Неколку часа пред победата на ПСЖ над Ремс во текот на викендот, нивната прва ѕвезда Нејмар за малку ќе имал проблем со натрапник, откако човек со ранец полн библии сакал да влезе во неговиот дом за да „го шири зборот на Бога“, тврдат француските медиуми.

Според „Л’Екип“, мистериозниот човек успеал да дојде до вратата на луксузниот апартман на Бразилецот, пред обезбедувањето да реагира, а човекот да заврши во психијатриска болница.

Ова доаѓа откако во март неговиот соиграч Анхел ди Марија имаше многу пострашно искуство, кога сред меч (1:2 поразот од Нант), доби повик дека неговото семејство било мета на крадци. Капитенот Маркињос пак, исто така имаше „посета“ од крадци додека неговото семејство од Бразил било во неговиот дом.

Ова е втора вознемирувачка ситуација за Нејмар, откако во неделата почина неговиот близок пријател, бразилскиот музичар МЦ Кевин на само 23 години, откако тој падна од петти кат од зграда во Рио де Жанеиро неколку дена откако се ожени.

INFO L'ÉQUIPE – Un homme interpellé après s'être introduit dans la propriété de Neymar

L'intrus avait été mis en fuite par le service de sécurité de la star brésilienne après avoir réussi à escalader le mur de sa propriété https://t.co/7DbfkywSfl pic.twitter.com/uslN0eGI1M

— L'ÉQUIPE (@lequipe) May 17, 2021

View this post on Instagram

A post shared by NJ 10 🇧🇷 (@neymarjr)

Најдобриот фудбалер на Тотенхем, Хери Кејн, уште еднаш побарал од клубот да замине ова лето, а со неговите претставници веќе контактирале од премиерлигашките ривали Манчестер јунајтед, Манчестер сити и Челси, тврди британскиот „Скај спорт“.

Кејн неколкупати оваа сезона изјави дека би сакал да се бори за најголемите трофеи и по кошмарната сезона на Тотенхем, излезот според „Скај спорт“ е повеќе од веројатен.

Кејн би сакал да остане во Премиер лигата, што остава простор за Сити, Јунајтед и за Челси да почнат со наддавање за услугите на англискиот капитен пред Европското првенство ова лето. Кејн би сакал ситуацијата да се реши пред првенството.

Кејн е најдобар стрелец во Премиер лигата со 22 гола досега, а исто така е лидер и по бројот на асистенции со 13, но уште нема освоено ниту еден трофеј, со два пораза во Карабао-купот и еден во Лигата на шампионите.

Бидејќи неговиот договор трае до летото 2024 година, Тотенхем има простор да преговара за висок, а можеби и рекорден трансфер.

Поранешниот напаѓач на Лацио, Паоло ди Канио, не го криеше разочарувањето што лутиот ривал Рома се реши да го ангажира Жозе Мурињо потсмевајќи се дека некои од навивачите на „волчицата“ веќе мислат дека ги освоиле сите титули.

Во мај тој имаше неверојатен напад на Мурињо оценувајќи го како „најлошиот тренер во историјата“, а сега повторно инсистира дека Португалецот едноставно направи многу грешки последните месеци.

„Кога Рома го објави Мурињо, добив 300 пораки од мои пријатели кои се навивачи на Рома. Можев да ги слушнам само како врескаат. Но, има вистина во моите коментари. Тој направи премногу грешки во последните години. Да, освои многу со Интер, но тоа беше пред 10 години. Некои од моите пријатели мислат дека веќе ја освоиле тројната титула. Лудо е да се каже дека на Мурињо му оди добро во последните години, тој доби многу откази бидејќи не донесе резултати“, вели Ди Канио.

Ди Канио: Рома го донесе најлошиот тренер