Олимпик Марсеј доѓивеа пораз на гостувањето кај Спортинг (2:1). „Лавовите од Лисабон“ славеа по пресврт во последните 15 минути, откако во финишот на првиот дел Марсеј остана со играч помалку на теренот.

Емерсон Палмиери симулираше пенал, кој првично им беше досуден на гостите, но по прегледувањето на ВАР видеото, тој беше поништен.

Бидејќи левиот бек веќе имаше жолт картон, тој доби втор и автоматски исклучување, а во тој момент Марсеј водеше со 1:0.

После тоа, Спортинг ја искористи предноста на теренот и направи пресврт.

Роберто де Зерби, тренерот на Марсеј, ги критикуваше судиите по поразот на неговиот тим.

„Според мене, ја плативме цената за грешките на судијата. Не ми се допадна начинот на кој судеше. Мислам дека судијата не беше на ниво за ваков натпревар. Дали беше премногу тешко да се издржиме? Не, мислам дека дури и со 10 играчи не страдавме толку многу. Немаше многу шанси за гол. Внесоа квалитетни и свежи играчи. Бев доста смирен, дури и со играч помалку. Сепак, тие ги искористија своите шанси.“

Ontem tivemos a sorte que nos faltou noutras ocasiões ao longo dos anos. O momento que decide o jogo foi este, Emerson já com amarelo pôs-se a jeito, mas saiu a lotaria ao SCP quando o árbitro assinalou penalty. Chamado ao VAR teve que alterar decisão e mostrar o 2° amarelo… pic.twitter.com/TLIrLXXWQw

— António de Almeida (@AdeAlmeida) October 23, 2025

За неколку дена, Јаник Синер од херој на нацијата стана најкритикуваната личност во својата татковина, Италија.

По брилијантниот настап на неофицијалниот турнир „Шест кралеви“ во Ријад, каде во финалето го декласира Карлос Алкарас и заработи шест милиони долари, донесе одлука да на игра за Италија на завршниот турнир во Дејвис купот.

Значи, Италија без најдобриот играче ќе ја брани титулата на завршниот турнир во Болоња.

Вистина е, некои го бранат, но мнозинството луѓе го напаѓаат затоа што, по Олимписките игри во Париз, одлучил повторно да не игра под националното знаме, а не е повреден.

До каде одат критиките, кажува и соопштението на Организацијата на потрошувачи на Италија, кое нема никаква врска со спортот.

„Одлуката на Синер да не игра на Дејвис купот е навреда за цела Италија, тежок удар за сите италијански љубители на тенисот. Италија не може да биде претставена само кога се земаат пари, а потоа се носат одлуки против спортот. Затоа бараме повлекување на сите почести што му ги доделила државата: од статусот амбасадор на спортската дипломатија до почесен граѓанин на Торино, до Златната огрлица за спортски заслуги на Италијанскиот олимписки комитет и многу други“, бара Организацијата на потрошувачи на Италија.

Интересно е што Синер, како добар скијач, беше назначен за амбасадор на Зимските олимписки игри, кои ќе се одржат во Милано во јануари 2026 година.

Јасно е дека се очекуваат многу проблеми и напади врз, до пред неколку дена, миленикот на нацијата, а сега најомразениот спортист на Италија.

Ливерпул со убедливата победа нат Ајнтрахт во Франкфурт (5:1), стави крај на серијата од четири порази. И покрај убедливата победа, менаџерот Арне Слот нема многу причини за задоволство.

Холандскиот тренер е загрижен поради повредите на Џереми Фримпонг и Александер Исак.

„Очекувам Фримпонг да биде во авут неколку недели“, рече Слот.

Александар Исак исто така имаше болна гримаса кога го напушташе теренот. Слот истакнува дека ситуацијата не е толку сериозна, барем на прв поглед.

„Тој излезе поради непријатност во препоните. Тешко е да се најде рамнотежа кај играч кој пропуштил три месеци фудбал“.