Спорт
(Видео) Баерн за полувреме го декласира Дармштад, пораз на Штутгарт

Фудбалерите на Баерн Минхен го декласираа Драмштад со 8:0 во деветото коло. Сите голови Баерн ги постигна во второто полувреме, во периодот од 51 до 88.минута.
Чуден тек имаше мечот во Минхен. Започна со црвениот картон што го доби Кимих по само четири минути игра. Силите на теренот беа израмнети во 21.минута кога црвен каротон доби Ѓасула, а 20 минути подоцна гостите останаа и без Маглица и тој беше исклучен.
Во вториот дел во ситуација 10 на девет, Баерн го декласира ривалот.
Хет-трик постигна Кејн, по два гола дадоа Мусијала и Сане, а меѓу стрелците се запиша и ветеранот Милер.
Мечот го обележа враќањето на Ноер на голот на Баерн и голот на Кејн во 69.минута, кога од 50 метри успеа да го лобува противничкиот голман.
Резултати:
Штутгарт-Хофенхајм 2:3
Вердер-Унион Берлин 2:0
Аугсбург-Волфсбург 3:2
Борусија Менхенгладбах-Ханденхајм 2:1.
Foto/ EPA
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Галатасарај го купи голманот на Трабзон за 33 милиони евра

Сензационална вест од Турција. Шампионот Галатасарај го доведе репрезентативниот голман Угурџан Чакир од Трабзонспор за 33 милиони евра.
Галатасарај го сакаше светскиот шампион Аргентинецот Емилијано Мартинез од Астон Вила и не успеаја да го добијат. Го сакаа и Бразилецот Едерсон од Манчестер сити, него пред нос им го „украде“ градскиот ривал Фенербахче.
Кога извисија за Мартинес и Едерсон, челниците на Галатасарај се налутија и го отворија кесето за моментално најдобриот турски голман и репрезентативец, Угурџан Чакир. Тие му платија на Трабзонспор неверојатни 33 милиони евра за неговиот трансфер!
Галатасарај ја потврди оваа бројка на официјалната веб-страница, вкупно 27 милиони евра плус остатокот во бонуси.
Фото/ Принтскрин
Спорт
Големо засилување за Црвена звезда – Хандел пристигна на „Маракана“

Португалскиот фудбалер Томаш Хандел е нов играч на Црвена звезда. Преодниот рок во Србија трае до 15 септември, а вечерва на полноќ истекува рокот на УЕФА за пријавување на играчите со кои клубовите ќе настапат во Лига Европа.
Овој 24-годишен дефанзивен играч од редот за врска во Белград дојде од Виторија Гимараеш во трансфер вреден три и пол милиони евра, како што објавија медиумите.
Црвено-белите го потврдија доаѓањето на Португалецот на „Маракана“ со објава на социјалните мрежи („Жога Бонито“).
Според „Трансфермаркт“ вредноста на капитенот на Гимараеш изнесува 13 милиони евра. Во минатото Милан и Порто беа заинтересирани за Хандел, а во преодниот рок тој не сакаше да се пресели во ЦСКА Москва.
Тој имаше договор со португалскиот тим до 2029 година и клаузула за откуп од 50 милиони евра.
Хандел одигра 118 натпревари за Гимараеш и постигна шест гола.
Foto/ FK Crvena zvezda
Спорт
Најлудата приказна на преодниот рок – легендарниот голман излегол на кафе и не се вратил на потпис на договорот

Мексиканецот Гиљермо Очоа (40) во последен момент одлучи да ја одбие понудата на шпанскиот второлигаш Бургос.
На последниот ден од преодниот рок, голманот, кој во својата кариера бранеше на пет светски првенства, со амбиција да го стори тоа по шести пат, пристигна во споменатиот шпански клуб за да го финализира договорот со претставниците на Бургос.
Сè одеше непречено за двете страни сè до моментот кога, според шпанските медиуми, Очоа побарал да се промени една ставка во договорот (не е наведено конкретно која), потоа ја напуштил канцеларијата и заминал на кафе.
И не се вратил. Телефонските повици на претседателот на Бургос биле залудни.
Така, во последен момент, тој остана без клуб во кој имаше план да се бори за местото меѓу стативите и на тој начин да се наметне кај селекторот на „сомбреросите“ за претстојното Светско првенство – што би бил неговиот рекорден шести во кариерата.
Бургос, во меѓувреме, имале подготвен „план Б“ по ненадејното заминување на Очоа. Раководството на клубот реагираше брзо и го ангажираше Хесус Руиз, Каталонец, кој беше слободен на пазарот откако го напушти Расинг Ферол
Foto/ EPA