Карим Бензема не се појави на денешното судење во Версај поради професионални обврски. Бензема, синоќа, со Реал играше во Украина против Шахтјор. На францускиот репрезентативец и на уште четри други лива им се суди за изнуда.

Тое се обидоа во 2015 година да изнудат пари од Метју Валбуена за да пуштат негово домашно видео во јавноста. Бензема, според обвинението, посрердувал во изнудата. Тој го убедувал Валбуена да им ја исплати на уценувачите бараната сума.

Поради тој скандал селекторот Дидие Дешам го исфрли Бензема од националниот тим, во кој се врати ова лето за Европското првенство.

Се очекува судењето да трае три дена. Влабуена истакнал дека нема да се откаже и дека ќе оди до крај.

„Чекав шест години и ќе одам до крај. Само Бензема не се појави пред судот. Штета. Овде ќе останеме онолку колку што ќе биде потребно“, изјави Валбуена.

Според францускиот закон, за вакво дело предвидена е максимална казна затвор од пет години.

Менаџерот на Челси, Томас Тухел, го потврдил интересот на клубот за напаѓачот на Борусија Дортмунд, Ерлинг Халанд. „Сините“ сакаат да го засилат нападот со Халанд и покрај тоа што минатото лето се засилија со Ромалу Лукаку.

„Разговаравме неколку пати за Ерлинг. Бевме заинтересирани и минатото лето. Да бидеме реални во тоа време неговиот трансфер во Челси делуваше нереален“, истакнал Тухел.

„Халанд е фантастичен фудбалер, тој е важна личност во Борусија тим кој е сериозен конкурент во Лигата на шампионите. Можам ли да ги замислам заедно Халанд и Лукаку? Зошто да не, можеме да разговараме на таа тема. Да видиме дали нешто ќе се случи во наредните недели“.

Ерлинг Халанд, сезонава одиграл 10 натпревари за Борусија, постигнал 13 голови.

Стив Брус, спогодбено се раздели со Њукасл јунајтед и најави заминување во пензија. Менаџерот кој го предводеше Њукасл јунајтед од јули 2019 година, разделбата со клубот ја наплати со 10.000.000 евра.

Брус, во неделата, го одработи 1.000 натпревар во кариерата. Њукасл јунајтед загубија од Тотенхем со 3:2. Овој пораз не беше пресуден 60-годишникот да добие отказ. Новите сопственици, по преземањето на клубот, најавија дека ќе бараат нов тренер.

„Мислев дека се можам да истрпам, но беше неиздржливо. Не ме сакаа, ми говореа дека нема да успеам, дека тактички сум неспособен…Од првиот ден беше така“, рекол Брус и продолжил.

„Мислам дека ова ми беше последната работа во кариерата. Не е до мене, ова е напор за което семејство. Од првиот ден во Њукасл мо беше многу, многу тешко. Кога резултатите беа добри говореа дека стилот што го негуваме е ужасен или дека сме имале среќа. Не бев добар дури и кога работите за клубот беа добри“.

Стив Брус ги предводеше Њукасл јунајтед на 97 натпревари, во нив освоил во просек 1,15 бодови.