Спорт
Швајцарија ги искористи сите „дупки“ во одбраната на Србија за осминафинале, Камерун прв го победи Бразил!

Светското првенство во Катар ги доби сите 16 осминафиналисти, откако Швајцарија го „визираше“ последното место со 3:2 победа над Србија во одлучувачкиот меч за да го запечати второто место во групата Г зад Бразил, кои загубија од Камерун со примен гол во 91. минута. Швајцарците сега ќе се судрат со Португалија во осминафиналето, додека Бразил ќе ја пречека Јужна Кореја.
Дуелот помеѓу Швајцарција и Србија предизвикуваше огромно внимание, не само поради тоа што се работи за меч за пласман во осминафинале на еден Мундијал, по бурниот меч од СП во Русија во 2018 со политичка позадина, но како и тогаш, на крајот Швајцарците се радуваа откако нивните напаѓачи фантастично ги искористија сите грешки во одбраната на Србите.
Џердан Шаќири, исто како во 2018 година, постигна гол против Србија, отварајќи го резултатот во 20. минута од мечот, но Србија најави дека има доволно моќ во нападот за пресврт – Александар Митровиќ во 26.минута постигна прекрасен гол за глава, за девет минути подоцна, Душан Влаховиќ да донесе 2:1 водство за „орлите“. Меѓутоа, во 44. минута од мечот, користејќи една од многуте грешки на Србија во одбраната, Бри Емболо го постигна својот втор гол за 2:2. Наместо во второто полувреме Србија да тргне по гол кој ќе им обезбедеше место во осминафинае, тие дозволија фудбалерот на Нотингем форест, Ремо Фројлер во 48. минута да донесе водство за Швајцарција. Ова водство тие го задржаа до крајот на мечот за голем успех на нивната репрезентација. Србија во финишот не успеа да стигне до некој импулс да се тргне офанзивно во потрага по два гола.
Бразил, пак, во меч кој не значеше многу за нив, го доживеа првиот пораз на Мундијалот, откако Винсен Абубакар во 91. минута постигна гол, по што иронично доби и втор жолт картон за прославата.
Графика: Sofascorе за Топспорт.мк
(function (el) {
window.addEventListener(“message”, (event) => {
if (event.origin.startsWith(“https://www.sofascore”)) {
if (el.id === event.data.id) {
el.style.height = event.data.height + “px”;
}
}
});
})(document.getElementById(“sofa-standings-embed-3960-41087”));
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Челси со мега-понуда од 105 милиони фунти за Фернандез, Бенфика подготвена за договор

Тренерот на Бенфика, Германецот Роџер Шмит признава дека клубот нема да може да го заддржо Енцо Фернандез во тимот ако Челси ја плати откупната клаузула, откако „сините“ според „Телеграф“ дале понуда од 105 милиони фунти, што би било најголем британски трансфер во историјата.
Ако овие вести се покажат како вистинити, тоа значи дека Челси во последните два преодни рока ќе потроши над 500 милиони фунти, но исто така дека се очајни да се склучи договор за 22-годишниот Аргентинец, кој беше прогласен за најдобар млад фудбалер на СП во Катар. Претходно, Бенфика одби прва понуда од 75 милиони фунти и втора понуда од 112 милиони фунти, но на три рати.
„Додека е отворен преодниот рок, ние сме подготвени. Сите знаеме за ситуацијата со Енцо, тој има откупна клаузула и ако клуб ја плати, тоа се многу пари и не можеме да го спречиме. Ќе бараме друго решени“, изјави Шмит за „А бола“.
Според „Телеграф“, луѓето на Челси утре ќе се сретнат со официјалните претставници на Бенфика во Лисабон во обид да го комплетираат договрот.
Спорт
Објаснување за казната на Јувентус: Сериозен прекршок кој траел предолго

Апелациониот суд на Италијанската фудбалска федерација (ФИГЦ) ги објави причините поради кои Јувентус доби казна од 15 поени во случајот со лажно пријавување на вредноста на трансферите.
„Бјанконерите“ беа казнети, а повеќе нивни сегашни и поранешни директори добија суспензии за вештачко зголемување на вредноста на трансферите на фудбалерите, за така да можат да пријават поголем приход. Јуве беа прво ослободени во спортскиот случај, пред обвинителот на ФИГЦ да побара второ судење по појавувањето на нови документи од страна на Јавното обвинителство.
„Клубот направил спортски дисциплински прекршок, а казната е таква поради сериозноста и долготрајноста на тие прекршоци. Доказот за вина е осигуран преку документација на клупските директори, сведочењето на играчите и од дополнителни докази кои покажуваат прикривање и манипулација на потврдите од клубот“, се вели во одлуката на ФИГЦ.
Сега, Јувентус ќе можат да се жалат на одлуката пред Италијанскиот олимписки комитет (ЦОНИ), но им се заканува и дополнителна казна од Јавниот обвинител во Торино.
Juventus, le motivazioni della sentenza sulle plusvalenze: "Illecito grave, ripetuto e prolungato" https://t.co/OUSi1pEdJD
— TUTTOmercatoWEB (@TuttoMercatoWeb) January 30, 2023
Спорт
Надал му честиташе на Ѓоковиќ за израмнувањето на неговиот рекорд: Уживај, Ноле!

Рафаел Надал му честиташе на својот вечен ривал, Новак Ѓоковиќ преку Инстаграм, откако Србинот се израмни со неговите 22 гренд слем титули по победата на Австралија опен.
„Неверојатно остварување, Ноле, многу честитки до тебе и до твојот тим. Сосема заслужено. Уживај, Ноле!“, напиша Шпанецот.
Рекордот по бројот на освоени гренд слем титули во сингл уште останува кај Австралијката Маргарет Корт, која има 24 гренд слем титули, а повеќе од Ѓоковиќ и Надал има и Серена Вилијамс со 23 титули.
Надал беше актуелен шампион во Мелбурн и прв носител, но загуби во второто коло од Американецот Мекензи Мекдналд, по што потврди дека ќе паузира најмалку два месеци поради повреда на колкот. Двајцата тениски великани ќе се судрат на Ролан Гарос во мај за поставување на нов рекорд.