Спорт
Атлетико го растури Реал, четири гола и црвен картон за Диего Коста (Видео)

Атлетико Мадрид, во Ест Ратефорд во државата Њу Џерси, го декласира градскиот ривал Реал со 7:3 (5:0). Клучен човек во демолирањето на „кралскиот клуб“ беше Диего Коста кој постигна четири гола, а потоа беше исклучен заедно со Дани Карвахал поради неспортско однесување.
Новиот Атлетико на Диего Симеоне во натпреварот одигран во рамките на Меѓународниот Куп на шампионите го понижи Реал. Успеаја „јорганџиите“ да сместат седум топки во мрежата на „кралскиот клуб“, а според шансите што ги имаа можа да постигнат уште најмалку пет гола.
Многу сериозно Атлетико влегоа во натпреварот, за разлика од ривалите во бело, кои делуваа како рекреативен тим. Во првата минута Диего Коста го отвори резултатот по асистенцијата на Жоао Феликс. Само седум минути подоцна Португалецот за кого Атлетико платија 126 милиони евра го постигна својот деби гола за „јорганџиите“ и зголеми на 2:0.
Во 13 минута резултатот беше 3:0, голот го постигна Анхел Кореа, а во 28 и 45 минути Диего Коста го комплетираше хет-трикот. Покрај головите Атлетико имаа уште три големи шанси за постигнување на гол. Монотонијата кај Реал ја растури Винисиус Жуниор кога во средишницата на полувремето го погоди дирекот.
На почетокот на вториот дел Диего Коста го постигна својот четврти гол, а шести за Атлетико. Првиот гол за Реал е дело на Начо во 59 минута, а веднаш потоа тренерите извршија голем број на измени.
Витоло во спринт мина речиси 60 метри и го постигна седмиот гол за Атлетико, а во самиот финиш, во последните пет минути Бензема и Санчез го посравија конечниот резултат.
Во 65 минута црвени картони добија Диего Коста и Дани Карвахал. Десниот бек на Реал грубо стартуваше врз Лемар, Диего Коста тргна да го брани соиграчот па го закачи Карвахал по нозете. Настана мешаница на теренот, а главниот судија ги исклучи споменатите двајца играчи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Познати се сите учесници во Лигата на шампионите – Ждрепката е во четврток

По последните квалификациски натпревари, познати се сите учесници на 71-то издание на Лигата на шампионите. Наградниот фонд за Лигата на шампионите оваа сезона е 3,317 милијарди евра.
Следната сезона 2025/26 ќе биде втора по ред во новиот формат со 36 екипи, при што секој од нив ќе игра најмалку осум натпревари.
Сите екипи ќе бидат поделени во четири шешири од по девет екипи, а ждрепката ќе се одржи во четврток во 18:00 часот во Монте Карло.
Прв шешир: Пари Сен Жермен, Реал Мадрид, Манчестер сити, Баерн Минхен, Ливерпул, Интер, Челзи, Борусија Дортмунд, Барселона
Втор шешир: Арсенал, Баер Леверкузен, Атлетико Мадрид, Бенфика, Аталанта, Виљареал, Јувентус, Ајнтрахт, Клуб Бриж
Трет шешир: Тотенхем, ПСВ, Ајакс, Наполи, Спортинг Лисабон, Олимпијакос, Славија Прага, Боде/Глимт, Олимпик Марсеј
Четврти шешир: Копенхаген, Монако, Галатасарај, Унион Сен Жилоа, Карабаг, Атлетик Билбао, Њукасл, Пафос, Каират
Првото коло ќе се одигра на 16 и 17 септември, додека финалето е закажано за 30 мај во Будимпешта.
Спорт
(Видео) Клуб од Четвртата лига го елиминира Манчестер јунајтед од Лига купот

Членот на Лига 2 (четврти ранг на англискиот фудбал) Гримзби го елиминира Манчестер јунајтед во второто коло, во Лига купот. Гримзби, клуб основан пред 147 години, победи на пенали со 12:11. Натпреварот во регуларното време заврши 2:2 (2:0).
Дека на „Бландел Парк“ може да се случи една од најголемите сензации во историјата на англискиот фудбал, можеше да се насети во првото полувреме, кое Јунајтед од апсолутниот аутсајдер го загуби со 2:0.
Првиот гол го постигна Вернам во 22-та минута, а Ворен го дуплираше водството на Гримзби по половина час игра.
Манчестер јунајтед се врати во живот во последните 15 минути, со головите на Брајан Ембумо во 75-та и Хари Магваер во 89-та минута.
Бидејќи немаше победник во 90 минути се шутираа пенали. Таму се случуваше вистинска драма, се шутираа 13 серии, а трагичари беа играчите за кои Јунајтед летово издвои речиси 150 милиони евра.
Матеус Куња не успе да ја заврши работата во петтата серија кога резултатот беше 4:4, а Ембумо ја погоди гредата во 13 серија.
Фото/ Принтскрин
Спорт
(Видео) Бенфика го испрати Мурињо во Лига Европа, Бриж ги растури Глазгов Ренџерс

Бенфика, Клуб Бриж и Копенхаген ја комплетираа листата на учесници во главнаѕа фаза, во Лигата на шампионите.
Во најпривлечнит натпревар, Бенфика со 1:0 го победи Фенербахче. Жозе Мурињо и втора сезона по ред не успева со Фенер да дојде до Лигата на шампионите. По 0:0 во Истанбул, Бенфика подобро влезе во реваншот, ВАР им поништи два гола, а во 35.минута Актуркоглу го постигна единствениот гол.
Најдобрата шанса за Фенер ја имаше Ен Несири во вториот дел кога ја погоди гредата.
Копенхаген со 2:0 забележа победа над Базел и со вкпни 3:1 се пласира во ЛШ. Двата гола беа постигнати во вториот дел. Корнелиус погоди веднаш на стартото од второто полувреме, а во 84.минута точка на мечот стави Мукоко.
Клуб Бриж со 6:0 го декласира Глазгов Рензерс и со вкупни 9:1 го мина плеј-офот. Гостите од осмата минута играа со играч помалку. Аронс доби црвен картон. Бриж во првиот дел постигна пет гола и уште еден во вториот.
Foto/ EPA/RODRIGO ANTUNES