Челси, очигледно, не може да го држи темпото со Манчестер сити и Ливерпул, откако четврт меч едноподруго во Премиерлигата не успева да стигне до победа, одигрувајќи 1:1 на гости кај Брајтон, помалку од 20 дена откако истиот противник извлече 1:1 на „Стемфорд Бриџ“.

Хаким Зијеш ги донесе во водство „сините“ на Томас Тухел, кој вчера ја доби наградата за најдобар тренер изминатата сезона од страна на ФИФА, во 28. минута од мечот, но по неколку пропуштени шанси стигна казната, кога Адам Вебстер во 60. минута ги израдува фановите на „Ејмекс“.

Челси останува трет со 44 поени, еден зад Ливерпул (кои имаат два натпревари помалку) и дури 12 зад Манчестер сити (со еден натпревар помалку). Брајтон на Греем Потер се деветти со 29 поени.

(function (el) { window.addEventListener(“message”, (event) => { if (event.origin.startsWith(“https://www.sofascore”)) { if (el.id === event.data.id) { el.style.height = event.data.height + “px”; } } }); })(document.getElementById(“sofa-standings-embed-1-37036”));

Второлигашот од Хамбург, Санкт Паули стигна до славна 2:1 победа над Борусија Дортмунд во осминафиналето на германскиот ДФБ куп, иако гостите играа со својот најсилен тим.

Етјен Аменјидо ги донесе домаќините во водство уште во четвртата минута, пред Аксел Витсел да си постигне автогол во 40. минута од мечот. Борусија го почна силно второто полувреме и намали на 2:1 откако Ерлинг Халанд беше прецизен од белата точка во 58. минута од мечот, но до крајот „милионерите“ не успеаја да го најдат патот до голот.

Во четврт-финалето се и градските ривали на Санкт Паули, многу попознатите Хамбургер, кои со 4:3 на пенали елиминираа уште еден прволигаш, Келн откако по продолженијата беше 1:1.

ДФБ КУП, 1/8 ФИНАЛЕ

Санкт Паули – Борусија Дортмунд 2:1

Келн – Хамбургер 1:1, 3:4 пенали

180 Минхен – Карлсруе 0:1

Бохум – Мајнц 3:1

Донатас Мотиејунас, Двејн Бејкон и Мајк Џејмс имаа комбинирано 63 поени за Монако да ги декласира Асвел со 100:75 на гости во презакажаниот меч од Евролигата.

Мотиејунас беше најефикасен со 22 поени и 4 скока, Бејкон имаше 21 поени, а Џејмс 20 поени за тимот на Саша Обрадовиќ, кој сега има три победи во низа за да го подобри скорот на 8-11.

Монако имаше 21 поен предност во третата четвртина (71:50),  која успеа да ја зголеми до крајот. Маркос Најт имаше 19 поени 9 скока за Асвел, кои сега имаат 8-10 скор.

Олимпија Милано, пак, благодарение на фантастичната последна четвртина стигна до 76:65 домашна победа над Алба Берлин, подобрувајќи го скорот на 12-6, со што се на третото место на табелата израмнети со Олимпијакос и Зенит Санкт Петерсбург.

По израмнети три четвртини, Милано ја почна последната четвртина со 16:6 серија, која на крајот беше доволна за победа. Џиџи Датоме беше најефикасен со 16 поени, Кајл Хајнс додаде 12, додека за Алба, Маодо Ло имаше 13 поени.

ЕВРОЛИГА, 19.КОЛО

Асвел Лион – Монако 75:100 (24:27, 17:24, 17:25, 17:24)

Олимпија Милано – Алба Берлин 84:76 (22:24, 16:16, 22:19, 24:17)