Спорт
Азар се врати, Реал само 2:2 со Селта! (видео)
Еден Азар го заигра првиот меч за Реал Мадрид по подолга пауза, но ниту тој не беше доволен „кралскиот“ клуб да извлече победа, одигрувајќи само 2:2 со Селта на „Сантијаго Бернабеу“.
Гостите најавија дека се дојдени во шпанската престолнина да играат фудбал уште во седмата минута, кога Федор Смолов избегна офсајд стапица и го совлада немоќниот Тибо Куртоа. Реал доминираше во играта и во поседот на топката, но чекаше дури до 50. минута да израмни кога Тони Крос доби убава топка од Марсело и стрелаше за 1:1.
Тимот на Зинедин Зидан успеа да дојде во водство во 65. минута кога беше досуден пенал по стартот на голманот Бланко, а капитенот Серхио Рамос не згреши од белата точка.
Но, гостите стигнаа до поенот во 86. минута, кога по една прекрасно одработена акција, Санти Мина истрча на вистинско место и го совлада Куртоа.
Со ремито, Реал пропушти шанса да ја врати предноста од три поени пред Барселона и сега имаат 53 поени, само еден пред вечните ривали. Селта, пак, излегува од зоната за испаѓање со 31 поен на 17. место, исто колку што имаат и 18-пласираните Мајорка со послаба гол-разлика.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Уапсен поранешниот Ф1 возач, Адријан Зутил
Поранешниот член на караванот на Формула 1, Адриан Зутил, беше уапсен во Штутгарт.
Тој беше уапсен под сомнение за учество во измама и проневера, по меѓународна операција.
Германецот не ги коментираше овие наводи.
Зутил се натпреваруваше во Формула 1 од 2007 до 2014 година, но не беше многу успешен, бидејќи никогаш не успеа да се искачи на подиумот.
Сепак, тој го држи рекордот по бројот на стартови, вкупно 128, во кои не успеа да стигне до едно од првите три места.
Спорт
Вработена го оштетила Челзи за 230.000 евра
Поранешна долгогодишна вработена во Челзи се изјасни за виновна за измама на клубот за повеќе од 200.000 фунти (околу 230.000 евра) во период од четири години.
39-годишната Клер Волш, која работеla како помошничка благајничка, ја злоупотребила својата позиција за лична корист и сега се соочува со затворска казна до 10 години.
Волш се појави пред Судот за прекршоци во Вестминстер, каде што се изјасни за виновна по обвинението за измама со злоупотреба на службената должност во периодот јуни 2019 и октомври 2023 година.
Судијата Киран О’Донел ѝ соопштил дека обемот на измамата е надвор од овластувањата на Судот за прекршоци за изрекување казни.
Волш работи за Челзи повеќе од 20 години. Таа ќе биде осудена во Крунскиот суд во Ајлворт на датум што ќе биде дополнително одреден.
Клубот откри финансиски неправилности на почетокот на 2022 година и веднаш го проследи случајот до полицијата.
Спорт
Пулишиќ е повреден, нема да игра против Лацио
Кристијан Пулишиќ американскит репрезентативец и херој на неодамнешната победа во дербито против Интер ќе го пропушти претстојниот првенствен натпревар против Лацио, потврди тренерот Масимилијано Алегри.
На прес-конференцијата пред натпреварот, Алегри истакна дека Пулишиќ „веројатно нема да игра“, но остави мала можност за промена со оглед на тоа што остануваат уште два дена до натпреварот.
Тој нагласи дека остатокот од тимот е во добра состојба, но дека не сака да ризикува со Американецот, особено затоа што неодамна се опорави од повредата на тетивата.
Оваа ситуација е особено фрустрирачка за Милан бидејќи Пулишиќ штотуку се врати во полна форма по повредата здобиена за време на репрезентативните обврски во октомври.
И покрај тоа што пропушти четири натпревари, Пулишиќ беше клучен играч за Милан оваа сезона со седум гола и две асистенции во само 10 настапи во сите натпреварувања.

