Спорт
Баерн во последниот пола час ја торпедираше Херта (видео)

Херта Берлин успеа да ги намачи германските шампиони Баерн Минхен во првите 45 минути, но на крајот тимот на Јирген Клинсман не можеше против „баварската машина“ и загуби со 0:4 на „Олимпискиот стадион“.
„Старата дама“ го пречека Баерн по низа од четири меча без пораз и изгледаше тесно во првото полувреме, пред Томас Милер во 60-тата минута да постигне гол по асистенција на Иван Перишиќ. Во 73. минута, Роберт Левандовски од пенал зголеми на 2:0, за само две минути подоцна Тијаго Алкантара да го реши победникот за 3:0. Перишиќ добриот меч го заврши со гол во 84. минута за победа на тимот на Ханс-Дитер Флик.
Баерн сега се втори на табелата со 36 поени, четири помалку од лидерите РБ Лајпциг, додека Херта се на 14. место на табелата со 19 поени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Бразилски репрезентативец ја засили Рома

Бразилскиот репрезентативец и поранешен член на Фламенго, Винисиус Франко Лима, познат како Весли, стана нов играч на Рома.
Италијанскиот клуб му плати 25 милиони евра на Фламенго, со можност за бонуси што би можеле да им донесат на Бразилците уште пет милиони евра.
Весли му помогна на Фламенго да го освои Копа Либертадорес во 2022 година и беше дел од тимот што стигна до осминафиналето на Светското клупско првенство ова лето.
Се очекуваше тој да го напушти Фламенго откако го привлече вниманието на неколку европски клубови, а клубот од Рио де Жанеиро му даде зелено светло за трансфер откако го потпишаа Емерсон Ројал од Милан.
Дваесет и едногодишниот Весли потпиша петгодишен договор со Рома и ќе го носи дресот со број 43. Весли е 46-от Бразилец во историјата на „Волчицата“.
Ова е трето засилување на Рома ова лето, пред првата сезона под водство на Џан Пјеро Гасперини. Претходно во клубот дојдоа ѕвездата на Ленс, Нил Ел Аџнауи, и напаѓачот на Брајтон, Еван Фергусон.
Фотп/ Принскрин
Спорт
Сандро Тонали пред сензационален трансфер во Серија А

Јувентус сериозно размислува да испрати атрактивна понуда до Њукасл за Сандро Тонали (25), објавија во вторникот италијанските медиуми.
Италијанскиот репрезентативец се пресели од Милан на северот од Англија во 2023 година во трансфер вреден 60 милиони евра.
Иако потпиша петгодишен договор со „страчките“, веќе по две сезони во Премиер лигата, Јувентус планира амбициозно враќање на Тонали во Италија.
Како што пишува „Газета дело Спорт“, „Старата дама“ наводно веќе воспоставила контакт со Њукасл. Јуве би платил 40 милиони евра , во замена за играчот што сака да го продаде, Даглас Луиз (27). Бразилецот не ги исполни очекувањата по трансферот од Астон Вила.
Сите детали за овој потенцијален трансфер ќе бидат појасни во наредните денови, но едно е сигурно: Јувентус е подготвен да направи сериозен чекор со цел да го врати Тонали во Серија А.
Фото/ Принскрин
Спорт
„Шумарите“ во Болоња најдоа замена за Еланга

Фудбалерот на Болоња, Ден Ендој, ќе стане ново засилување на Нотингем Форест, откако англискиот клуб се согласи на трансфер вреден 40 милиони евра, објави „Скај Спорт Италија“.
Толку ќе биде фиксниот дел од обештетувањето според договорот меѓу двата клуба, додека Болоња може да смета на до три милиони бонуси и проценти од наредната продажба.
Долго време за Ендој интерес покажуваше италијанскиот првак Наполи. Сепак првиот човек на наполитанците, Аурелио Де Лаурентис, не сакаше да плати 40 милиони за крилниот напаѓач.
Ендој ги договори личните услови и со Наполи и со Форест. Овој крилен напаѓач има 24 години и пристигнува на „Сити Граунд“ како замена за Ентони Еланга, кој се приклучи на Њукасл.
Швајцарскиот интернационалец постигна девет гола и запиша шест асистенции на 41 натпревар за Болоња минатата сезона и имаше голем придонес во освојувањето на Купот на Италија.
Ендој претходно играше за Базел, Ница и Лозана.
Фото/ Принтскрин