Спорт
Атлетико има срце, сѐ друго е на страната на Ливерпул
Елитниот европски фудбал се враќа по паузата од два месеца. Европскиот шампион Ливерпул се враќа на местото каде што лани ја освои титулата, на „Ванда Метрополитано“ во Мадрид.
Атлетико и Ливерпул во различно расположение влегуваат во првиот осминафинален меч. Ливерпул е доминанта сила, без конкуренција во Премиер лигата, и веројатно во моментот е најдобриот тим во светот.
Од друга страна, Атлетико игра по системот топло-ладно, има една победа на последните три натпревари во Ла Лига, каде што е 13 бода зад лидерот Реал, а во Купот испадна од екипа од третата лига.
„Ќе биде тежок меч, но сите дуели во Лигата на шампионите се такви. Доколку го спроведеме на дело она што од нас ќе го побара тренерот, тогаш можеме да поминеме. Најважно е да играме со срце. Навивачите ќе бидат со нас, тие ќе го извлечат најдоброто од нас“, изјави повратникот во Атлетико, Јаник Караско.
„Ако некој тим знае да одигра на резултат, тогаш тоа е Атлетико. Многу го почитувам Симеоне, се обидува на сите начини да дојде до позитивен резултат. Ние двајца имаме слични приказни. Многу се трудевме и не победувавме, но и понатаму се трудиме. Имаме добар однос, но сигурен сум дека тоа ќе го заборавиме додека трае мечот“, рекол тренерот на Ливерпул, Јирген Клоп.
Инаку, во тимот на Атлетико се враќаат Алваро Мората и Диего Коста. Бразилецот нема настап од ноември бидејќи имаше операција – дискус хернија. Дуелот со Ливерпул ќе го пропуштат најскапиот играч во историјата на Атлетико, Жоао Феликс, и десниот бек Керан Трипие.
Кај Ливерпул се отсутни Натаниел Клајн и Џердан Шачири. Другите се во стројот, минатитот викенд играа Мане и Фабињо.
Статистиката вели дека Атлетико има само еден пораз на домашен терен на последните 25 натпревари во европските купови, а во нокаут-фазата нема пораз на последните 13 меча. На два натпревара Ливерпул ги добивал своите последни 11 противници.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ибрахимовиќ му препорача тренер на Милан
Златан Ибрахимовиќ (42) од оваа сезона е советник за спортски прашања во фудбалскиот клуб Милан. Легендарниот шведски центарфор учествува во обликувањето на спортската политика на клубот, а наскоро „росонерите“ ќе треба да одберат нов тренер. Стефано Пиоли го напушта клубот на крајот на сезоната по пет години и едно освоено Скудето.
Италијанските медиуми пишуваат дека Златан лобира функцијата да ја преземе Марк ван Бомел (47). Поранешниот холандски играч за врска го предводи белгиски Антверпен.
Ибрахимовиќ и Ван Бомел играа заедно за Милан од јануари 2011 до јуни 2022 година. Наводно клубот веќе стапил во контакт со тренерот.
Ван Бомел во кариерата самостојно ги водеше ПСВ и Волфсбург, а работеше и како асистент во репрезентациите на Австралија и Саудиска Арабија. Во својата кариера настапуваше за Фортуна Ситард, ПСВ, Барселона, Баерн и Милан, а кариера ја заврши пред 11 години како играч на ПСВ Ајндховен.
Раководството на Милан размислува уште неколку кандидати. Според „Газета дело Спорт“, најголеми фаворити се Пауло Фонсека и Хулен Лопетеги. Фонсека е 51-годишен Португалец кој моментално раководи со Лил, а две години работеше во Италија како тренер на Рома.
Лопетеги (57) оваа сезона е без работа откако се раздели со Волвс, додека најпознат е по менаџирањето на Шпанија, Реал Мадрид и Севилја.
Спорт
Енис Барди: Шпанците ме споредуваа со Меси
Капитенот на фудбалсата репрезентација на Македонија, Енис Барди, во интервју за „haber61.net“, зборуваше за периодот кога беше во Леванте. Потенцираше дека во еден период бил подбар изведувач на слободните удари од Лионел Меси.
„Навистина, бев подобар од Меси. Постигнав седум гола од 25 слободни удари, а Меси имаше осум од 52, имав многу подбар процент на реализација. Според процентот бев подобар. Да бидеме сериозни, прекрасно беше чувството што луѓето ме споредуваа со еден од најдобрите фудбалери на сите времиња. Се гордеев со тоа“, рече Барди.
Спорт
Клубовите се против – Шведска нема да воведе ВАР
Системот за видео анализа (ВАР) нема да биде воведен во Шведска, откако на оваа идеа се спротивтавиле фудбалските клубови, изјави во петокот претседателот на Шведската фудбалска федерација (SvFF), Фредрик Рајнфелд.
ВАР постојано беше во центарот на контроверзноста во лигите каде што беше воведен, со поплаки поврзани со неговата обемна анализа и одложувања кои често траат неколку минути.
Во јули 2023 година, Шведската професионална фудбалска лига, која ги претставува клубовите во првите две дивизии на шведскиот фудбал, соопшти дека мнозинството клубови во земјата „активно се противат“ на воведувањето на ВАР.
Рајнфелд, кој минатата година рече дека ВАР е „иднината“, беше критикуван од навивачите за неговиот став по ова прашање.
„Ако броев правилно, имаме 18 елитни клубови и два региони кои рекоа дека не сакаат да воведат ВАР. Ние тоа го почитуваме. Поради тоа не излеговме со овој предлог на претходниот состанок, а тоа нема да се случи ниту во иднина. Јас сум за почитување на демократските правила на играта“, изјави Рајнфелд, инаку поранешниот премиер на Шведска.