, Атланта – Денвер 117:109, Бостон – Мајами 116:120, Бруклин – Торонто 114:105, Кливленд – Орландо 107:96, Миволки – ЛА Лејкерс 129:133, Мемфис – Филаделфија 117:109, Сан Антонио – Њу Орлеанс 99:117, Феникс – Хјустон 121:122, Јута – Индијана 139:119, Голден Стејт – Чикаго 119:111.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Ѓоковиќ играше тенис на Кинескиот ѕид
Новак Ѓоковиќ одигра рекреативен меч на Кинескиот ѕид. Ѓоковиќ пристигна во Кина каде од следната недела ќе игра на Мастерсот во Шангај.
Локалните медиуми јавуваат дека Ѓоковиќ бил дел од настапот на Кинескиот ѕид како дел од промоцијата на брендот „Лакост“, чиј заштитно лице е. Во текот на денот Ѓоковиќ им се обрати на навивачите во Кина.
Nole playing tennis on the Great Wall of China 😍pic.twitter.com/Ttf9cF44IN
— ᖴᖇᗩᑎI (@frani2312) September 29, 2024
„По пет години сум во Кина, ми недостигавте. Многу, многу ми е жал што не се видовме на аеродром, ме однесоа на спореден излез, но се надевам дека ќе видам многу од вас или во Пекинг или во Шангај. Многу сум возбуден што сум овде во Кина, пред се поради вас кои ми пруживте неверојатна љубов сите овие години“, изјави Ѓоковиќ.
Мастерсот во Шангај ќе се игра од 2 до 13 октомври.
yibo couldn’t stop smiling when novak djokovic said that his match with him is the most unforgettable and he kept praising him 🥹🥹🫶🏻 pic.twitter.com/7nTmSH7NUA
— rach (@ybaizhan) September 29, 2024
Спорт
(Видео) Тотенхем убедлив против Манчестер јунајтед на „Олд Трафорд“
Тотенехем убедливо го победи Манчестер јунајтед со 3:0 во претпоследниот натпревар од шестото коло во Премиер лигата. На „Олд Трафорд“, Тотенхем славеше со головите на Џонсон во првото и Кулушевски и Соланке во второто полувреме. Манчестер јунајтед од 42.минута играше со фудбалер помалку, директен црвен картон поради старт врз Медисон доби капитенот Бруно Фернандеш. Тотенхем по шест кола има десет, а Јунајтед седум бода.
Спорт
Гвардиола во Италија ја најде замената за Родри
Тренерот на Манчестер сити Пеп Гвардиола потврди дека сезоната е завршена за Родри (28). Фантастичниот играч за врска и еден од најдобрите фудбалери во светот ги скина предните вкрстени лигаменти на десното колено на премиерлигашкиот натпревар против Арсенал (2:2) одигран на 22 септември.
„Гардијан“ пишува дека Сити размислува да го доведе Самуеле Ричи (23) од Торино како замена за Родри. Станува збор за Италијанец способен да игра на неколку позиции во средниот ред.
Ричи е меѓу најголемите желби на Сити за зимскиот преоден рок. За да го доведат сопствениците на Манчестер сити ќе треба да платат околу 36 милиони евра, пишува „Гардијан“.