Спорт
Автограмот на Халанд ќе оди на аукција за благородна цел

Манчестер сити, во вторникот, ја победија Борусија Дортмунд со 2:1, во првиот четврт-финален натпревар во Лигата на шампионите. Интересно, најголемо внимание од овој натпревар, привлече сцената која се случи по завршувањето на истиот.
Еден од помошниците на главниот судија Овиду Хатеган, Октавијан Совре, пред соблекувалните побарал автограм од ѕвездата на Борусија, Ерлинг Халанд.
Норвежанецот својот потпис го ставил на црвениот и жолтиот картон.
Многумина го осудија ова однесување на судијата, меѓутоа романските медиуми открија дека неговата цел била благородна.
Судијата Совре, долго време соработува со центар кој им помага на деца со аутизам. Совре автограмот на Халанд ќе го стави на аукција, а парите ќе ги донира во центарот.
Haaland's signed cards will go to an auction to help people with autism.
That's why Romanian ref Sovre was running after Erling last night at the Etihad. #MCIBVB #bvb pic.twitter.com/QcOcNh90jQ— Emanuel Roşu (@Emishor) April 7, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Меси постави нов рекорд и ги оддржа Каталонците во борба за титулата

Лионел Меси постигна два гола за да ги предводи Барселона до 5:2 триумф над Хетафе за враќање на третата позиција во Ла лига и заддржување на шансите за шпанската титула.
Со овие два гола, неверојатниот Аргентинец стана единствениот фудбалер кој постигнал барем 25 гола во последните 12 сезони во топ 5 лигите. Само во 2021 година, тој има постигнато 22 гола и има 8 асистенции.
Меси уште во осмата минута ги донесе Каталонците во водство, но Клемен Ленгле само четири минути подоцна си постигна автогол за израмнување. Софијан Шакла ја врати „услугата“ со свој автогол во 28. минута за ново водство на Барса, пред Меси повторно да стрела во 33. минута. Сепак, финишот беше „нервозен“ за домаќините, откако Хетафе успеа да намали на 3:2 во 69. минута со гол од пенал на Енес Унал, но Роналд Араухо во 88. минута го потврди триумфот, пред во 93. минута Антоан Гризман да ги постави конечните 5:2.
Барса сега има 68 поени на третото место, два поени зад второпласираниот Реал Мадрид и пет зад лидерот Атлетико Мадрид, но за разлика од ривалите, Каталонците имаат одиграно меч помалку.
Графика: Sofascore за Топспорт.мк
ЛА ЛИГА, 31.КОЛО
Барселона – Хетафе 5:2
Гранада – Еибар 4:1
Реал Сосиедад – Селта Виго 2:1
Спорт
Армани Милано на чекор од Фајнал фор првпат од 1992 година!

Армани Олимпија Милано се на една победа од пласман на Фајнал фор турнирот од Евролигата, првпат од далечната 1992 година, откако предводени од Кевин Пантер стигнаа до 80:69 победа над Баерн Минхен во вториот меч од четврт-финалето.
Пантер постигна 20 поени, Шејвон Шилдс додаде 12, а Серхио Родригез имаше 13 за полесна победа од првиот меч, кога триумфираа со поени во последната секунда.
Вејд Болдвин имаше 23 поени за Баерн, но нервозата во германскиот клуб беше јасна, откако тренерот Андреа Тринкиери беше исклучен по двојна техничка грешка во третата четвртина, кога Баерн се обидуваше да направи камбек.
Баерн почнаа со 5:0, но Милано врати со 20:0 серија и потоа направија 22 поени предност (40:18). Во второто полувреме, Баерн се вратија на шест поени на три минути пред крајот на третата четвртина, но италијанскиот клуб остана сигурен до крајот.
Спорт
Лестер со три гола за 13 минути ги „поттурна“ Вест Бром кон втората лига

Лестер со три гола во првото полувреме го реши победникот на мечот со Вест Бромвич Албион стигнувајќи до 3:0 триумф кој ги носи поблиску до осигурување на место во Лигата на шампиони и во исто време го праќа тимот на Сем Алардајс поблиску до второлигашки живот следната сезона.
Победата беше осигурана за 13 минути – Џејми Варди во 23. минута, Џони Еванс само три минути подоцна и Келечи Ихеаначо во 39. минута ја наполнија мрежата на гостите за сигурен триумф.
Со победата, Лестер останува на третото место со 59 поени, четири помалку од второпласираниот Манчестер јунајтед, но уште поважно четири поени пред Челси и Вест хем на само шест кола пред крајот на сезоната.
Вест Бром, пак, реално многу тешко ќе остане во Премиер лигата. Тие се на 19. место во лигата со 24 поени, девет поени зад Барнли, првиот клуб во безбедната зона.
- Свет3 месеци
Поради примање мито во Кина погубен поранешен државен функционер
- Европа2 месеци
Планот за отклучување на Германија протече во медиумите, Меркел: Имаме трет бран
- Економија2 месеци
Сите брендови на Индитекс доаѓаат во „Ист гејт мол“
- Свет1 месец
(Видео) Полиција собори маж на земја пред неговото мало дете зашто немал маска
- Регион7 дена
„Фајзер“, „спутник В“ или „Синофарм“ – истражување во Србија покажа која вакцина штити најбргу
- Економија3 недели
„Оштетени штедачи“: Фирма на Игор Џамбазов зела неповратен кредит од Еуростандард банка
- Црна хроника3 месеци
Брат и сестра нападнати на Широк сокак
- Регион2 месеци
Вучиќ за ковид-пасошите: Кои сте вие да го ограничите движењето на некој што не сака да се вакцинира?