Спорт
Атлетико го потврди доаѓањето на Муса Дембеле

Атлетико Мадрид го комплетираа трансферот на Муса Дембеле од Лион носејќи го францускиот напаѓач во шпанската престолнина со заем со опција за купување.
Атлетико ќе плати 1,5 милион евра за заемот на Дембеле, а на крајот на сезоната ќе може да го купи за 33,5 милиони евра, со потенцијални 5 милиони евра бонуси откако тој постигна повеќе од 20 гола во двете полни сезони со Лион, каде што пристигна од Селтик во 2018 за 20 милиони фунти.
Оваа сезона тој има само еден гол во 16 настапи, а на „Ванда Метрополитано“ ќе го замени Диего Коста, кој го раскина договорот со клубот. Лион, пак, најверојатно, ќе го добије Ислам Слимани од Лестер откако тој претходно во минатите сезони им беше позајмен на Њукасл, Фенербахче и на Монако.
🔴⚪ ¡ #BienvenidoDembélé !
Acuerdo con el Olympique Lyonnais para la cesión de @MDembele_10 para lo que resta de temporada.
🏧 #AúpaAtleti pic.twitter.com/Hau4fRlhLl
— Atlético de Madrid (@Atleti) January 13, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Маја Веуг е првата жена во академијата на Ферари

Тинејџерката Маја Веуг е првата жена која се приклучува на Возачката академија на Ферари, откако победи во иницијативата на ФИА за пронаоѓање на новиот возачки талент помеѓу 12 и 16 години.
16-годишната Холанѓанка/Белгијка во 2021 година ќе вози во Формула 4 со целосна поддршка на Ферари, откако беше избрана од 20 кандидатки по тридневниот картинг-камп на патеката Пол Рикар во Франција.
Веуг, која живее во Шпанија, го дели истото потекло како Макс Ферстапен – нејзиниот татко е Холанѓанец, а нејзината мајка Белгијка.
„Немам зборови за да го опишам тоа што го чувствувам, бидејќи ова беше мојот сон од времето кога почнав со картинг. Вистинска чест е да се биде дел од Академијата на Ферари и се надевам дека ќе ги направам горди“, изјави Веуг.
Преку Академијата на Ферари (ФДА) претходно поминаа повеќе Формула 1 возачи, како Шарл Леклер, Ленс Строл, Антонио Џовинаци, Мик Шумахер и покојниот Жил Бјанки.
Спорт
Мареј дефинитивно не игра во Австралија

Петкратниот финалист на турнирот, Енди Мареј потврди дека нема да учествува на Австралија опен, откако не успеал да изделува „функционален карантин“ со Австралиската тениска федерација по позитивниот тест на КОВИД-19.
Трикратниот гренд слем шампион не можеше да отпатува со остатокот од тенисерите минатата недела откако беше позитивен на вирусот, но се надеваше дека ќе се договори со федерацијата за подоцнежно пристигнување.
„За жал нема да летам за Австралија за да настапувам на Австралија опен. Постојано бев во контакт со Австралиската тениска федерација за да се најде решение кое ќе дозволи функционален карантин, но не успеав во тоа“, вели Мареј.
Во моментов 72 тенисери се во „цврст“ карантин во Мелбурн и мораат да се изолираат во своите хотелски соби 14 дена по позитивните тестови на трите чартер лета за Австралија. Тие кои не беа во овие авиони смеат да одат на тренинзи пет часа дневно, но и тие мораат да останат во своите соби. Австралија опен треба да почне на 8 февруари.
Спорт
Трет спуст во низа за Гоџија, Фојц, конечно, го освои Кицбил

Италијанката Софија Гоџија ја продолжи својата неверојатна серија во спустот, победувајќи во трета последователна трка, нешто што последен пат и успеа на Американката Линдзи вон пред три години.
Гоџија за 0.20 секунди беше побрза од Чехинката Естер Ледецка, додека третото место го освои американското изненадување, Бризи Џонсон на тешка патека по големите врнежи на снег во Швајцарските Алпи. Утре на програмата е уште еден спуст.
Швајцарскиот ветеран, Беат Фојц, пак, триумфираше на легендарнит спуст на патеката Штрајф во Кицбил првпат во кариерата, откако дури четири пати претходно имаше пласман на второто место.
Во маратонска трка во која беа потребни три часа 30 скијачи да ја завршат трката, по што преостанатите 25 скијачи не добија шанси да ја започнат легендарната трка. Фојц беше за 0.16 секунди побрз од Австриецот Матијас Маер, додека трет со половина секунда послабо време беше Италијанецот Доминик Парис.
SUPER SOFI: IN DISCESA NON CE N'È PER NESSUNO ⚡🇮🇹
A Crans Montana @goggiasofia centra la decima vittoria in Coppa del Mondo e la 3^ consecutiva in discesa libera: è la prima azzurra a riuscirci 🇨🇭🥇⛷️#Goggia | #FISAlpine| #EurosportSCI pic.twitter.com/AuDfDE75i6
— Eurosport IT (@Eurosport_IT) January 22, 2021
"Beat Feuz is absolutely flying!" 🙌
Could this be the Swiss ski star's first win of the season? 🇨🇭
⛷ #FISAlpine
📺 Eurosport 1
💻📱 Ad-free coverage: https://t.co/t46qrmesyT pic.twitter.com/sUObhK2o8U— Eurosport UK (@Eurosport_UK) January 22, 2021
- Книги1 месец
Македонски лекар ја објави последната исповед на Јосип Броз Тито
- Македонија3 месеци
Излезе од затвор Панче Ангелов, напаѓачот на Шекеринска од 27 април
- Македонија2 месеци
МЖСПП: Мечкиното грозје важен ресурс, кој треба грижливо да го собираме
- Црна хроника2 месеци
Млада девојка од Штип пронајдена мртва во нејзиниот дом
- Економија3 месеци
(Видео) Младите од Струмичко порачуваат – ако не проработи рударскиот комплекс, ќе се иселиме сите
- Македонија1 месец
(Видео) Отстранети два нелегално изградени објекта во општина Центар
- Спорт3 месеци
Гетџи: По мечот со Хабиб, мојата мајка конечно ќе може да се пензионира
- Македонија4 недели
Возачот на „бентлито“ што „влета“ на плоштад казнет со 45 евра, објавена фотографија од записникот